ترضى أحد يفتش جوالك ؟وليه؟

[الحراقة]

السلام عليكم ورحمة الله وبركاته

ترضى أحد يفتش في جوالك ! وليــش ؟
... موضوع أعجبني للنقاش ...
الجوال ( مستودع الأسرار )!!
صار الجوال جزء لايتجزاء من حياتنا اليوميه مانطلع إلا بالجوال ومانقعد ولا ننام إلا مع الجوال
غير عن أهميته المعروفه إنه جهاز إتصال
صار يحوي أشياء كثيره منها المسجات والوسائط النغمات والشعارات و و و ...!!
الجوال مثل السكرتير
اللي يذكرنا بالمواعيد والساعات متى علينا محاضره وفي أي قسم
والتقويم اللي دايم مانحط فيه التواريخ المهمه :إمتحانات ، مستشفى ، إجازة ..:
والمنبه ( أهم شي المنبه )
اللي لي رن الصبح وقت الدوام .. نحط على غفوه وهالغفوه 10 دقايق
ومانقوم إلا إذا حد قال لنا :.. قومووووا دووووام متى بتروحوون الشوارع زحمـــه !!
الملاحظ إن فئه عمريه معينه من سن الـ 15 إلى 25 أو 30 سنه
يرفضون أي شخص يمد يده ويمسك جواله
ودايماََ مايقولون
( محد يتعبث في جوالي ) !!
هالجمله البسيطه تحوي معاني كثيره ( ممكن تفسرونها )
ليش مانرضى أحد يفتش أو :يتعبث: في الجوال
هل هو الحرص عليه !!
ولا من زوود المحبه !!
ولا فيه شي خطير مانبي أحد يشوفه !!
هل لهالدرجه جوالك خطير ماتخلي حد يقرا مسجاتك
ويشوف قائمة الأسماء اللي بجوالك
ولا يسمع النغمات اللي منزلها ولا يشوف كم فيديو إستعراض
الأسئله كثيره والتساؤلات أكثر حول هالموضوع ...
أتركم لكم المساحه ...

[تاروتية]

اقتباس: المشاركة الأصلية كتبت بواسطة الحراقة   السلام عليكم ورحمة الله وبركاته ليش مانرضى أحد يفتش أو :يتعبث: في الجوال هل هو الحرص عليه !! ولا من زوود المحبه !! ولا فيه شي خطير مانبي أحد يشوفه !! هل لهالدرجه جوالك خطير ماتخلي حد يقرا مسجاتك ويشوف قائمة الأسماء اللي بجوالك ولا يسمع النغمات اللي منزلها ولا يشوف كم فيديو إستعراض الأسئله كثيره والتساؤلات أكثر حول هالموضوع ... أتركم لكم المساحه ...

اني وحدة ما ارضى احد يفتح جوال طبعا فيه قفل وماحد يعرفه غيري

1 لا مو من الحرص لان في الساعة ينشدخ الف شدخة هو الا مسكين فاقد الوعي

2 اي احب جوالي لان مستودع اسراري

3 في اشياء واجد اكيد ما امبى احد يشوفها بس اشياء خاصة فيني لا هي عيب ولا حرام

4 لا ما اخلي احد يقرا المسجات لانها شئ خاص فيني

5 لا قائمة الاسماء عادي ممكن احد يشوفها

6 عادي يسمعوا النغمات او يشوفوا الفيديو لان اشياء عادية ما فيها شئ استحي منه

مجرد وجهة نظر

تحياتي

[اهديك عيوني]

تصدقووووووا كان عندي جوال الدمعة

وكان هدا الجوال بالفعل مستودع ((بكل ما تحمل كلمة مستودع )). يعني بجد كان فيه دكرياتي.
ادكر لما حبيبي قالي احبك.. على طول سجلتها ملاحظة بالتاريخ والوقت واليوم والزمان
يعني ادا صار الي اي موقف حلو او مو حلو لازم اسجله ملاحظة..

وينعل ابو الحاجة اللي خلتني ابيع الجوال.. وخلتني افقد جميع الدكريات والتواريخ..


اما انا بجد ما احب احد يستخدم جوالي و اي شي خاص فيني الا بعلمي.
وخاصة الجوال.. هو انا ما احط في شي مو زين..
بس راح يكون بجوالي مسجات . وراح يكون بجوالي ملاحاظت

وهدا وجهة نظر

تحياااااااااتي لك اخوي الحراقة

ويعطيك الله العافية

[فاطـمـة]

إذا كان القصد يشوف النغمات والصور أو حتى الرسائل لمعرفة الجديد كما هو الحال مع معظم الناس فلا مانع لدي ..ولا أهتم للموضوع صراحة ..فجوالي لا يحوي أسرارا ً خاصة ..

