قصة واقعية لشاب مع بنت

[ايليا]

القصه يمكن الكل يستغربها او يمكن ماتصدقونها بس واللي خلقني ويشهد علي ربي
انها قصه صارت معاي انا وعايشتها بقولكم القصه بختصار لاني ما ابي اشغلكم القصه ومافيها قبل سنه تقريبا يوم انا بصف ثالث ثانوي انا من طبعي انسان مرح ومشاغب واغلبيت المدرسه يحبوني على بداياتي على النت كان قبل سنه عرفت لنت وتعلمت عليه المهم دخلت شات معروفه المهم كنت انكت واضحك واستهبل بالناس بالشات وبيوم من الايام شد انتباهي نك بالشات والنك هذا نك بنت بطريقتي الخاصه تعرفت عليه وكلمته بالشات وبصرحه البنت اهبلتني تدعي على نفسها بالموت قلت لها ليش كذا مارضت تقولي قالت لي ياليت اموت احسن لي انا اول مره بحياتي اشوف بنت تدعي على نفسه قلت له ليش اصريت عليها وقالت لي البنت بقولك وياليت تلاقي لي حل قلت لها ابشري يابنت الاجواد قالت لي شوف انا تعرفت على واحد بالشات وصرت اكلمه بالايميل وبالجوال وحبيته وحبني





واستمرت علاقتنا بالايميل وانا وثقت به وهو طلب مني طلب وقالي وريني صورتك ووريته صورتي وبعد ايام طلب مني الصوره وارسلت له صورتي بالماسن بس الولد طلع حيوووان قالي انا ما احبك يااغبيه وانتي صرتي خاتم بيدي وراح تسوين اللي ابي والا بفضحك وقالت لي بعد ان ال************ الحقير يهدنني يقولي اطلعي معاي وانا رفضت لاني ما ابي افضح اهلي وهو الحين يهددني وانا ما ادري وش اسوي وابي حل لمشكلتي
انا قلت لها طيب انتي عندك اخوان قولي لا اخوانك قالت للاسف اخواني صغار قلت طيب الحل بسيط بس بسالك وسالتها قلت لها طيب هو الحقير اللي يهددك يكلمك بالجوال كثير قالت لي لا كلمته بالجوال حوالي اربع مرات بس قلت انا طيب اقولك الحل هما الحقير يقولك اطلعي معاه خلاص قولي له بطلع معاك بس مو انتي اللي بتقابلينه انا اللي بقابله وبيشوفني ولد وبقوله انا سحبتك بصوت بنت ياغبي والصوره اللي عندك انا اخذها من النت ومرسلها لك وبكذا بينصدم وبيتاكد مليون بالميه اني مجرد ولد وسحبته بصوت بنت ومن ناحية الصوره هو راح يمسحها بنفسه ع طول لانه تاكد اني مجرد ولد وسحتبه بصوت بنت





البنت قالت لي بس صعبه وبعدين من انت علشان تساعدني رديت عليها انا وقلت انا يابنت الاجواد اخوك اللي ماجابته امك ردت البنت وقالت لي وشلون اوثق فيك قلت لها معك حق وقلت لها علشان توثقين اني بساعدك بقولك اشياء عني وعلمت البنت كل شيء عني مثل اسمي الكامل ووين ساكن وكل شيء قالت لي البنت وش يثبت لك ان اسمك صحيح رديت عليها وعطيتها رقم بطاقتي الشخصيه السجل قالت لي يمكنه من عندك قلت لها شوفي اذا ودك تصدقين ادخلي موقع وزارة الدخليه ودخلي اسمي ورقم البطاقه بالمخالفات المروريه وراح تلاقين ان علي مخالفه بقيمة 600 ريال لم تسدد وفعلا البنت سوت اللي قلت لها انا وقالت صحيح وتاسفت مني قالت لي يعني انت لو بمكاني كان خفت قلت معك حق يابنت الناس





المهم انا قلت للبنت واتفقت معها انها تواعد الحقير وتقول له خلاص بطلع معاك وتواعده بمكان عام مثل السوق وتقول له له ان السواق بينزلن بالسوق وانت تجي وتاخذن من السوق وقلت لها انا اسالي الحقير قولي له وش سيارتك مواصفتها واتركي الباقي علي
البنت قالت لي وشولون القاك علشان اقولك قلت لها تلاقيني بالشات بنفس الوقت قالت يمكن ما القاك عطن ايميلك وعطيتها ايميلي المهم البنت علمتني بالايميل عن متى ووين مكان الوعد اللي واعدت به الحقير بس طلعت مشكله صغيره انا واعوذ بالله من كلمة انا احسب البنت من نفس مدينتي بس للاسف طلعت البنت مو من مدينتي من مدينة قريبه من مدينتي لاني كنت بروح بقابل الحقير لوحدي بس من شفت انها مو من مدينتي اخذت معاي اصحابي بالمدرسه سيف ومحمد اللي هم اعز اصحابي والبنت اخذت رقم جوالي
علشان هي تكلم الولد وترد علي





