بــراءتــنا بــيــن جــيــل الأمــس والـيــوم

[فارس حزن]

[ALIGN=JUSTIFY]شرفني تواجدك أخوي المشرف باب العين اتاريك طلعت منت سهل بعد 00 تضرب اخوك ليه .

وأشكرك للمشاركة والإطراء من قبلكم 00

مع أفضل تحية
فارس حزن[/ALIGN]

[محررة أبجد]

ما فى احلى من برائة الطفوله.....كنت مره شيطانه فى صغرى وكنت احب اللوز
وبيت جيرانا عندهم قضب{شجرة اللوز}
اجلس من الصبح قبل ما اروح المدرسه واتعلق على الجدار واقطعه واكله بدون ما اغسله..وبسرعه انزل قبل ما احد يشوفى.....

واذكر اول سنه لبست العبايه..كنت فى ثالث ابتدائى

وبعد الهده {الطلعه من المدرسه}وصلت البيت وقالت لى امى وين العبايه....؟؟؟؟؟
اوه..نسيتها فى درج الطاوله فى الفصل
ورجعت المدرسه ولا ادا هى سكرت مافى الا الحارس قلت له عباتى فى الفصل...رفع عصاته وقال يالله روح بيتكوم....وش ليها بعد حاجه عباتش الحين ...خليها لبكره.....وضليت هذاك اليوم ...مضايقه الى بكره..ولما رحت المدرسه....اول شىء رحت اركض الفصل وحضنت عباتى...


هديــــــــــــــل

[فارس حزن]

[ALIGN=JUSTIFY]ومن قال لش تنسي عباتش ها

يا حلو البراءة 00 اختي هديل وكثير يتمنى انها تعود
لأنها لا تحمل النفاق ولا الرياء وعفوية جداً


وين اللي عنده براءة الطفولة يجي نشوفها :rolleyes:[/ALIGN]

مع أفضل تحية
فارس حزن

[معاني]

اني من يوم اني صغيرة كنت العب تيل مع اخواني لاني ما فيه غيري بنت في البيت وساعات تجي صديقاتي يقولو لي و ش فيش انتين صبيوة تلعبي تيل
تعرفو ليش لاني لعبتها حتى سادس ابتدائي

وش رايكم بنات نلعب تيل :rolleyes:

مشكور اخوي فارس حزن على مواضيعك القيمة

تحياتي
معاني

[شروفه]

مشاء الله عليش يا معاني زيي مافي بنت الا اني في بيتنا وصرحت عن جد صبيو اللعب كوره وتيل غير النخله اذا نتمرجح عليها وغيرها وغيرها ....

يالله يالله :(:( والله صيحتوني ماني ماني أبغا ارجع جاهله

[عنابه]

على فكره خواتي اني بعد البنت الوحيده بين اصبيان وكنت اصبيوه بعد
واعرف العب تيل وبعد الدوامه وبعد اسوق سيكل وكنت كل البس دراعه الهي ثوب ما حب البس البنات حركات ايام الطفوله ياليت ارجع صغير

[فارس حزن]

[ALIGN=JUSTIFY]الأخت معاني كم جميل هي البراءة
وأشكرك لدخول صفحتي 00

الأخت شروفه وعنابة
اشرك لكم التواصل منكم
وأشكر روح الشافية التامة
لديكم 00

وأتمنى مشاركة بقية الأعضاء 00[/ALIGN]
فارس حزن

[باب العين]

السلام عليكم ورحمة الله وبركاته.

اخدوا هادي السالفة من زمن النخايل وبالضبط من نخل سودة اللي بعدني للحين متأسف عليها وعلى لوزها السكندري . يا ما آذينا بيت من جمعان الله يسامحنا مفل ما سامحونا .

طلعنا يوم من الايام چف صبيان ، ويش ورانا ؟ صنفنا نطيح لنخيل الميتين اللي ما فيهم روس ، وكل مرة يصير على واحد يركب النخلة الى گريب راسها ويربط لحبال وينزل ويسحب ويانا على شان نطيح النخلة .

وفي واحد من للي ويانا سوينا فيه مقلب ، فمن بعد ماركب النخلة وربط لحبال ما حارسناه ينزل لا لا---

سحبنا لحبال گبل لا ينزل ورمينا النخلة وهو فوگها في الكدير وداك الكدير مشحون سلالي ، ولا طلع الا هو متنتف مسكين .

ها ويش رايك يا فارس حزن ؟؟

[miss ward]

السلام عليكم ورحمة الله وبركاته
اذكر يوم كنا اصغار اني وثنتين من بنات خالتي كنا اروح الديره اظن كلكم تعرفونها
كنا انسوي روحنا اكتشافييين كنا انحب نكتشف التراث الي في الديره نركب فوق البيوت المهد مه (الخرابه) وروح قصر تاروت بس انخاااااف اروح بدون اذن احد لان هم مايرضون يقولون بعدكم اصغارر لا تروحون كانو يخوفونا باشياء ما ليها وجود في الحياه اصلا نتمنى زمان اول يعود لحظه من الوقت
لاكن حسافه كنا نتمنى لو لحقنا على العين العوده كنا اصغااااااااار واجد
بس نسمع امهاتنا يتكلمون عنها شكلها كانت تحمل كل طفولتهم

[أم حُسين]

مرحبا جميع.. انا قريت هالموضوع من زمان و الله يا خوك قعدت أعصر هالمخ ابغى اتضكر سويلفة من زمان لول.. و لول تحول.. لين يت هالسالفة على بالي..

