شنـــو رايكم بنات ؟؟

[البتول النوراء]

اقتباس: المشاركة الأصلية كتبت بواسطة هناء المغربي   * هل زوجه ألولد ملزومه بالشغل او هي مسأله ذووق ومشاركه ؟ من باب الذوق .. بعدين هي تعتبر مو غريبة من أهل البيت يعني .. ماهي مشكلة لو قامت اتحركت ، في الحركة بركة .. * ما موقفك لو كانت زوجه أخيك من هذا الصنف ( الكسولات ) ؟؟ يوم الا تجي بنخلي كل وحده تاكل في صحن خاص فيها ، و لما تخلص تشيل صحنها معاها و تغسله .. و يسلمو شيعية ..

ههههههههههه

عاد جت على الصحن والملعقه بس هذا الشغل يكون غسيل الصحون
واذا جت لش عمه تستحي تتقول ليها خلي عنش هالصحن وروحي قعدي (لان فشله بتقوم واخرتها على صحن وملعقه )
الي بيشتغل يشتغل عدل مو بغسل صحني وملعقتي
ومن فجر الله تطبخ هالمسكينه واخرتها بتغسل صحنش
منو بيغسل صفرية العيش ومقلى القلاي وطاسة السلطه وصفرية الشوربه ومنو بيدخل باقي الاكل في الثلاجه ومنو بيخم ...وغيرها
قلت شيمه وقلت ذات بعد
وتخيلي في عيله ما فيها يوم جمعه ويش بتقول مرة اخوش يوم كل الناس عندهم جمعه بس احنا ويش هالحظ وتتذمر وحالتها حاله

يسلموووو على المرور خيه

[*مسحة طبية*]

ردود البتولتين ( النوراء والعذراء ) كششششخة عجبتني يا هيك البنات يا بلا خخخخخ

واني في رايي :

* هل زوجه ألولد ملزومه بالشغل او هي مسأله ذووق ومشاركه ؟

هو يعني نص ونص يعني لا هي ملزومة بمعنى غصبن عليها تقوم حتى لو هي على فراش الموووت ( مبالغة ) ولا انها سالفة ذوووق بس يعني اذاهي ما عندها ذوق تقعد كأنها الحسناء والوحش (ادري التشبيه ما اله علاقة خخخخ )
لكن اللي اقصده المفروض انها تقوم وتساعد وتشتغل لانها حالها حال الباقيين مافي على راسها ريشة واذا كانت ما تعرف السنع هاللوح هذا اللي عندها اللي يشوف خواته وامه زي الشغلات اليها والى اشكالها المفروض يعلمها ويقول ليها قومي ساعديهم بدال مو قاعدة تبلعي وتقومي واولادش يعفسوا الدنيا وراهم!!

وبعدين الدنيا دوارة واذا هي سوت في الناس كذا بكرا يا يصير فيها او يصير في بناتها
وترى مثل هالاشياء اللي يمكن البعض يشوفها بسيطة هي اللي تسبب المشاكل بين الزوجة واهل الزوج ويصيروا يكرهوها ويمكن حتى يكرهوا ولدهم ( اخوهم ) عشان مثل هالاشياء ومو بعيدة تصير مشاكل بين الزوجين لان الواحد اذا شاف زوجته كذا اكيد بتصغر في عينه بعكس لو شافها تقوم وتقعد وتشيل وتحط بيحبها اكثر وبيشيلها على راسه ونفس الشي العمه والحموات
وبعدين ما بيضرها لو قامت يوم بالاسبوع وهي بصحة وعافية يعني ما بتنقص ايد او رجل لو ساعدت واذا هي خايبة من الاساس تخلي خيابتها في بيتها مو عند الناس

* ما موقفك لو كانت زوجه أخيك من هذا الصنف ( الكسولات ) ؟؟

اني ما عندي زوجة اخ للحين لكن لو في من هالنوع باقول ليها بكل صراحة واذا ما عجبها كلامي او زعلت فيه طيفاااااان واجد في البيت تختار واحد وتشدخ راسها خخخخخخخ

