شيف في ورطــة :-)

[المعلم]

اقتباس: المشاركة الأصلية كتبت بواسطة ابو نور  اشكر مشرفتنا زهرة على التوريطه الكشخه انا جاهز انتظروا طبختي وجهزوا الاسعاف والمطافي

أخيراً تحرك الموضوع من جديد
أبو نور : الاسعاف والمطافي جاهزة
باقي الطبخة ، وصورها ..
فهل الكاميرا جاهزة ؟؟

[هـاني]

اقتباس: المشاركة الأصلية كتبت بواسطة السحاب الأبيض   خلاص ورطوا ليل الفراق .. اكيد عنده خبرة في الطبخ

عندي خبرة في الأكل والطبخ خلينا ساكتين:)
وفيـ انتظار الشيف ابو نور

[هـاني]

اقتباس: المشاركة الأصلية كتبت بواسطة علي الجمعان  هي انت يا فيصل علوي بدل هالهدرة قوم سوي لينا قوطي فاصوليا

ههههههه
استر الله يرجك
كح كح من وين جاي فيصل علوي>>ما يدري
رحم الله ايام الاحساء يا ولد من جمعان :)

[ابو نور]

جيتكم بس اول تفضلو طبختي وبعدين ارد على تعليقاتكم

..:: عجة الفلافل بالفرن ::..

المقادير:
4 ملاعق كبيرة زبدة باردة
2 وربع كوب دقيق منخول
ربع ملعقة صغيرة ملح
5 بيضات
ربع كوب ماء مثلج

الطريقة:
نحفظ العجينة بعد ما نلفها عدل في الثلاجة
خلي العجينة تستانس يوم كامل في الثلاجة
نطلعها من الثلاجة ونفردها على سطح املس ونرش عليها شوية دقيق

بعدين نحطها في صينية ونظغط عليها لين تعترف خخخخ
اقصد تاخذ شكل الصينية حتى في الزوايا

الحين وقت التعذيب
نجيب شوكة انيقة وبرستيج ونسوي ثقوب في العجينة
بس لا تندمجو في التعذيب عشان لا تموت العجينة

بعدما نخلص وناسه نجيب ورقة المنيوم ونغطي الذبيحة اللي هي العجينة
وحسب مزاجكم رشو شوية حبوب سمسم او اي نوع فاني

نخليها في حمام السونا خخخ اقصد الفرن 15 دقيقة

بعدها .........
نطلعها من الفرن ونشيل ورقة الالمنيوم عشان لا تاكلوها والحبوب مايصلح لكم

نخلط 1 ونص كوب من خلطة الفلافل مع 4 بيضات
ونوزعها على الفطيرة
ونرجعها بيت ابوها خخخخ اقصد الفرن

اتركوها لمدة 45 دقيقة الى ساعة حسب فرنكم العالمي

وتاكلوها بالهنا والعافية

[ابو نور]

اقتباس: المشاركة الأصلية كتبت بواسطة قصه شهد   اوووه يالا ورينا شطارتك يابطل اكيـد بتسوي بيض خخخ مو تطول لكن.. ونبي شيء عدل :حيو:

شكرا لك عزيزتي
وما يبرطمو على البيض

[ابو نور]

اقتباس: المشاركة الأصلية كتبت بواسطة السحاب الأبيض   انا حاسة ان ابو نور بسوي طبخة فخمة :قليل حيا لا تطول علينا خيو ..

اختي احساسك في محله
شكرا لتواجدك في مطبخي خخخخ

[ابو نور]

اقتباس: المشاركة الأصلية كتبت بواسطة شيعيه  مايندرى خيوه .. شان مايسوي بريد و جبن

بريد وجبن مو حقي
بس للناس اللي يسوون ريجيم عنيف خخخخ

[ابو نور]

اقتباس: المشاركة الأصلية كتبت بواسطة المعلم   أخيراً تحرك الموضوع من جديد أبو نور : الاسعاف والمطافي جاهزة باقي الطبخة ، وصورها .. فهل الكاميرا جاهزة ؟؟

اووووووه

نسيت اصورها خخخخ

خلاص المرة الجاية اجهز الكاميرا قبل المقادير خخخ

[زهرة الحب]

خيو لالالالالالالا ,,
الصـــــــــــــــــــور مهمـــــــــــة
حتى نتأكد أنك طبخت ..

[دُرّ]

اخي ابو نور
لم تخرج من الورطه
لعدم وضعك الصور

شو رايكم

[السحاب الأبيض]

شكلها لزيزة حتى من غير مانشوف الصور :)

بس ماتطلع من الورطة من دون صور ..

ننتظرك ابو نور عشان نتشجع ونسويها في يوم اجازتي من الريجيم

[ابو نور]

خلاص اطبخها من جديد واصورها
حاضرين

[سنفونيه]

الموضوع من البدايه كان فيه حماس
واما الحين برد

[أنوار الأمل]

اقتباس: المشاركة الأصلية كتبت بواسطة ابو نور  خلاص اطبخها من جديد واصورها حاضرين

يووووو سويت لنفسك سالفة طويلة عريضة
كأنك يا أبونور ما غزيت >> أقصد ما طبخت >> غيرنا في المثل شوي
الله يطلعك منها سالم غانم :قليل حيا

[البتول العذراء]

بأنتظار الصور ..أبو نور

شكلها لذيذة