[umalwi]

بسم الله الرحمن الرحيم


اني مااحب احد ياخد الجوال ويفتش في الارقام والرسايل لكن


الملاقيف في كل مكان عشان كذا امسح كل شي


اخاف ان احد يفهم منه اي شي غلط


زي وحدة مسكة جوالي وتسال هذا رقم من وهذا رقم من

اسلوب بايخ اصلا


لكن لو احد استاذن مو مشكلة


اخليه يشوفه





سالمين وسلمووووووو

[شفتِ دمعتي؟؟]

ماعرف شنو اقو ل
بس الجوال صاير كأنه مثل الأشياء الشخصية ألك
فا شي اكيد مابترضى احد يحوس فية

[شفتِ دمعتي؟؟]

ومشكووووووووووووورة

ويسلمووووووووو على الموضوع

أحب المواضيع اله فيها نقاشات

[البتول النوراء]

السلام عليكم

والله كنت بحط في جوالي رمز القفل بسبب الاشياء لبي تعرضت لها

وما ابغي احد يمسكه بس وش اسوي حكم القوي على الضعيف

بحيث انحرام مناشياء كثيرة لهذا السبب

للعلم اني ما سوي حرام اوعيب

بس تعرفوا خصوصا الي اكبر مني في السن فارق عمر يعني

فالحين اخليه الي يبغي يستخدمه يستخدمه

ولا ثير شكوك انا غنية عنها

بس جد خايفه عليه توه جديد بقراطيسه



مشكورين على الموضوع

السيده

[هزيم الرعد]

حصلت معي اكثر من مره مع تكرار الشخص الذي يحرص على كشف خبايا اسرار جوالي العنيد فور ...
لا ادري ما الذي يبحث عنه ؟!!!
والى متى سيضل يبحث كلما سنحت له الفرصه؟!!!
وهل وصل الى مبتغاه ام لا ؟!!!
أسءلة تدور في ذهنه هو مع اني لا اكترث لما يدور في راسه؟!!!

همس الكلام
اذا جوالك من زجاج البلور
فلا ترمي جوالي بحجر؟!!! ...

تحياتي الاوركيديه

هزيم الرعد,,,

[صمت الليل]

بسم الله الرحمن الرحيم
والله انا بالنسبة ليي على حسب الشخص اللي يكون يعبث فيه
ادا كان يقصد انه يفتش فيه ويبغى يشوف كان في شي مخشوش فهذه مشكلة
اما ادا كان شخص عزيز عليي (مثل اخوي او صاحب عزيز ) فجوالي جواله ياخد راحته
وبعدين حتى لو فيه شي الجوال والشخص مايبغى يشوفه احد فالحين البرامج ماتقصر
وأضيف على كلامي الحين المراهقين كل واحد عنده جوال اخر موديل (والكل يعرف وش يقدر يحط فيه ) فمن حق الوالدين او الاخوان يفتشوا فيه على شان مصلخة الولد
والله انتو وش رايكم؟

[علي الجمعان]

لمن أعلق على ردود الاعضاء لكي لا يزعلوا مني


و بالنسبة الى الموضوع فأشكر أخي الحراقة أولا على طرحه مثل هذه المواضيع المهمة و التي يتساهل بها بعض الناس و لكنها تثير حقا التسائل

فأنا شخصيا لا أمانع ابدا بإن يمسك جوالي اي شخص
و اغلب الوقت عند اختي الصغير تعلب به او عند الشباب يأخذو بلوتوث

بس أهم شي عندي أنه لا أحد يدخل نفسه و يحذف الرسائل او الملفات او اي شي لإن ذلك ليس من إختصاصهم

و شكرا

[فاتنة الشرق]

بالنسبه ليي عادي أن أحد ياخذ جوالي

بس أهم شي لا يحذف ولا يتعبث ..


تحياتي

[أنوار القطيف]

مع انه مافيه شي اخاف احد يشوفه
لكن ماحب احد يفتحه لا رسايل و لا ارقام
ولا غيرة
يعندى مش اكثر من انالشخص يشوف
الجوال من برا اذا كان عاجبه !!!!!!!!!!!!!

أنوار

[الحراقة]

تاروتية<<وجهة نظر مقنعة..
اهديك عيوني<<الى هالدرجة الجوال عزيز بس انا ما انص انك تخلي فيه كل أسرارك يعني مثلاً لو ضاع لو انسرق وش راح تسوي!!..
فاطمة<<لك وجهة نظر آخر..
أم علوي<<أكيد الى كل شخص خصوصياته ويمكن رسالة من شخص تكون مزحة ويجي واحد يشوفها ويفكرها جد وتتغير الصور عنده,واما على اللقافة شكلك منقهره بالقوة خخخ
شفت دمعتي؟؟<<أكيد الزمن تغير ودور الجوال تتطور..
قاهرة الحياة<<أكيد قفل الجوال يخلي الواحد عنده فضول ويحاول يتجسس بدون قصد..
هزيم الرعد<<اتوقع الفضول يا هزيم الرعد..
صمت الليل<<أكيد الواحد ما بيعطي جواله الى اي شخص حتى لو ماكان فيه خصوصيات,وبالنسبة الى البرامج يا كثرها والله يستر من الي جاي..
HaPpY381<<أنتبه لا تتصل على احد ولا ترسل الى أحد بالغلط وتسوي لك سالفة ما تسوى عليك خخخ
فانتة الشرق<<أكيد,ياعمي مافيها شيء خخخخخخ نسيتي ما كتبتيها هههههههه
انوار القطيف<<هذه حرية شخصية..

أشكركم على الردود الرائع وتفاعلكم..
تحياتي لكم..

[نور الوجود]

اي ارضى ماعندي مانع
على قولتهم لاتبوق لاتخاف
جوالي مافيه اسرار ولا شئ
مجرد رسايل من صاحباتي وملاحظات بسيطة جداً بخصوص مناسبات خاصة

تحياتي// نور الوجود