مرة في العيد يوم كنت ياهلة محراة عمري 6 أو 5 سنين حصلت عيدية عودة (50) و الله وكيلكم من زود فرحتي بالخمسين مت من الفرح و طاوعت عمتي يوم قالت لي نامي من وقت..و لكن من الغبشة قعدت و رحت نبهتها :
ريمي: عماه يبي خمسيني ابغاها
عمتي: يو..ولا ويش تبغيها؟
ريمي : ما عليش أبغاها..
المهم و راحت تدور على مفتاح الكبت و لا حصلته و طلعت من مكينتها خمسين و عطتني وياها..
يوم شفتها يديدة تتقرطع مو مفل خمسيني العتيقة المتهرهرة صرخت و صحت و حزنت- على قولة عمتي - حزن عجم- لأني ما ابغى إلا الخمسين الي حصلتها..

[شوق العيون]

اتذكر في العطلة الكبيره

كنا نسهر لصبح ونطلع برى البيت ونلعب لعب
ونزعج العالم مع بنات خالتي واخواني

هههههههه والله ما اتذكر الا ذاك الموقف يوم تطلع أمي معصبه حدها

وتطلع لينا بعصا خشب من الصبح ...هذا تهديد بس

يما حصلنا تلطيخ من رباشتنا بس كانت احلى ايام كانت ايام براءة

ليتها تعود

[عنابه]

ههههههههههههههه من ايام الطفوله
كان في مزرعة ابوي العود حمار ويوم اخوي قال خلنا نروح نركب عليه
وحنا ما صدقنا خبر استنينه ابوي العود ينام ورحنا بسكته الى الزريبه
ومسكين ذالك الحمار واحد يضرب واحد يشدخ واحد راكب عليه
وتالي قال اخوي نسوي تحدي من الي يزحف من تحت بطنه
طبعا اني خفت 00 ابن عمي اجتاز التجربه
ولمه صار دور اخوي كان توه يزحف كان لحمار يرفع ارجوله ويدوس عليه
ههههههههههههههههههه والله انتقم منه الحمار
وابوي العود بعد انتقم منا وحصنا الينا ذيك الضربات
حركات هههههههههه

[فارس حزن]

[ALIGN=JUSTIFY]بمن أبدء ومن أنتهي أحترت مشرف يشاركني مرتين
<<< بصدق روحه
أخوي باب العين انت كلك حركات في مشاركاتك بس عاد سلالي
أنا رحت البر قبل محرم وجلست السلالي في يدي لمدة سبوع
لأنه جدبنا ( يعني قطع النخيل من رأسها واستخراج ما بداخله)
وتعرف انت الجدب وما يسوي.
<<< يسوي روحه يجدب وهو بس حده يشيل كربه.

المكتشفة الوردة الصغيرة انتبهي ترى فيه قسم تراث في الجامعة لا يسمعو فيك ويسجلوك وياهم بس حلوة البراءة .

الأخت ريمي غنية من صغرها ما شاء الله عليها
بس عاد عتيقة او جديدة عاد هذي نكته عليك
وين عاد ننساها حتى لو موضوع جدي بقول لك
الموضوع تبيه جديد او عتيق.

الأخت شوق العيون بس انا ابي اعرف وش صاير في
العصاية والا انتي لو تتبلحي من هنا لين الصبح ما لنا
شغل .

الأخت عنابة نصابة نصبت على أخوها وخلت لحمار
ابن لحمار يدوس على اخوها

حلوة براءتنا يا ليت تعود
فارس حزن يشكر كل من ساهم في الموضوع والذي سيساهم مستقبلاً وأتمنى للجميع طيب القراءة من مواقف الأخوان والأخوات.[/ALIGN]

[شروفه]

هلا
اذكر مره من المرات رحت أزور صديقتي وصدفه كان جنبهم سنوره ولادنه أني أحب السنانير شفت السنوره واستجنيت عليها أخذتها وهربت وصديقتي تعيط عليي واني اركض خفت تاخذها ورحت فيها البيت وحترت فيها عدل ماني عارفه ويش اأكلها حطيت ليها جبن وحليب زي الكراتين المهم حبيت ديك السنوره من كل قلبي وسميتها توتو
كانو أخواني خشنين واياها عشان كذا ماكانت تحبهم بس اني اعيط عليها علي طول تجي
وظليت ايايي فتره طويله كله اتكلم واياها اذا اني متضايقة وظلينا علي هالحال الي زين يوم من الأيام مرضت واصر ابويي الا يغوها واني ماني راضيه وظلو يحنو عليي الي زين غوها صارت عندي زي العقده كل مااشوف سنوره صفره كله اعيط عليها توتو يمكن تكون هذي سنورتي الضايعه وزعلت من ابويي وامي واخواني وصرت كله اصيح

هذي ذكرى حزينة علي قلبي الي حد الحين والله :(:(

[زهرة الحب]

هلا

صحيح ان هذي ذكرى حزينه عندك
بس موتني من ضحك

لكن عندي سؤال بعدك اذا شفتي سنوره صفره تقولي ليها توتو ؟:rolleyes:

ودمتم