تعالوا كلكم أني تعباااااااااااااااااااااانه

[thief]

السلام عليكم

صراحه أني منبطه كبدي و فايح قلبي

أني كل شئ أشوفه و أصادفه قدامي أجي أفتن عندكم في المنتدى

:قليل حيا

ليش الناس كذا ؟؟؟؟؟؟

ليش كل شئ في الحياه المادة؟؟؟؟

لا تقولوا لا مو كل شئ الماده أجل هالناس اللي تطالع غيرها من

فوق و شو؟؟؟؟؟

ليش اذا الله رزق أحد يتكبر على غيره؟؟؟

خلونا من الناس الغرب

الأخوات ليش يناظروا بعض أني عندي و أختي ما عندها

أني أحسن من أختي ............ أني و أني و أني

و الصديقات هذي زوجها عطاها أنت ليش ما تعطيني؟؟؟؟؟؟

لا تقولوا مو موجود


و الله العظيم كل اللي سردته شفته بعيوني

و الله حرام تتخرب العلاقات علشان الفلوس

صحيح الفلوس مهمه بس المناظره متعبه و التكبر على الغير بعد

متعب


وحده تقول لأختها من لحمها و دمها أنا أقدر اخذ و أشتري الغاااااااالي

و أنت تشتري الرخيص؟؟؟؟( مشهد أمام عيني) تغبنت و سكت ما

تدخلت بين الأخوات( يعني أنطميت و أكلت تبن) :(

تدروا ليش هااااااااااااااااااااااااااااااا قلتوا ليش؟؟؟؟؟؟

لأن بتقول ليي سكري حلقش و مو شغلش؟؟؟

أدري عورت راسكم بهذرتي أقصد عورت عيونكم من القرايه خخخخ

حشى ملالي


و الله منقهررررررره و أبغى أفضفض لأني قريبه من ناس بهالشاكله:ابو وجهين

ترى ما خلصت بس خلاص استحيت منكم


اسفه على الاطاله و مشكوووووووووووووورين سلفا

[همس المشاعر]

مع الاسف كل اللي ذكرتيه موجود
الناس مالها المظاهر والجوهر ماله
أهميه اني ما اعمم هالشي بس الأغلبيه
كذا غناتي لا تصيرين حساسه كتير حاولي تطنشي
والا بتتعبين كتير لان الله لا يغير ما بقوم حتى يغيروا
ما بأنفسهم
وعادي غناتي خوذي راحتش بالمنتدى هو لكم ومنكم
وأن شاء الله يهدي الجميع

[ياسمين]

اييييييييييييييييه ناس كثير ماليها الا الظاهر يا اختي

الله يكون في عون الجميع والله يهيدهم

[@ HONEY @]

هذا المرض موجود عند النساء فقط

[روحي تحبه]

غناتي لا تنقهري ولا تحرقي اعصابج....
ترى الدنيا ماتسوى هو صحيح الموضوع ينرفز
بس الكل تعود على هالحياه بذي الطريقه اللي عنده
يطالع اللي ماعنده مو بس من فوق إلا بحتقار
وبس هذا هو رأي في الموضوع.. وزي ماقلت لج لا تعصبي

[بلاقيود]

خخخخخخخخ

ترى الاعتراف بالحق فضيلة خخخ

واحنا مالينا شغل تكلمتي عن الحريم خخخ

الله يهديهم انشالله

بس ترى حتى لرجال بعد كذا :عين زايغه

هذا مرض نفسي اللهم ياكافي

[المحتار]

بني ادم ما تملى عينه الا التراااب والانسان اللي يتكبر ويرفع خشمع على الناس مصيره الى التراااب وخلي هالاشكال الى الدنيا تعلمهم وتقبلوا رايي الشخصي

المحتار

[المتيم]

الحياة يا اختي
صارت ماديه بحته
حتى في العلاقات
الاجتماعية

والله معاكِ حق
تنقهري لانه صحيح
شيء يقهر ويعل القلب
والعاطفية

[أنوار الأمل]

والله وإنتي صادقة يا وخيتي صايرين الكل ماديين ويعايروا بعض هذا عندي وهذا مو عندك وأني مميزة عندي شغلات مو موجودة عندك ومن هالكلام ..
الله يعين الجميع وخذي راحتش غناتي وفجي خلقش في أي حزة :d
تحياتي لكِ ..

