رجاءآ للرجال فقط ..بس مو مشكلة دخلوا يبنات !

[معزوفة القمر]

marhoom2000


(كثر مايثير استعجابي فئة من المجتمع تتمشى

وهي لافة على رقبتها مايسمى " بغترة الشجاعة " )


ودي أعرفها ..و يشي بعد دي ؟؟؟

إذا ممكن شبــــــــــــــاب ممكن تشرحوا لينا ؟؟!!:لازم:

[ميت غرام]

غترة الشجاعة:

هذي غترة سوده و بيضة اكثر شي تستخدم في محرم يلفوها الشباب فوق راسهم زي اللفاف

[علي إبراهيم]

موضوع حلو جميل و كلام في الصميم إلى بعض شباب هذه الأيام ....

الصراحة زي ما تفضلتوا بعض الشباب مصخوها بزيادة زي الجرافلة إلا ما مر عليهم التطور إذا تشوفهم تفكر الزمن رجع إلى ورى 20 سنة , و كله كوم و غترة الشجاعة كوم
و إلا الشباب المتشبهين بالنساء و يحفوا حواجبهم و لابسين بنطلون طيحني و مكياج و كحلة ....إلخ>>> وين قاعدين أحنا ؟؟؟؟

لكن في نفس الوقت في شباب مهتمين في نفسهم و نظيفين و يكشخوا و يلبسوا و مالين ثيابهم رجولة و فحولة و أدب و أخلاق و حسن تربية و إذا شافهم الواحد يرتاح و يفتخر فيهم في البلد .

شكرا لكِ أختي الشموع الزينبية على هذا الطرح الرائع

[البتول النوراء]

بسلمووووووووو خيوه على الطرح بس حبيت اشاركم الحديث

مرة من المرات شفت انا ثوب مطرزه بكرستال

الثياب الي تجي مطروه بخيط يكون يلمع وشئ بس هذا كريستال ما عمري شفتها

يالله ما عليه شكلها حلو

بس الشعور والله العظيم انا شايفتهم بعيني مسوينه بالفير

شحقه مو لهدرجه بس اوكيه ما عليه تتطوف

الي جاي معكرش راسه كانه دولا لزنوج العبيد الاجانب الي يصير شعورهم ما ادري كبير ومعكرش على فوق

ههههههههههه اذكر مره رايحين مجمع الظهران ايام العيد في الالعاب كنا

ولد جاي مع اهله امه كبيره نوعا ما المهم لابس البنطلون الي نازل وطالع الله يكرمكم ايه اسمه عفر انيو لست اذا ما انا غلطانه


كل شوي ورفعت له امه هالبنطلون هههههههههههه ما تدري انه الموضه
هههههههههههههه

والله سوالف تخلي الواحد يضحك من جد بس بنفس الوقت تحزن

وكل هذا بسبب الغرب

كل ما سووا شئ قلدوه
تقليد اعمى
والافلام وmbc2 , 4 وغيرهم من المحطات ويش وظيفتهم غير انهم يعلنوا حرب على الامه الاسلاميه وتغيرهم الى على ما يسموه تحرر
انا مالي في هالاشياء بس داكي طلعت عفر خخخخ


الله يهديكم ان شاء الله

اللحين مو بس البنت الي يطلعوا السر والظاهر حتى الاولاد به

اللهم يا كافي

العجل العجل يا مولاي يا صاحب الزمان

اتمنى ما اطلت عليكم

تحياتي البتولية الورديه

[بلاقيود]

الاخت الشموع الزينبية

انتي الظاهر طرحتي الموضوع فقط من اجل النيل من الشباب فقط لاغير والانتقام

ولا الموضوع مااظنه قضية اجتماعية نهائيا ...

لو حينا نقارن لبس البنات ولبس الشباب ...
من ناحية اجتماعية ..

مثلا .. لو قارننا بين العباء الكتافي المخصرة المزكرشة اللي تبين مفاتن المرأة .. وعلى قولتش غترة الشجاعة اللي انتي اصلا ماتعرفي حق ويه هي الشاب لابسينها ... المهم ..

