شوفوا بنات اخر زمن وشو يكتبوا على عباياتهم

[نور البتول]

السلام عليكم ورحمة الله وبركاته...


يغمرني الأسى ويحز في نفسي أن أكتب لكم وأصف جريمة تقترفها الفتاة في حق نفسها



الظاهرة التي انتشرت وبشكل فظيع وهي


كتابة عبارات سفيهه ومبتذله على عبايات النساء



منهم من تكتب على العباية




Follow me



أي إلحــــــــــق بي <<<< وكأن الناس مايفهمون باللغة



واللي تكتب إسمــــــــــــها وتزخرفه كانه نك نيم والا بطاقة جامعيه


واللي تخط حرفها بالخط العريض اللامع على ظهرها



واللي من كثر الإعتزاز بقبيلها تكتب


(اسم قبيلتها) وأفتخر



خلاص كل الناس تفتخر باصلها وبقبيلتها بس مالقيتى الا هالطريقة تتفاخرين فيها




والأدهــــــــــــــــــــى


والأمر



واللي يصــــــــــــرع




اللي تكتب لك




(( إذا في امك خير إلحقني ))


إما انها تهدد <<<< وكنها تقدر تطق


وأيضاً


البنت اللي كتبت عنها حتى الجرايد الخليجية


واللي كانت كاتبه على عبايتها



(( أتحــــــــــــــــــداك تلمسني ))


عرض صريح



ماناقص الا تكتب عليه




تخفيضـــات 50% على اللي يلمسنى






والي عباتها عليها صورة الملك عبد الله وسيفين ونخله ...

طبعاً بالألوان .......... !!



اذا انتي وطنيه لهدرجه سوي العبايه وخليها بالبيت ؟؟؟



أعزائي


القضية هنا ماتمس العادات والتقاليد فقط


تمس الدين أيضاً



الظاهرة هذي نتاج شخصيات متقلقله تافهه غير واعية فاقدة للتمييز
شخصية يطلق عليها مايسمى بالإمعه


فهي بدأت ومن ثم انتشرت


وكيف انتشرت



كل هذا نتيجة لسطحية التفكير وضعف الوازع الديني


وفقدان السيطرة على زمام الأمور وإيجاد حل للمشكلة بعقلانية وتروي وإنضباط


هذي نتيجة ........ ارخاء العصا وعدم مسكها من النص

ماهي الفتاة بدون عفه وحياء وشرف؟؟

وماهو الحجاب إن لم يكن يؤدي الغرض الذي شرع من أجله؟؟.....



السؤال...اين اولياء الامور...


اين الاب؟ ...من اشترى تلك العباءة؟....


حديثي هذا نتيجة لشيء رأيته في السوق وفجر فيني الحديث

[ثورة العشق]

هلا والله نور البتول
والله انتي صادقه معاي بلجامعه بنات حاطين صورة الملك عبدلله اول ماشفتها تعجبت لا وتبرق بعد يعني حتى بليل تشوفينها
ومعاي بنات حاطين بعد ....... وافتخر زي ماقلتي لدرجه اني قلت لبنت معاي مو ناقص الا يحطو صورهم بعد قالت لا متحجبين ويحطو صورهم عجيبه ....
ماقول الا الله يهديهم

[umalwi]

اني اول مرة اسمع ان في كذا..

الله يفرج عنهم ويشفيهم..

[نبعة الريحان]

تسلم على الموضوع المؤثر عسى ان يتعضو وشكرا جزيلا

[اهديك عيوني]

خلوني اقول لكم قصة اخوي في احد المحلات التجارية..

اخوي توه متوظف في محل تجاري خاص للمكياج ..


وفي جانب محل المكياج محل للعبي .. وفي منطقتنا القطيف..

لفت نظر اخوي عباة .. العباء مثل لبس الرقص الشرقي..


راح اخوي الى بائع المحل .. لانه جاره المحل وبائع العبي باكستاني..

سأله اخوي .. شنو اسم هادي العباء..

قاله هادي عباة الرقاصة..


خلوني اوصف لكم العباء على كلام اخوي .. لانه جوه زبونات وايد لابسين هالعباء..

مثل عباة الكتف .. لكن في الخصر مربوط فيها حزام مثل اللي يربطوه في الرقص الشرقي..




شفتوا لوين وصلوا في قلة الادب..



ومشكورة يانور البتول على طرح هالموضوع..


والله يستر علينا وعلى الجميع يارب ..