شعشع غناتي تسلمي على الموضوع
اعذروني على الاطالة

تحياااااااااااااااتي

[شيعيه]

اقتباس: واذا كانت ما تعرف السنع هاللوح هذا اللي عندها اللي يشوف خواته وامه زي الشغلات

الله يغربلش مسحتـــوووه
يمكن يستحي هههههههـــــ

مرورش رائع وبالغه في اخوتش يارب
ويعطيكم مره سنعه مسنعه
ومايصير اخوش لووح خخخخخ

تحياتي / شعشع

[المعلم]

اقتباس: المشاركة الأصلية كتبت بواسطة شيعيه  * هل زوجه ألولد ملزومه بالشغل او هي مسأله ذووق ومشاركه ؟ * ما موقفك لو كانت زوجه أخيك من هذا الصنف ( الكسولات ) ؟؟

أولاً أشكر الأخت شيعية على هذا الموضوع الحساس

وأرى بأن النقاش في الموضوع غير موضوعي

وأن النقاش فيه من الحياة الواقعية ، والكل يتكلم من حياته الخاصة

* * *

ولكم رأيي :

زوجة الولد غير ملزمة بالشغل في بيت عيالها ، هي عندها بيت كامل ملزومة فيه ، ولكن من باب الذوق يجب عليها المشاركة في العمل ، والمشاركة تكون بالشي اللي هي تبيه ، يعني مو تنجبر زوجة هالولد تغسل صحون متجمعين من يومين ويقولوا ليها : تعالي غسلي

أكيد ما راح ترضى .. وبعدين راح تسموها "كسولة"

أعتقد أن الموضوع بحاجة إلى مناقشته بموضوعية

ولكم تحياتي ،،

[أم مرتجى]

الموضوع حلوووووو وعجبني النقاش فيه

بس بصراحة السالفة مو سالفة واجب ولا الزام السالفة سالفة ذوق وشيمه

أني عن نفسي أحب أساعد في بيت عيالي وأقوم من نفسي مافي أحد يجبرني

وعادي الواحد لو سوا أي شي ، يعني الواحد إذا مايغسل لصحون مايعتبر سوا شي كل حاجه الواحد يسويها تعتبر مساعده

سواء كان تكنيس أو غسل صحون أو شيل السفرة ...

وشنو فيها لو سويت محلبية وخذيتها معايي المهم أني سويت حاجه وجبتها حتى لو كانت بسيطة

(طيب وشو هو الشي اللي المفروض الواحد يجيبه معاه عشان مايطلع في نظر لعيال مراشه جهال)؟؟؟!!!!!!

والمساعدة مطلوبة عشان الكل يرتاح ويجلسوا بعدين جميعهم مبسوطين

وترى عادي الواحد لو ماسوا شي يعني هم سووا الغذاء وهم عندهم استعداد يخدموا من طأطأ إلى السلام عليكم

وهو كله يوم واحد مابيظر بس مو معناته أني اشجعهم مايسووا شي بالعكس التعاون زين

والحمد لله اني مو خايبه عشان لا أحد يهدر عليي وأصير علكه في فم أحد ...

[يدق قلبي بوجودك]

وش فيكم على هالصحووون فيه اشياء ثانيه تسويهاا الفرن تنشيف الصحوون التكنيس تشيل السفره ادا سويت حاجه من دولا اكووو ساعدت وانجزت وهدي مو اشياء بسيطه يعني لو ماتغسل المواعين مايصير انجزت شي غلط طبعاا

عجبني كلام ام مرتجي والمعلم عين الصووواب

ودي النقطه ابدا ما عجبتني المهليبه مراشه جهال!!! هدا اللكلام عجيب
نعمه الله زين منهااا سوت شي وجاابته حتى لو كاان بسيط قوااهاا الله مو ملزومه انهاا تجيب شي لان هي جايه ليناا واحنااا مابنقصر بنسوي كلشي ليهم

يعني انتوون ادا بتراشو الجهااال تسوو ليهم مهليبه ولا كيف؟؟؟

يعنو ادا ماسوت حلا دسم وحوسته حوسه ما يحلى الحلااا لا والله...