اي اللباس يكون في نظرة المجتمع والشرع عيبا ..

اختي العزيزة

انا ماانكر ان الشباب مصخوها ومصخوها مرة بعد .. ومايعجبني لبسهم نهائيا .. ولاتظني اني ادافع عنهم لان بعض وللأسف اشباه الرجال لبسهم غريب ..

والنماذج اللي طرحتيها كلها موجودة ...

لكن واقع الفتاة اشد وقعا ..

وشكرا

[معزوفة القمر]

للجميــــــــــــــــع جـــلَ التحـــايــــــا


ليث الديرة


أختي كأنش بهذا الكلام مو عايشة في القطيف

إي و الله ياخوك

إفتكرت نفسي في " فرنسا"على هالأشكال اللي

أشوفها !!؟:كشافات:

و في ناس كووول و هذولا يلبسوا الجينز و يخلوه تحت البتاعة و يطلعوا الهاف اللي بـ50 ريال و يحفوا حواجبهم و يشيلوا الشنب واللحية


موجودين و بكثـــــرة وشايفتهم!

و مع هذي الناس أكو ناس عارفين الأصول و يعرفوا إن لكل مقامٍ مقال
و يكشخوا و يحطوا عطر و يحلقوا و ويش حلاوتهم

ماقلنا شي ..

الأناقة الشبابية ..المعتدلة ..يعني لازيادة في الكشخة

ولا نقص في الهيئة العامة للشخص ..يكون صاحبها

محل اهتمام و احترام الجميع !!

( وكل شيء زائد ...نـــاقص )

تحياتــي !

[معزوفة القمر]

الأخ الكريم / بلا قيود


تحياتي و احترامي لك أخي ..

تقبل مني هذه رمزآ للأخوة (كنت اتمناها بيضاء)



انتي الظاهر طرحتي الموضوع فقط من اجل النيل من الشباب فقط لاغير والانتقام



ههههه ...كيف عرفت ؟؟


الشباب هم ..اخواني ..و اولاد عمومتي ..ووووو الخ قبل ميكونوا غربــــاء)

فكيف سأنتقم منهم ؟؟




لو حينا نقارن لبس البنات ولبس الشباب .

من ناحية اجتماعية

( الموضوع نوقش كثيرآمن قبل..وأخذ حقه في النقاش)


أخي الكريم /

من قال لك ..أن الموضوع مو قضية اجتماعية ؟؟

الغلط موجود في المجتمع ككل ..في البنت و في الشاب

وانا وحدة من هالمجتمع ولست خالية من العيوب

ولا اقف ضد أحد ..بل أنا ضد الغلط اللي ماينسكت عليه

راح اقول موقف شفته قدامي و انت احكم بنفسك على

هالسلوكيات ..

اترك عنك الحزازات ..والانتقام ..ومسألة اني بنت واكتب ضد

الشباب مثل ماتكرمت مشكورآ

( فمستوانا الفكري أنا و أنت أكبر من كده)



كنا مرة واقفين بالسيارة عند سوبر ماركت ..نشتري بعض الاغراض

فجأة توقفت امامنا مباشرة سيارة ..

الموقف لحد هني عادي ..بعدها نزل منها شــــاب لابس

شورت مو بس قصير..الا قصير جدآجدآ ..تقول حق اخوه الصغير

وبلوزة طبعآ بدون اكمام ..و الجسم كله طالع

أحنا بصراحة أستحينا و نزلنا روسنا ..لا و الادهى

انه كان شعره من قدام مافيه شي ومن ورى طوووووويل

ومربوط بعد ...

أني بصراحة قلت في نفسي

( حاشا احنا قاعدين في جزر الهاواي)

مو في القطيف الحبيبة

ناقصنـــه بس ..عقد الورد يلبسوه

أحنا ماكنا نراقب ..بس وقفته بالسيارة امامنا أجبرتنا نشوف

طيب ..و ين اللباقة هني ؟؟

وين الادب في اللباس ؟؟

حضرته في شارع عام ..مو في مزرعة مع شباب

احنا وين وهالاشكال المخزية وين ؟؟

احنا نطالب بالاعتدال و الذوق في اللباس العام

يعني ..

