تجمع احلى اعضاء

[romanticrose]

سبيشل / ايييه بكرة ترا نظام غذائي جديد ..!
ترا نازلة كيلوين و 400 جرام يعني شوي و بوصل فلافة
كيلو ,, !! بادية بذمة و ضمير ترا مو زي بعض الناس

أجمل / اني الي يربشني ابو فور فينقرز ، قتوووولي !!


قلب من دانتيل / وحشتينا ترا يالله تعالي هالصوب
نتباحث في الرجيم

[special]

رومانتكة وشو النظام الجديد ,,
تعرفي بسوي دشتي فترة محدودة ,,
ترى اللي جابه اجمل احليو ابو كت كات ..

[أم القمرين]

اقتباس: المشاركة الأصلية كتبت بواسطة special   هلا خيتو ,, على ايدش جيبي ليي ريجيم ما يمرض كلهم يمرضوا و يجيبوا الاكتئاب ..

هلا حبيبتي زي ماقلت لش كلي إلي تبغيه لكن قللي الدهون والأفضل زيت زيتون لاتاكلي حلا كل يوم في الأسبوع مرتين يكفي والله مشيت على كذا يمكن ستة شهور والحمد لله صرت تمام التمام ولاويقولوا لي ضعيفه هههههه ....

[قلب من دانتيل]

هلوووو اني جيت ضحكتوني الله يغربل بليسكم

سبيشلوه نازلة كيلوين و4 ماشاء الله ماشاء الله نبخرش بحرمل وشبه..

المهمز داني للحين مستمرة بدشتي بس حماسي موزي اول مادري لويه
اليوم كنت حدي غضبانه الا اشوف اجملوه بوجهي جايب له فطاير من العيد يقول ليي تبغي فلافل واني اموت بالفلافل قلت له بس مابقطعه رحت المطبخ واطالع الثلاجات والفرن والشيطان يوسوس ليي
اخر شي جت اختي وقالت ليي اكسريه وش ماخذه من الدنيا وقامت ركيض جابت ليي شكولاته ههههههههههه رحت لهدوي قلت له ماما تبغى بسكوت قال ليي لا قالت ليي لاتحاولي انتين اكليه اخر شي استسلمت واكلته وجت الليل واكلت خبز خباز ومطبق

بس خلاص مابكسره توبة يمكن اكسره في الناصفة لان ابغى قبل رمضان اوصل للوزن اللي في بالي قاهرني وزني كأنه عسكري مو راضي يتحرك

اسبيشل جربتي النقاط حسيتيه عدل تنصحيني به في رمضان ؟ لاني ناوية اتهور وحتى في رمضان اكمل دشتي ..

[special]

ام القمرين غناتي وش اقولش بعترف اني وحدة ما يمشي وياها تخفيف لااا ما اعرف احب الريجيم اللي يلزمني اسوي كدا آكل كمية كدا عرفتي يعنو محددين ليي على البارز انفذ ,,

قلب من دانتيل شحالش يا قمر وحشتينا من طول الغيبات جاب فيروسات التخبيص له له تمركز عندش الفيروس عفر ,,
من هي دي اللي ناقصة كيلويين ما ادري 4 اي صفحة قريتيه قبل شهر صح رجعت زدتهم كل من اجملو ,,
بالنسبة لسؤالش ريجيم النقاط جربته احليو بس احسه حق نظام حياة عشان ما تزيدي لانه اول اسبوع نقصت كيلو و بعدها وقف يعنو ينزل بالغرامات بطئ النزول ,,
اني مشكلتي شسمه دام كل شيء مسموح اقوم آكل كل شيء مسموح ههههـ و تاليتها صار تخبيص ما حصلش ,,
طبعاً مو مثل دشتي خلال اسبوع ينزل كيلويين او 3 ريجيم النقاط اكثر شيء تنزليه كيلو بالاسبوع ..

[romanticrose]

قلب من دانتيل / أجمل : شحوالكم ؟!
و يش أخباركم مع الوزن نزل لو ويش ؟!!

سبيشلة / أخبارش يالدشتية ؟؟!
ويش أخبارش ويا دشتي ؟

أمــا اني ثبت وزني النحيس نقص له كيلوين
و داكو محجر مو راضي يتلحلح
فإذا دشتي نفع باجربه باشوف

[special]

شحالكم ,,
رومانتكة اي دشتية عارفة روحي ما اقدر عليه و اسويه شوفي وش صار ليي
يوم الاحد جتني لوعة شديدة و اعياء مثل الفلونزا تم القطع بعدها يومين ما آكل شي فيه لحم و لا بروتين تالي اكلتبعد يومين مثل النزله المعوية و يوم الاربعاء صرت زينة و اللحين تم مقاطعة اللحوم و البيض و البروتينات يعنو لمدة شهر مثل ما صار ليي من قبل ,,
مثلا اذا انتين تلوع جبدش زيي ما انصحش
فيه اشتباه عندي نقص فيتمينات يبي ليي احلل
شرايش نسوي ابو كت كات اللي قال عنه اجمل ..

[أجمل إحساس]

^
^^

شحوالكم كلكم
اليوم وزنت ووزني ماتغير واقف ومن القهر رحت أشتريت ليي سمبوسه وكباجي وكسرته ههههـ

إن شاء الله من بكره بسوي الدايت بدمه وضمير

[أم أحمد]

اقتباس: المشاركة الأصلية كتبت بواسطة أجمل إحساس  ^ ^^ شحوالكم كلكم اليوم وزنت ووزني ماتغير واقف ومن القهر رحت أشتريت ليي سمبوسه وكباجي وكسرته ههههـ إن شاء الله من بكره بسوي الدايت بدمه وضمير

هههههههههههههههههههههههههههه
ياعلي موتني من الضحك ياخوي
على بدمه وضمير
يعطيك العآفيه

[أجمل إحساس]

^
أم أحمد أبشرش بعد يومين من الررجيم وجعت كسرته

سبيشل وزنت اليوم وأنصدمت أني زايد كيلوين ليش وش السبب وأنا ما شي صح ؟

[special]

هلا خيو بعدك على دشتي ئه ,,
ماشي عليه و زدت كيلويين !
قلت لك من قبل يبغى لك تكسره بريجيم ثاني يعني تقطعه فتره مثلا اسبوع اسوعيين تلعب على جسمك حتى لما ترجع لدشتي يحرق من جديد ..

جاي رمضان عاد ما عندك ريجيم له

[أجمل إحساس]

^

كسرته برجيم التمر
ونزل على طول بشكل مو طبيعي ,, بعد رجعتي الى دشتي كان وزني تمام ما شفته بعد يوم الا أرتفع لحاله !

رمضان يا سبيشل ما في ألا كل واحد يتأدب عن الاكل الزايد ويسوي رياضه خفيفه

[special]

شحوالكم
ويش اجمل يعنو اللحين نزلت زين اشوى عليك حالة ,,
بدأت اليوم دايت ,,
رومانتكة تعالي اهني له ,,
الجو لاعب دور بالصداع خخخ و دايت بعد

[أجمل إحساس]

^

شحوالكم عفر

وزني ينزب بالقرامات ما أدري وش فيه عفر

ولاويه خيوه بديتي دايت ؟ أستني الى السبت الجاي

[romanticrose]

خلاص صرت أحب السبت و بديت ويا سبيشلة
أني و يارب نفوز عليك يا أجمل و نضعف قبلك