[thief]

همس المشاعر شكررررررررررا لتواصلك معي غاليتي


ياسمين أسعدني مرورك أختي الكريمه


honey كلامك صح أن هذا مرض بس مو عند النساء فقط حتى الرجال بس النساء أكثر

و شكرررررررررررا لمرورك


روحي تحبه أهلا بك حبيبتي


بلا قيود صدقت أخي الكريم


المحتار و الله رايك من رايي و تسلم على تواجدك


المتيم شاكررررررررره كثييييييييرا لك أخي العزيز


أنوار الأمل نورتي صفحتي غناتي

[الجرح الحزين]

اقتباس: المشاركة الأصلية كتبت بواسطة بلاقيود  خخخخخخخخ ترى الاعتراف بالحق فضيلة خخخ واحنا مالينا شغل تكلمتي عن الحريم خخخ الله يهديهم انشالله بس ترى حتى لرجال بعد كذا :عين زايغه هذا مرض نفسي اللهم ياكافي

بالا قيود خلك بعيد مالك دخل
والبنات مش كلهم هيك ياحبيبتي لا تخلي الشباب
يتفرجو علينا لميها با اها

[شمس الأصيل]

مسألة المادية لا تقتصر على النساء أو على الرجال..
.. كغريزة تكمن في النفس البشرية هي موجودة
لكن الفرق الوحيد..
أن البعض منا من تسيطر عليه هذه الغريزة وتسير حياته بل حتى التفكير يصبح مادي
وهؤلاء يستحقون منا الشفقه..لحالهم!!
ويبقى بالطبع منا من لا تستهويه المادة .. والقناعه كنز لايفنى!!ضعوها نصب أعينكم قدر الأمكان..

طيف شكراً على الموضوع

تحياتي

شمس الأصيل

[فتى الشرقيه]

شلامات شلامات شلامات

عشى ماشر

ترى انا ردت ولله قبل اقرأ الموضوع بس عنوانه فجعني خلاني اطلع من طوري

[ابتسامةأمل]

في مثل يقول لاتطالع فوق تنكسر رقبتك ومن طالع جاره تكركدت عيشته هذي أمثال أمي ههه
بس والله لاتقهري نفسش هذولة ناس مصفعين موشايفين خير يتكبروا على غيرهم وهم للدنيا زائلين خلهم يولوا بس لاتبطي شبدش أني وحده من الناس ماأطيق إللي يتفخفخوا أحسهم مصفعين موشايفين خير على ويه ياحظي هاالكبر كلنا ماشيين عن هالدنيا جمعوها هالفلوس لغيرهم يابخت إللي بيجي بعدهم على الجاهز يتهنى وهم ماليهم إلا الحساب.

[أسيل]

وعليكم السلام والرحمة ..

من يملك هذا المنطق فهو شخص ناقص ويحاول تغطية نقصه وعجزه بإبراز قدرته الماديه.
وإلا فـ المقتدريين مادييناً موجودين في كل مكان ولكن الإيمان بالله هو الفيصل في هذه
الأمور.

التعامل مع هؤلاء ليس صعب أبداً , فأنا ارى شخص ناقص أمامي فلا أعيره اهتمام ولاأكترث بغزواته الماديه
الناجحه هو بالاساس لايُشكل لي شيء وهذا ماسأبينه له .
أما التعامل مع أخت مريضه بنفس هذا المرض فصعب نوع ما , ولكن لأنها أختي ولأني أحبها مهما كانت
فبكل اختصار و وضوح سأقول لها هذا الموضوع لااحب الحديث به وليس من اهتماماتي , وأظن أن العلاقه سيتعريها بعض من الفتور .

والله يعينهم على حالهم :)