[فاطِمة فتح الله]

والله كل هذا اللي يصير ؟؟؟

مدري والله ماشفت ..

ياعلي ...

ربي سترك

فاطِمة

[pink lady]

بصراحه أنا للحين ما شفت هالتقنيه الجديده

شفت بنات كاتبين اسمائهم بس عاد العبارات اللي قلتيها

صحيح احنا في آخر الزمن

الله يعجل فرجه ويهدي الجميع..

تحياتي لك..

[السامر]

السلام عليكم ورحمة الله وبركاته
وين العفه وين البنت التي تصون
شرفها من الذئب المنتشره
في المجمعات والشورع
والله يستر عليكم وعلينا
والله يستر على خوتنا

[قصه شهد]

الكلام عن العبايات جد صحيح...

مره وحده كاتبه على عباتها اسمها بالانجليش..سالتها ليش ؟؟

قالت لانه حلو وحركه يديده...فقلت لها كل شيء يديد تسوينه؟؟


ووحده كاتبه اي لوف يو...


وسعوديه بنت ابوها

ولما رحت الرياض ..شفت عجب بالعباءه...

ومره شفت وحده من من ..لابسه عباءه احسها خبله...فيها حركات من الخصر..كانها كيس للناصفه..
تعيش وترى عجباً..
كيف هالبنات رخيصات ويرضون يلبسون كذا

فراشه اوكي

عقربه حوته دبانه ماعلي

بس الى هالعبايات والكتابات السخيفه لالالالالالالالالالالالالالالالالالالالا

لمتى نوصل الى الشيء الادنى والتقليد..مايبون شباب يتعيلفون فيهم...طيب لايسون كذا

اين احترام المرأه؟
الم نجعل سيدتنا فاطمه الزهراء قدوه لنا سلام الله عليها

انا مؤيده للعباءه الكتف ولكن اول عباءه ظهرت..وليسى الان..........

تخلف ثم تخلف...

عيل عباءه كلها الوان عمت اعيوني لما شفتها..اقول لها ريلك مايغار الا تقول بالعكس يستانس لما الشباب يطلعو فيني..الحمدلله والشكر (القطيف غير)


استر يارب

اختكم
ام شهد

[قصه شهد]

نفســــــي اجمع كل هالعبايات الي فيهم خرابيط ووديهم المحرقه واحرقهم كلللللللللللللللللللللللللللللللهم..

[ثورة العشق]

عاد قلبتوها حرب على العباة الكتف بانواعها
انا بصراحه الكتف بانواعها اشوفها ساترة اذا كان القصد منها الستر
بس بصراحه ماحس له داعي انها تتحول الى جلابيه
والعبارات ماحس لها داعي واحسها من انواع لفت النظر و الفت النظر من المحرمات
والله ولي التوفيق

[**بنت النور **]

نعيش ونشوف العجب

زمن غريب
يالله سترك يارب

[سيدة الأحلام]

بكل بساطه هديله شريحه من الناس يفتقدوا معنى الحياء!!!!!
وهذا تمهيد..لترك ما يسمونه بعرفهم عباءة!!!!!

[desolation]

اقتباس: المشاركة الأصلية كتبت بواسطة اهديك عيوني  خلوني اقول لكم قصة اخوي في احد المحلات التجارية.. اخوي توه متوظف في محل تجاري خاص للمكياج .. وفي جانب محل المكياج محل للعبي .. وفي منطقتنا القطيف.. لفت نظر اخوي عباة .. العباء مثل لبس الرقص الشرقي.. راح اخوي الى بائع المحل .. لانه جاره المحل وبائع العبي باكستاني.. سأله اخوي .. شنو اسم هادي العباء.. قاله هادي عباة الرقاصة.. خلوني اوصف لكم العباء على كلام اخوي .. لانه جوه زبونات وايد لابسين هالعباء.. مثل عباة الكتف .. لكن في الخصر مربوط فيها حزام مثل اللي يربطوه في الرقص الشرقي.. شفتوا لوين وصلوا في قلة الادب.. ومشكورة يانور البتول على طرح هالموضوع.. والله يستر علينا وعلى الجميع يارب ..

نعم .. أنا سبق و أنا رأيت بنتين صاحبات يلبسوا كذا ..
و انصدمت من هاللبس ..
أعوذ بالله ..
عباية ضيقة و فيها حزام ذهبي على الخصر !!!!!!


تحياتي

[السيدة]

طاااااااااال الإنتظار سيدي


الى متى بنشوف هالأشياء



الله يستر علينا وعلى جميع المؤمنات