واداا بخدمهم اخدمهم من اعيوني وادا ساعدوني على راسي والله بس مو ملزووومه يعني هي ورااحتهااا كل شخص ويعمل بأصله وخلاص

والله لا يحرمنااا من جمعتهم حتى لو ماسووو شي والله يهدي الجميع

[شيعيه]

اهلين فيكم ...

غسال الصحون مثال
وإلا هو فيه اشياء غير كثــــــــــــــــيره

مثل ماقلتي خيوه ( دبدوووبه )
في الفرن
وفيه تنظيف المطبخ
فرز الأكل النظيف ( مو ملموس )
تلبيق المواعين
شيال السفره
التكنيس
تجهيز الشاي والقهوه للرجال والنساء
تجهيز الحلى ( إذا كان فيه )

اشياء واجد
خلي تنظيف الفرن إذا تقول تعبانه
ماتعرف تقوم تغلي ماي وتصبه في دله وتحط كيسين لبتون والسلالالام ؟؟؟
مايبغى ليهـا عامل ارامكو
ماتعرف تطلع تبسي تصف فيه استكانتين وكم فنجال وتعطيهم رجلهـا يدخلهم
مجلس الرجال ؟؟؟

فيه اشياء واااااااجد سهله
للي ماتحب تكسر اضافرهـا من غسال المواعين

اني قاهرتني حاجه قلت لازم اكتبهــا ..
الخيااابه توصل ان حتى إيد ولدهـا تقرف ولا تقوم تتشيم وتغسلها
من جد خيــــــــــــاابه

بس لو خليت خُــربت
مثل مافيه هالصنف - الكسول - فيه صنف المتعاونات وموجود الحمد لله

سمعت عن بيت عيله مقسمين الشغل بينهم
بشكل بسيــــط وحلو
وحده من نسوان الأخو عليهـا السلطه
ووحده عليهـا الجحه
وعمتهم الرز و الشوربه

تحسوهم متعاونات مابينهم ... صحيح شي بسيـــط اللي يسووه
لكن يترك اثر طيب :بالحضن:


شيعيه

[يدق قلبي بوجودك]

اني قاهرتني حاجه قلت لازم اكتبهــا ..
الخيااابه توصل ان حتى إيد ولدهـا تقرف ولا تقوم تتشيم وتغسلها
من جد خيــــــــــــاابه
.......


دا مقطع من كلام شيعيه يعني تقصدي فيه شخص معين !!! هداا عاااد شي ثاااني يمكن الحمااام محظور ههههههههههههههه

طيب هدا الشي مايبغى له تقوم الحمااام وتغسل له اني من صفتي ماشفت ناس كدا والناس اجناس وربنااا يوفق الى الجميييع يااارب

[البتول النوراء]

اقتباس: المشاركة الأصلية كتبت بواسطة مملكة القلوب  موضوع رائع

ما شفنا رأيك اخي / احتي

يهمنا رايكم

[البتول النوراء]

اقتباس: المشاركة الأصلية كتبت بواسطة شفتِ دمعتي؟؟   * هل زوجه ألولد ملزومه بالشغل او هي مسأله ذووق ومشاركه ؟ من رايي مي ملزوومة انهاا تشتغل ... بس هي صارت من أهل البيت يعنو هي وذوقهاا اتقوم لو لا .. اماا انهاا ملزومه لالا مو ملزومه .. * ما موقفك لو كانت زوجه أخيك من هذا الصنف ( الكسولات ) ؟؟ شــي راجع ليهـاا وهذا يعكس شخصيتهاا في بيتها. يسلمو شيعية ع الموضوع ..

