حاشى تغمض عين لي ويطبق جفن
ونته فكري والمشاعر والزمن
وانته رويت العطش بعد الضياع
غيثك الصافي على روحي هـتن
لو تمر أيام تضعف قوتي
واذكرك تسري المعاجز في البدن
ليلي ليل وسهرتي باحلى سمر
وعقلي ظل سهران في جنت عدن
جنتك يانور آمال الشعوب
وعد رباني وإلهي له ضمن
وش كثر هرج ومرج من عادلي
وقلبي المسكين ما عمره وهن
ولو يفكر ويتعقل باعتدال
وأدري بقلبه على كرهي دمن
بعد ما شفت الحقيقة وعقلي صاب
وعقلي حجة باطنية ماهو ظن
عشت ايامي وسنيني بانتظار
فلسفة عاشق قضى عمره بفتن
قصة أرويها على طول الزمان
وأذكر المهدي الإمام أبن الحسن
من نذكره تنحنى الروس بعجاب
مادرى السر عادلي وظل بمحن
هذي فطرة وفطرتي بحسن كمال
المهدي روحي والعقيدة والوطن
ما يضل من مات معقود بأمام
برقبته وعهده انكتب فوق الكفن
ومن يعيش ويجهلك مات بضلال
خبر الهادي ورواه اهل السُنن
أبن ماجه وترمذي وأحمد بعد
أعرف الحق تدخل الجنة بثمن
المهدي نور الله وبعد عين الحياة قصة من وحي البصاير والفطن
الأرض تشهد والسما لاجله تطيع
وهو عماد الكون في حضنه أمن
يافلسطين ابشري بفجر الإمام
يوم ما رب السما بوعده أذن
تندحر صهيون تجتر الشتات
مثل خيبر يوم ما انهد الوثن
يملك الأقصى ويأم المسلمين
المهدي ومن خلفه المسيح المؤتمن
وعد من ربي النصر للمؤمنين
في كتابه قرره وصبري رهن
حاشى تغمض عين لي ويطبق جفن
وأنته مو أنته اللي في قلبي سكن
ربيع الشوق