قطعت الماي يامعوّد وزرعي بعده ما ورّد ويوم قلبي أنا تعوّد بدينا نختلف بالراي !

[لسعة شقاوة]

لئيم اللي يقطع الماي والزرع ماورد
السلام عليكم ورحمة الله
أسعد الله مساءاتكم وصباحاتكم
بسم الله
مره بجلسة سوالف تكلمنا عن تحديد النسل المهم سالفة تجر ثانية لين جلسنا نسولف عن اللي يتزوج بس مايبي أطفال
يقهروني طبعاً موجودة عندنا فيه اللي مايحب الأطفال أبداً وعنده استعداد يتزوج لكن يجيب أطفال لا
وترى مب على إنه قل مادة أو مايقدر يربي لا فعلاً مايبي طفل مايحبه
هالشي مو ظاهر كثير لكن موجود عندنا وممكن حصلتوا بين أهلكم بنات ولا رجال مستعدين للزواج بدون إنجاب
عاد أنا أفكر بها وأتخيل إننا بعد عشرين سنة ندور طفل ومانلقى وين السعودية اللي كلها أطفال فجأة يختفون << برا
وبالمناسبة اللي يتكلم مع هالفئة بيلاحظ إنه صعب يغير الفكرة اللي براسه
مابي عيال وسلام عليكم
اللي تبي بيبي تكتب له بالعقد خخخخخخخخخخخخخخخخخ والله فيه بنات مايبون بعد مب بس رجال
وفيه اللي يشترطون عدد معين هذولا على راسي أهون من اللي مايجيب خير شر
وجع الأطفال هم زين الدار وشو يعني إنسان مايحب أطفال متوحشين

المايك لكم

[الخنفروش]

اتزوج ولا اريد اولاد
غريب هذا الشخص
إلا اذا كان لديه اولاد من زوجه أخرى
فالأساس من الزواج هو الأنجاب
قال تعالى: {المال والبنون زينة الحياة الدنيا}
***
لسعة شقاوة
شكرا لك هذا الحضور
والحقيقة الموضوع ملفت للنظر
ويحتاج للنقاش والحوار الطويل
ننتظر الأعضاء الكرام

[هدوء الليل]

مستحيل اني اتزوج وما اجيب جهال
اجل ليش متزوجة لا لا اني موتي الجهال
غريبين بعض الناس الله يكون في عونهم
تقبلي مروري

[ام القمر]

الاطفال احباب الله الحمدلله تزوجت وعنديبنوتةزيالقمر الله يرزق الي ماعندها ويبي اطفال

[زهراء الصفار]

مشكورة أختي على الموضوع

مافي أحد ماتوقع مايحب الأطفال .. الأطفال نعمة من رب العالمين .. الله يحفظ الجميع

بس ناس واجد الحين ..يبغوا يخططوا الى مستقبلهم ..يأسسوا حالهم ..يتعرفوا على بعض أكثر ..يتقربوا الى بعض أكثر ..
ياما ناس جابو ا من بداية الزواج وصار الطفل ضحية بين الزوجين

غير كذا في ناس تبغى تكمل دراستها ..ناس تبغى تمسك وظائف أفضل ...
الدنيا الحين غير أول .. حليوة بس يبغى ألينا نتعب علشانها وتصير أحلى
كل هالظروف تساعد وتشجع الواحد أن يبني مستقبل أولاده قبل لايجيبوهم ...

ولكن وبس اللي أستغربه أنا في ناس
الى الحين ..يطحيوا الجنين لو حصل حمل .. ليش والله مو وقته الحين ..هذا كتبة رب العالمين
هنا العتب وهنا اللوم في هاللحظة على عقول الناس اللي الله يستر عليهم
والله يرزقنا ويرزقكم أن شاء الله بذرية الصالحة

[نهج البلاغه]

قال رسول الله صلى الله عليه وآله:(تكاثروا فأني مباهي بكم الأمم يوم القيامة).التكاثر الايجابي والتخطيطي الذي يعود بالنفع على الأسرة والمجتمع
الأطفال زينة الحياة الدنيا والبيت إذا مافيه أطفال لاحركة ولاكلام كأنه مقبرة.عن نفسي احب اليهال واموت فيهم.
تقبلي مروري وتحياتي للجميع

[شموع الامل]

غريييييييب
اول مرة اسمع ان فيه ناس ماتبغى اولاد
الواحد من يتزوج يبغى يشوف انتاجه على طول
بس اللي ما يبغى قصة لبوحده