اللي في البيت غير اللي بكون في الشارع

و اللي في رحلة غير اللي في الدوام

( الزي المناسب في المكان المناسب )

معلش ..أخي تقبل مني بعض الكلمات البغيضة

نوعآ ما ...

و شكلي باركز الايام الجاية على مواضيع الشباب اكثر


علشان اخليك ...تدخل و ترد عليي ( تفاعل لاه )

أعتذر ...سبب التحرير أن النت خانتني و ارسلت الرد

قبل ما أخلصه ..!!


شكــــــــرآ لمداخلتك أخي ..بلا قيود !!

تحياتي !

[بلاقيود]

اقتباس: الأخ الكريم / بلا قيود تحياتي و احترامي لك أخي .. تقبل مني هذه رمزآ للأخوة (كنت اتمناها بيضاء)

مقبولة اكيد .. ومشكورة على الوردة ..


اما رايي في الموضوع نفسه ..

يعني اذا فيه موضوع ثاني انتظر خخخ..


شكرا

[ظل وقمر]

سلام عليكم جميعا ً ياحلوين ...

بصراحه موضوع حلو , واصلا احنا الشباب اللي لا كول ولا جرفله

دايما ً نتكلم عن هالشباب بس مافي حل "

انا مع كلام الأخت البتول:تقليد اعمى
والافلام وmbc2 , 4 وغيرهم من المحطات ويش وظيفتهم غير انهم يعلنوا حرب على الامه الاسلاميه وتغيرهم الى على ما يسموه تحرر.
تسلم اناملش ... هذا هو الواقع ( الحرب الاعلاميه )

وهذه الحرب شملت الرجال والنساء على حدٍ سواء ...

اذكر في مهرجان افتتاح مجمع سيتي مول القطيف في اشكال بعض البنات

يندى لها الجبين .

حتى لما شفت بعض البنات اللي مسوين لهم عشه فوق راسهم كأنها سنام الجمل

تذكرت بعدها حديث النبي محمد (ص) :صنفان من أهل النار لم أرهما بعد : رجال معهم سياط كأذناب البقر يضربون بها الناس ، ونساء كاسيات عاريات مائلات مميلات على رؤوسهن كأسنمة البخت المائلة ، لا يدخلن الجنة ولا يجد ريحها ، وإن ريحها ليوجد من مسيرة كذا وكذا .
صدق النور محمد.

واللي فاتحه العباءه كأنها بتحلق ( سوبرمان ) وسيقانها تلمع ..

ع العموم شئ يفطر القلب .. وكل مازادوا في هالافلام والمسلسلات الجديده

راح تشوفوا امر وادهي .. خلصنا من ستار اكاديمي جينا للمسلسلات المدبلجه
(لميس) (نور)

وراح تشوفوا منهم البلاوي والله ... اصبروا خلها تاخذ مفعلوها .


امشي هذاك اليوم في مزايا الغذاء الا نغمة مسلسل

لميس هذا ... ومنو اللي جالس يرن جواله ؟؟؟؟؟؟؟؟؟؟؟

رجال عمره تقريبا 53

وافضيحتاه ,,,, اذا كان هالرجال متأثر وش حال الاولاد والبنات ؟؟

انا اقول ابشروا بجيل ماراح تتخيلوه ولا يجي في بالكم .

انا اقول الحل هو ارشاد هالناس التعبانه ابتداءاً من البيت الى الشارع والمدرسه وكل مكان ..

لازم يكون في امر بالمعروف ونهي عن المنكر ...

ومو هده جدي الواحد يشوف اخوه اخته يغلطوا ولا كأنه يشوف شئ ..

في نهاية كلامي احب اعطيكم الصوره المستقبليه للمجتمع ..

واتمنى ماتصير ونقدر نغير من هالمستقبل ... قولو انشاء الله ...