المهم رحنا قبل الموعد بساعتين انا وسيف ومحمد المهم وصلنا
يالله بالله دلينا المكان من وصلنا وقفنا بالسياره وشفنا الحقير توه واقف بسيارته انا قلت لاصحابي سيف ومحمد انا بنزل له واذا صار شيء لا اوصيكم المهم نزلت عليه وعلى طول فتحت باب سيارته ونزلته قلت له وش عندك هنا بدون سلام قال لي من انت ووش تبي قلت لها انا اللي اللي انت تنتظرني انا اللي سحبتك بصوت بنت انا اللي تهددني بالصوره اللي انا اخذته من النت وارسلتها لك ياغبي وانت مخفه وانا ماجيت اقابلك الا علشان اطيح وجهك من قلت له الكلام هذا الحقير انصدم حييييل ما يدري وش يقول وقعد يسبني ومادريت الا سيارتين وقفن اصحاب الحقير بيضربوني وسيف ومحمد نزلوا وتضاربنا انا وسيف ومحمد علينا سته منب قايل لكم اني ضربتهم لا لانهم اكثر منا والكثره تغلب الشجاعة بس ماقصرت فيهم وكل الناس بالسوق تجمعوا علينا والزحمه ويالله بالله فرقونا وعلى طول ركبنا السياره ورجعنا لبيوتنا نمشي مليون ونضحك على بعضنا انا مفلوق مع راسي وسيف وجهه مخمش ومحمد رايح فيها ووصلنا وتفرقنا وانا كنت ما ابي ادخل البيت علشان ما ابي امي تشوفني لان راسي دم وثوبي وحالتي حاله المهم دخلت البيت متسلل نفس الحرامي اذا جاء بيصرق ورحت لغرفتي وكان جوالي طافي من البطاريه المهم شحنت الجوال وبدلت ملابسي وشغلت الجوال ولقيت رساله من البنت تقولي رجاء رد ليش مقفل جوالك المهم اخذت شوي ودقت علي البنت قالت لي رجاء ها قولي وش صار قلت لها ابشرك انحلت المشلكله قالت لي البنت واهبلتني قالت لاتقول شيء طمني عليك وعلى راسك وانا شفت كل شيء بعيني انت رجال بمعنى الكلمه وقالت لي كل الاحداث اللي صارت انا انهبلت قلت لها وانتي وش دراك قالت لي شوف انا وبنت خالتي كنا موجودات وكنا بالسياره مع السواق وشفنا كل شيء وقالت لي انت انسان مافيه مثلك احد ولا راح اشوف احد مثلك وقالت لي ما راح انسى لك المعروف هذا ابد وراح ادعي لك كل ما اصلي المهم انا قلت لها يابنت الناس انا ماسويت شيء وانتي مثل اختي والناس لناس والكل بالله وقلت لها انتبهي على نفسك وهذا درس لك وان شاء الله انك تعلمتي من الدرس هذا المهم اني ودعتها بنفس المكالمه والى يومك هذا ما ادري عنها والله يستر عليها وانا نزلت القصه علشان ابي كل بنت تنتبه على نفسها وتنتبه على اغلا شيء تملكه وهو شرفها وسمعت اهلها
وهذا مقصدي واسف طولت عليكم

[alberhe]

مشكورة يا أيليا على القصه والله يجزيك خير

واذا على السوالف والقصص والله عندي سوالف تجيب الهم وتشيب الراس .. الله يستر علينا وعلى المؤمنين والمؤمنات

[ايليا]

اي والله الله يكفينة بلاوي هالزمن والله يستر عليناوعلى المؤمنين والمؤ منات

[ام عباس وزينب]

من كثر مانسمع صرنا نخاف نخلف يادافع البلا

جزاك من رب العالمين يااليا

[ابو السادة]

يعطيكي العافية وهدا الشخص الي ساعد البنت خوش رجال الله يحفظه من كل شر

[بعد الروح]

يعطيك العافيه ع الطررررررررح القيم

كفووووووو ذول الرجال والا بلا

تحيااااااااااااااتي

[ياسمين]

الله يهدي الجميع يارب

[يتيمه ياأمي]

عجبني ابو الفزعات
وياريت لو تتعظ البنات من هالقصه
عشان تخف البلاوي شوي

[عاشق السماء]

الأخت الموالية ايليا
لكِ تحية عطرة مكللة بالورود المحمدية الطيبة
وأهلاً ومرحباً بمشاركتكِ بيننا
أرجو من الجميع النظر في نقطة معينة
القصص تذكر للإعتبار والعظة وهذا هو الأساس المهم
فذكر القصص ليس أمراً مهما بقدر أن تكون القصة هادفة وذات مغزى يقدم الفائدة
وأما الخوف مايدور في هذه القصص فهي أمر مبالغ فيه
التوكل على الله هو المطلب ولا بئس بالحذر والنظر إلى الأمور بتعقل وبتمعن
فالنقطتين مهمتين للجميع فهما تجنبانا التراجع واليأس
وتحثانا على الثقة بذاتنا والله لاينسى من ذكره
ومن توكل على الله فهو حسبه
والشكر الجزيل للأخت ناقلة القصة الهادفة
ولكم تحياتي السماوية
عاشق السماء

[ساهر.]

الرجال مواقف والشهامه مطلوبه
وهذا واحد منهم
يعطيك العافية

[وقفة الم]

قصه ذات مغزى عظيم

ان الدنيا لسى فيها خير

والشي الثاني درس لبناتنا الله يستر علينا وعليهم يارب