أم الزوج مع زوجة الولد

[ام عباس وزينب]

اهلا وسهلا اختي
باجيبها من منطلق الحياه بدون فلسفه
الغيره بدووووووووووون كذب من الطرفين موجوده حواء تغار ليس على زوجها فقط
انما على ابنها واخاها وربما عمها وخالها اذا كانو مقربين وحتى تغار من الام على ابيها
وهالغيره وهالشعور نلاحظه من الطفله الصغيره
يعني حواء مخلوقه بهالاحساس
نجي لغيرة الام على ابنها لما تكون الام صالحه وحنونه متى تشكل مشكله
لما البنت زوجة الولد تكون حساساه ودلوعه وماتباها من الله جلمه على عمتها وتبرطم
او ان الولد عمره ماجاب هديه لامه والزوجه كل يوم قدام امه يهاديه وكل مره شكل
او الهديه الي ماتعجب زوجته يجيبها لمه
طبعا هالتصرف يجلب الغيض مو بس الغيره
حتى لو العمه مؤمنه تكفر
يعني
يفترض من الطرفين الزوجه والولد يحاولو كسب رضاها لانها جنتهم
سواء كانت ام الزوجه او الزوج
ومثل ماتفضل ناصر
صح اغلب مشاكل الطلاق تصير من سيطرة الام
لكن في شي غافل عنه آدم
مثل ماامك تعبت فيك وربتك واخذتك بنت الناس جاهز
بعد بنت الناس لها ام ربتها وتعبت عليها وسهرت اليالي
وطول عمرها البنت تمشي تحت طوع امها
مو بيوم وليله ولا سنه وسنتين بتغيرها وتخليها تمشي تحت طوعك
وسفينه بقبطانين تغرق
انت توجه وتأمر والام بعد
والبنت لكونها عاشت تحت ظل امها اكثر توثق فيها اكثر لهذا
تلجأ لشور امها وتخاف منك وتبتعد عنك
ولو كل رجال عامل ام زوجته كنها امه وكل كلمه انشاء الله ياعمه حتى لو يراشيها بس
كان مااخترب بيت احد