التنبؤ هو كلام النبي الاكرم محمد (ص)

وقال صلوات الله وسلامه عليه وآله : كيف بكم إذا فسد نساؤكم ، وفسق شبابكم ، ولم تأمروا بالمعروف ولم تنهوا عن المنكر ..؟!
قيل له : ويكون ذلك يا رسول الله :..؟؟
فقال : نعم .. وشر من ذلك .. كيف بكم إذا أمرتم بالمنكر ونهيتم عن المعروف ..؟؟
قيل يا رسول الله : ويكون ذلك ..؟؟! قال : نعم وشر من ذلك ..
كيف بكم إذا رأيتم المعروف منكر والمنكر معروفا "
انا اقول الله يستر واحنا نشوف اصلا بعض من هالمستقل صار حاضر ...


الله يستر علينا وعليكم وعلى المؤمنين ...

[marhoom2000]

(كثر مايثير استعجابي فئة من المجتمع تتمشى

وهي لافة على رقبتها مايسمى " بغترة الشجاعة " )


ودي أعرفها ..و يشي بعد دي ؟؟؟

إذا ممكن شبــــــــــــــاب ممكن تشرحوا لينا ؟؟!!:لازم:


سوري على التاخير

هذي غتره تلبسها فئه تحزبية في المجتمع وتكون هالغتره مثل علامه تميزهم عن باقي موالين ال البيت ويلبسوها في كل وقت ليس فقط في شهر محرم

[بلاقيود]

اقتباس: هذي غتره تلبسها فئه تحزبية في المجتمع وتكون هالغتره مثل علامه تميزهم عن باقي موالين ال البيت ويلبسوها في كل وقت ليس فقط في شهر محرم __________________

من وين استنتجت هالتعريف ياشاطر .. ؟
وبعدين مو هذا الموضوع خيوه ..

[معزوفة القمر]

أخي / بلا قيـــود

طيب فهمنـــا أنت إذا تحب !!

الموضوع كله متعلق ببعضه أخي..

موضة الشباب ...الغريبة

وموضة الفتيات ..العجيبة

و الآتي ..أدهى ..و أمَـــــــر !

تحياتــــــــــي للجمبع ..

( أسعدني النقاش معكـــم

فلقد كـــان مفيدآ )

[شيعيه]

اخي بلا قيود

اعتبرها لقافه .. بس ليش معصب ؟؟

.....

لازم الشباب يعرف ان اللي يسويه شي مقزز
و هالموضات اللي نازله ( حلقه كابوريا _ الطابوقه _ حلقه اقحطى...

مثل واحد كله يوقف على بابنا شكله مقزز بقووووووه ومن اشوفه اتنرفز
حالق شعره على الصغر ولحيته إلى سره حتى امي تقول كأنه وهابي
ولابس بلوزه ماأدري كيف مدخلنها الضاهر عليه من لمن كان بيبي او مدخلنها بفازلين

او اللي مثل ماقالت عنه شموع لابس شورت اخوه
بالأحرى مو شورت الا كأنه لابس هاف و كلسون .. يعني لو لابس ابو فخد استر اله

من جد احنا نستحي من اشكالهم وهم عااااااادي

[marhoom2000]

هذه صوره طبق الاصل الى ما قصدت

[معزوفة القمر]

قبل يومين بس عرفت شي جديد بعد في موضة الشباب

مادري هو ..جديد ولا ...قديم !!!!!


فيه بناطلين يلبسونهم الشباب ...

يسمونهم " زعاطـــة "!!!!!!!

إي متأكدة من الإسم ..!

و هالبنطلون ...يخلي الشاب " مجرفل بمعنى الكلمة "

لا ..وسعره غالي بعد ...يفصلوه تفصيل مو يشتروه جاهز

با الله عليكم ....لا إسم ..و لا حتى شكل ..وهواش عليهم

واللي كاتب عليه إسمه .. و اللي هو بصراحة خجول وحاط

بس " الحرف الأول من اسمه "

و يمكن بعد مكان السكن و رقم الجوال

وين راحوا البنات بالنسبة ليكم ؟

سؤال يحيرني


من هو المخترع العالمي لهذا ( الزعاطة ؟)

زعاطة عاد ؟؟ مافي اسم أنعم شوي ؟؟!

ممكن تفيدونا ..شبـــاب ؟:على راسه: