مقطع من قصيدة : اسالوني قبل أن‎

[أنوار الأمل]

مقطع من قصيدة : اسالوني قبل أن
> >
> > قصيدة باللهجة العراقية
> >
> > للشاعر نائل المظفر
> >
> >
> >
> > -----------------------------------------------------------------
> >
> > عندي يا مولاي بعض الأسئله
> > الواحد بواحد إذا تضربه شيصير؟؟؟
> > غير واحد؟ ؟شو غلط بالمسئله؟؟؟
> > أنت كل واحد تضربه بذو الفقار
> > ينقسم نصين يطلع حاصله!!!
> > وينطرح بس ينضرب ما ينجمع
> > شلون واحد والجمع ما يقبله؟؟؟
> >
> > سيفك القانون بس محد رضاه
> > لأن أول سيف ينصف قاتله
> > وراسك القرآن بس محد قراه
> > وإنفتح بالسيف مو بالبسمله
> >
> > يا فقير ومنزلك مثلك فقير
> > وما كو واحد أعلى منك منزله
> > الله ما حطلك ملك للسيئات
> > ملكينك حسنات إمسجله
> > على جتافك ينعس ويغفه الملاك
> > وإنتّ ساجد للصبح بالنافله
> >
> > ما تنام مخدتك تسأل عليك
> > وتصبح من الشوق سجادة صله
> > المشكلة بلا حل تجيهم وإنتّ لا
> > الحل يجيك وما كو عندك مشكله
> > إنتّ ما ناطق حرف عن الهوى
> > يعني لازم حجيك إحنه إنرتله
> > إو والله لو ميت وحي بذاك الزمان
> > وينقص القرآن إنتّ اتكمله
> >
> > ويا أمير الما ينصبونك أمير
> > صدقوا بهذا ألأمر مو مخطئين
> > لأن قالولك عليهم ماتصير
> > وإنتّ يامولاي أمير((المؤمنين))
> >
> > شلون أشك بعصمتك وإنتّ الرسول
> > وصّفّك قرآن ناطق يعني دين
> > يعني حبل الله ويقول إعتصموا بيه
> > شلون مو معصوم يعصم معصمين؟؟؟
> >
> > لا يسيف الله غيرك ما كو سيف
> > حتى موتك هم ثبت للعالمين
> > بالصلاة ضربوك بس ساجد بقيت
> > وكان راسك منشطر نصف انشطار
> > ومثل سيفك سيدي شويه إنحنيت
> > وما تميز يا هو بيكم ذو الفقار
> >
> >
> >
> >
> >
> >
> >
> >
> >
> > ولكم منا أجمل التحيات وأطيبها نسئلكم الدعاء

من ايميلي ..