ليش تستحي من أبوك أكثر من أمك ؟؟؟

[سمره بس قمره]

ليش تستحي من أبوك أكثر من أمك ؟؟؟

السلام عليكم

شخباركم وشلونكم

كثير من العيال والشباب يومونون على أمهم أكثر من أبوهم

ويحط الحرقة في أمه

أحيانا الأب يحط حاجز بينه وبين عياله ويكون جاد أكثر من اللازم

وأستغرب من هالعلاقة الغريبة اللي بين الأب وولد أو بنته

أنا أقول الاحترام لابد منه بس مومسأله الخوف او الحياء الزايد

مع الأبوا..

يعني تشوف الأبوا يسالف مع عيال الناس وعيال ربعه

بس مع عياله يكون غير واضح ويكون تصرفه معاه غريب وجدي أكثر من اللازم.

في المقابل في أبهات مثل الأصدقاء مع عيالهم وهذا شيء ممتاز

بس قلنا لابد أن يكون بينهم احترام

بصراحة ماأدري شالسبب ؟؟

هل هو خوف ؟؟ هل هو حياء ؟؟

فيه أولاد يستحون من ابهاتهم بطريقة غريبة غريبة!!!

طيب العيال ماتنلام اذا استحت من الابو بس الأبوا ليش مايكسر هالحاجز ؟؟؟

اختكم <<<سمره بس قمره

‍
(( منقول ))

[شيعيه]

هلا خيوه
موضوعك كتييييير حلو


و باباتي غيييييييييير ... بابا هذا حبيبي :بالحضن:




لكن بالنسبه للآباء اللي حاطين حاجز بينهم وبين عيالهم ..

هذا عنده نقص في شخصته يبي يكمله بالسيطره على البيت ( رجال البيت)
فرض كلمته يآمر وينهي على الكل مو حاط اعتبار للبشر اللي عايشين وياه ..


هل هو خوف ؟؟ هل هو حياء ؟؟

لا لا تأكد انه خوف واعرف وحده من كثر خوفها صارت تكذب في كل شي ..( تكذب على الأب )
يعني مره ايام المدرسه نسولف عن مجلة سيدتي فقلت ليهم اني قلت لأبوي يشتريها ليي <<< فيها شي ؟
هالبنت تعجبت :كشافات: قامت تقول : قلتي لآبوش ؟؟؟
تقول أنها تاخذ مصروفها وتكذب على ابوها انها بتروح المكتبه بتشتري
دفاتر لآنها تخاف تقوله تبغى مجله لآن بيكسر راسها !!!

فيه أولاد يستحون من ابهاتهم بطريقة غريبة غريبة!!!


عادي احيان استحي من بابا بقوووووووووه إذا كثرت طلباتي ..
او طلبت طلب استحي اسأله ويش صار عليه !! << اخاف اني ضغطت عليه
وعلى طوووول للوالده - الواسطه-

طيب العيال ماتنلام اذا استحت من الابو بس الأبوا ليش مايكسر هالحاجز ؟؟

البعض من الأباء كسر الحاجز يعني كسر في شخصيته وهذا مرض نفسي ..
وبمجرد ان يتكلب الأبن عليه ان يجهز نفسه للكف ..!! <<< هذا اللي صاير

الله يحنن قلوب الأباء على ابناءهم ..ياااااارب

تحياتي للكل

[نبتون]

في الواقع ان المسالة بالدرجة الاولى تعود الى ان كثرة الوقت الذي يمضيه الابناء مع الام يفوق الزمن الذي يكونوا فيه مع الاب. وبما أن الانسان اذا تأقلم مع الآخر وقضى جل وقته معه فسوف يحصل هناك نوع من كسر حاجز الخجل وهذا ما يحصل لغالبية الابناء مع امهاتهم.

وبالنسبة لعلاقة الاب مع الابناء لاتكون بمتانة علاقتهم مع الوالدة , وذلك يعود لعدة اسباب منها الفترة الطويلة التي يقضيها الوالد بعيداً عن ابناءه بسبب طبيعة عمله أو كثرة ارتباطاته التي تبعده عن افراد اسرته ما يقلل نسبة التودد بينه وبين ابناءه , وفي بعض الاحيان جفاف الاباء وعنفهم في المنزل تضع الابناء في خانة الحياء , أو تورية الخوف بالحياء.


لكِ جزيل الشكر أختِ الكريمة.

[هدوء الليل]

بسم الله الرحمن الرحيم
أنا الاحظ ان دائما يكون علاقة البنات مع الأم أقوى من الأب
و الاولاد مع الاب أقوى من الأم
ولا مرررررررررررررره شفت أحد يستحي من أمه أو ابوه خصوصا في هالزمن
ومشكوره أختي سمره بس قمره على الموضوع