احترم رأيك اخي
وهذا عين الصوب

[البتول النوراء]

اقتباس: المشاركة الأصلية كتبت بواسطة شمس الأصيل   شيعية مشكورة على الموضوع في البداية.. من وجهة نظري القاصرة .. الولد أو الأخ له دور في هذا الشئ..:ممنوع الت هو صحيح المرأة مو ملزومه على قولة البنات.. بس الوحده المفروض تعمل بطيب أصلها.. ولا تحسب أنها بتكون خدامة ليهم.. زي ماقلتو هي بتنظف وبتسوي هالشي لمن؟ ليها ولعيالها ولزوجها في الأول والأخير ولا هي غريبة.. مدام قبلت بالشخص اللي تزوجته ملزومه تقبل بأهله وتحطهم فوق راسها بعد.. لأنهم أقل شي أختاروها من دون غيرها تكون مرت ولدهم.. عن نفسي بالعكس يشرفني اني أساعد في بيت أبويي أو بيت عيالي أو حتى صديقاتي أقوم أساعدهم لاني مو غريبة ولا أحب الخيابة.. همسة لكل زوجة... لا تحطي في نفسش أنش خدامة اذا قمتي وساعدتي..أعتبري نفسش في بيتش.. تحياتي شمس الأصيل

قواش الله خيه
ما شاء الله كلامش بلسم
ومزبوط 100%
خلاص صارت بنت من بنات هذا البيت يعني مو غريبه اي شئ تمسكه ملكها مثل الباقي

[البتول النوراء]

اقتباس: المشاركة الأصلية كتبت بواسطة السحاب الأبيض   ]* هل زوجه ألولد ملزومه بالشغل او هي مسأله ذووق ومشاركه ؟ هي مو ملزومة بس من باب الذوق انها تقوم تساعد .. اجل تاكل جاهز مجهز .. تستحي شوي وتقوم اذا ماتعرف تطبخ تشيل على الاقل اغراض السفرة او تغسل وش يبي له غسيل المواعين مو تقعد كذا زيادة عدد أو زيها زي الصبيان .. * ما موقفك لو كانت زوجه أخيك من هذا الصنف ( الكسولات ) ؟؟ اشوى ماعندي زوجات اخو .. والله لا يعطينا زوجة أخو كسولة ... بس لو صار هالشي اكيد باخذ منها موقف .. يمكن اصارحها حتى لو زعلت بس مايصير نتعب وهي مرتاحة احنا في البيت 4 و الحمدلله متعاونين كل وحدة تسوي شي .. يسلموووو شعشع

هلا بام السحب
يعطيش العافيه كلام رائع وخير ما قلتي
ومثل ما قلت قبل اني مو تروح ترهق حالها وكلامي اوجهه لكل بنت سواء كان زوجه الاخو وبنت بعد اشياء بسيطه يتعاوت\ن الواحد فيها
منها بيصير روابط سحريه ذهبيه بين الاشخاص وبيتكلموا مع بعض وبيصر كلام بينهم ويقترحوا اشياء بيصيروا يحبوا بعض حب مو طبيعي قلبهم على الواحد
وغيرها من اشياء
اشكر مرورش خيه والله يعطيش مرت خوه خوش مره

[البتول النوراء]

اقتباس: المشاركة الأصلية كتبت بواسطة فاطِمة فتح الله  وانا اقرأ الموضوع حسيت متفشله خخخخخ انا بعد مااسوي شيء في بيت عمي .. اذا قلت لهم بغسل مايرضوا .. يقولوا روحي قعدي .. والله اكثر من مرة .. ساعات اسوي حلا وأوديه ساعات <<<باودي هالاسبوع ناوية .. وشهر رمضان اسوي شيء وأوديه واذا ماسويت امر بيت امي وأخذ من اللي طبخته .. وساعات اشيل السفرة .. وبعض الصحون .. لكن ترى استحي على دمي .. والله يا شيعيه مو يعني ماعندي ذوووق .. بالعكس احس فيهم وأحبهم واجد .. وبعد اغلب الاحيان حمواتي المتزوجات يجيبوا شغالاتهم يعني ماليي دور بس اكل وهذرة .. لكن ترى لو قالوا لي قومي فطووم غسلي مواعين باقوم وانا مبسوووطة والابتسامة شاقة الحلق لأنهم زي خواتي واكتر .. باحس ان مابيننا حواجز .. سلملم

