البرنجوش " المحمر" بالصور من مطبخ أمي الغالية..

[شروفه]

عندنا يسو البرنجوش ليلة غسالة المعرس (يوم الي يسبحوه )
أمي وأبي يحبوه ونفسها امي تسويه في عرس اخواني :)

تسلم الوالدة يازهرة الحب

[عنابه]

تسلم ايدين أمك زهرتوه
اني بعد ماحبه وحتى في العراس اذا حطوه ايدينا على خشومنا وحنا اف واف وكيف تاكلوه ..!!!!
أن شاء الله أشوفه محطو على سفرة غسالتك

عنابه.!

[قلب من دانتيل]

ذكرتني زهرتوه بسنة من السنوات الفائتة
واحد قريبنا كان عرسه وكان موزعين هذا الاخ المحمر
اني طبعا ماكان عندي علم ان فيه رز حالي جبت ليي ملعقة من المطبخ وحطيت اول ملعقة في بوزي وكانت الصدمة جديه ..:يما الحقي:خايف:

انواع التفهي ديك الحزة واضطريت ابلع اللقمة في حلقي صراحة الطعم لش عليه شوي

بس طريقة اعداد الوالدة ماشاء الله فنانة سلمي عليها واجد يالقمر

جان تنغصتي لعنابة في صحن سمعت انها تحبه بس مادري لويه غيرت رايها في اللحظة الاخيرة ..

[السامر]

يسلمو زهرة الحب على عيش المحمر مع السمك لذيذ

[شموع الامل]

لديــــــــــــــــــــــــــــــــــــد

يمي .. يمي

يسلموووو زهوره

[زهرة الحب]

فديتكِ يالغالية سيدة الاحلام,,
ليلة الخميس عندنا محمر بنت جيرانا تفضلي ^_^

جربيه وإن شاء الله يعجبكِ..

[زهرة الحب]

إذا أخواتك يحبوه سويه وأعزميهم ,,
المفروض تحطوا في السمك سكر حتى يركب <== ويع هههه

تسلمي خيوة شموع دربي على الرد..

[أمونة المزيونة]

استغفر الله من اسمه بــرنـــجوش وش معناها ماادري ؟؟!!

اني اي حاجة ما احبها وثقيلة دم عندي اسميها برنجوش لا في طبخة ثانية أشد تنكيلاً اسمها مطبن !!!

ويلي على هالحالة كيف تاكلها العالم (!! )

صدق الناس أذواق !

زهرة صحيح دوخيتينا بزفرة طبختك لكن ما باليد حيلة ما أقول إل رحم الله والديش هالمرة خليك مع الحلا أبرك لنا !

[ام الميرزا]

احنا عدنا نعملة ليلة اغسالة العروس
اخوي يسميه عيش الجنانوه ((الجن ))
نسميه عذرة وهو حلو اذا كان بااااااارد
بس احنا ما نحط فيه سمك اظن انها
ما تركب مالح مع حالي

[زهرة الحب]

شروفتنا,,
إذا في محمر عرس أخوتك خبريني حتى أجيب الكاميرا ونحط الموضوع في التراث:)

تسلمي غناتي على الرد..

[زهرة الحب]

عنوبه ,,
الله يسلمكِ غناتي,,
مو خايس لكن الطعم أبداً تذوقته مرة توبة ما أعيدها مرة ثانية,,
جربي تذوقيه يمكن يعجبكِ ^_^

[زهر الرمان]

تسلم ايادي الماما زهرة الحب
شكله حلو بس طعمه

[أمـ الساده]

تسلم ايدين المحروسة والدتك الا طبخت
وتسلم ايدين الحبوبة زهورة الا صورت لنا الخطوات
ومأكول الهنا والصحة والعافية للي آكلوها.،
ويش فيه المحمر عيارين انتونا:لازم: هذه اكلة تراثية بحته
اني اموووووت اموووت بالمحمر

تحيتي مع محبتي
أم السادة

[السحاب الأبيض]

من لما كنت صغير احب المحمر ..

و اختي كانت دايماً تقول كيف تاكلي رز حالي و مع سمك مالح ..

كنت آكل الرز بس ما آكل من السمك ..

اللي تسويه جدتي بني .. تحط فيه دبس تقول ..

في رز جابوه لنا مرة طعمه يشبه المحمر بس لونه ابيض

يسلموو زهرتو .. وتسلم يد الماما

[زهرة الحب]

قلب من دانتيل ,,
ههههههههههه مثل حالتي يوم أذوقه كان في زواج خوالي
الطعم أبداً <== :كشافات:..

المرة الجاية أتنغص عليش:ممنوع الت..
تسلمي أم السادة على الرد