مع السلامه مانبي منك ترجع
طع وهمك اللي اخلفك عن طريقك
يا ما نصحتك بالوفا وانت تسمع
وبعت الحبيب اللي تشوفه غريقك
ماني بتابع لك ولاني لك انفع
مدام غيري ذاق معسول ريقك
خله يبادلك المشاعر وتقنع
يمكن يعالج لك دروس(ن) تعيقك
واطمع مع اللي ناوياً معه تطمع
وافخر بشخص(ن) تهتويه ويليقك
دمحت زلاتك وانا اروح وارجع
وانته تبادل من تباه ويطيقك
خليت عيني من محبتك تدمع
لا وا خسارة قلب اصبح حريقك
ضاع العمر باللي نعده ونجمع
وشلون بالله بعتني ياعشيقك
ما عاد ابي قولك ولا عذر تصنع
شفت الحقايق كلها مع فريقك
ولا عاد تتبعني ولاني لك اتبع
بسلك طريق(ن) مايشابه طريقك
24-02-11, 11:08 AM
مــع الســلآمـه..~
العرض العادي
المواضيع المتشابهه