قواش الله خيه

الي عليش سويتيه وهذا الصح
واذا فيه شغالات ليش تقومي
خلاص قعدي ...احنا نتكلم في وضع ما فيه شغلات
وقواش الله ويسعدش غناتي

[أجراس سماوية]

هل زوجه الولد ملزومه بالشغل او هي مسأله ذووق ومشاركه

من وجهة نظري البسيطة تعتمد حسب الفتاة كيف كانت البيئة التي وجدت بها
فالبعض من الأهالي لا يجبر الفتاة في القيام بالأمور المنزلية أعرف الكثير من العوائل لاتجبر بناتها بدخول إلى المطبخ مثلاً وبعض العوائل تُصر على قيام الفتاة بالأمورالمنزلية وهكذا تختلف البيائات في هذه الأمور .


ما موقفك لو كانت زوجه أخيك من هذا الصنف ( الكسولات )

في الوقت الحالي لاتوجد لدي زوجة أخ لهذا لن أصنف


شيعية

شكراً لكِ لهذا الطرح

موفقة لكل خير

ـأختك

ـأجراس سماوية

[البتول العذراء]

اقتباس: المشاركة الأصلية كتبت بواسطة البتول النوراء  ويش فيكم يالربع بالصراحه ويشوا يعني مي ملزومه اصلا ملزومه واجب عليها اتقوم زي مو الباقي يقوم ويشتغل وبعدين ياكل هي بعد نفس الشئ اتقوم وياهم تشتغل مي قصة ذوق هذا واجب عليها مو بس تقعد اميره وتتفرج والله يرتفع ضغطي اني اتعب وغيري جالس وياكل ويقوم هذي مي عزمه بس تجي وتغسيلي يدش وتتطلعي اني رأي انه ملزومه واجب عليها بعد وشيلوا مسأله الذوق

لا خيه أناااااااااااااا مو معاش أنه وااااااااااااااااااااااجب

هذا من باب الذوق ..و الشيمة ومساعدة الآخرين

في كم رد ما عجبنوني ..

نظر للموضوع من وجهة نظر شخصية ...

وبردهم على الموضوع كأن الموضوع يخص ناس معينين

يبين مرة مرة من الردود

بس أنظروا له بعين العقل

أمك لحالها بالمطبخ .. وزوجتك و خواتك >> للرجل

جالسين كل وحده رجول على رجول وسوالف ..

وهي تكرف كرف العبيد

وأنت مو حااااااااااااااااب تنقطع من أهلك وتأكل لو مرة بالأسبوع من يدك أمك الله يطول بعمرها

فمن باب أولى أن زوجتك تساعد شوي بالأعماااااااااااااااال

والدنيا سلف و دين و يوم لك و يوم عليك

مهما كااااااااااااااااااااااااان

و للبنت تخيلي أنت بنت وما تزوجتي ..بتستحي و بتساعدي أمش إذا عندش شيمة

وإذا ما عندش

قااااااااااااااااااعدة مع البقية خواتش المتزوجات وحريم أخوانش بحكم أنهم عندهم بيوت يخدموا فيها

ومو ملزومين يشتغلوا ببيتكم

والأم مسكينة تكرف و تكرف و تكرف

تغسل لصحون وتخم المكان اللي هم قاعدي فيها .. لأن ما بيفكروا حتى يخموه ..

وتشيل باقي الأكل اللي ما نلمس



وأنتون ضحك و سيلقة على قولهم

ومن تخلص من هالشغل مسكينة

وتوها جاية بتقعد معاكم

الإ كل وحده رجلها يقول يالله قومي

مسكينة هالأم

ما شافتكم الإ وهي على السفرة وهي تنجب الغذاء

وتاااااااااااااااالي كل بالمطبخ وأنتون على راحتكم

يالله

كل واحد ينام على الجنب اللي يريحه

والدنيا يوم لك و يوم عليك

و بيوم بتكون البنت بدل أمها اللي خلتها تصير ميري بيوم

هي ميري لبناتها الخيب اللي كانوا مثلها وزوجات أولادها ..( إذا صح المثل اللي قاله فطوم الأم الشاطرة بناتها كسولات )

........