بطنك تحت المجهر

[قفص الحرية]

متابعة بصمت وننتظر فدوك
بس اتوقع فدك ماتدخل

[سر هدايتي أئمتي]

اقتباس: المشاركة الأصلية كتبت بواسطة ليث الديرة   مساكم أحلى مساء يالحبايب خيتو السحاب الأبيض .. مشكورة على اختياري (1) كم وجبه تآكل بـ اليوم ! في العادة 4 وجبات (فطور و غدا و عشا و ما بعد العشا :d) بس أحياناً تزيد و أحياناً تقل (2) وش وجبتك المفضله [آللي مآ تقدر تستغنى عنهآ ] أحلى وجبة عندي هي صالونة السمك بالذات إذا صار هامور يا ويلي ويلاااه و الوجبات البحرية بشكل عام (3) أنت من النـآس آللي يعصبوا إذا جآعوا لا .. و لا أحب هذي الناس بعد .. يحيبوا لي المغص (4) أول مآ تدخل السوبر مآركت أي قسـم تشوفه بطنك يوديك له بدون شعور ! في السوبر ماركت ما في غير قسم المخابز يسد الجوع معجنات مع دوناتة تحلية (5) هل صحيح مقولة [ الطريق إلى قلب الرجل معدته ] ! هذا أمر نسبي .. يعني الرجل أعزكم الله مو بهيمة همها علفها و فن الطبخ عند المرأة يعجب الرجال واجد و يعتبر من مكملات المرأة .. يعني المقولة صحيحة إذا بشرط ما يكون الطبخ وحده ميزة المرأة. (6) مآ رأيك في قول [ إذآ بغيت الحرمه ترضى عليك ودهآ لـ المطعم ] ! بعدني عزّابي نشوف بعدين مدى صحة هالمقولة (7) إذآ دخلت البيت و أنت جوعآن مره ومآ لقيت الأكل جآهز وش ردة فعلك ؟ واحد من اثنين .. أما أنتظر الأكل يجهز أو أروح أقرب مطعم (8) وش الأفضل عندك أكل البيت أو أكل المطعم ؟! طبعاً أكل البيت ,,لأن بيتنا يشبه المطاعم في التنويع (9) تحب تآكل لـ حآلك أو تآكل مع جمآعه مع ذكر السبب أحب آكل مع الجماعة تفتح النفس أكثر أحسها منافسة :d و فيها سوالف بعد غير إذا قعدت آكل بروحي >>حالي من حال السنانير (10) إذآ كنت من النآس آللي يحبون الكبسه أي نوع من الكبسه تحب؟! كبسة الدجاج .. أحلى من غيرها (11) لو كنت معزوم تحب تكون العزيمه مفطح ولآ بوفيه ؟ هلا بحبي ,, طبعاً المفطح لأن فيه لمّة و جماعة (12) أنت من النآس آللي تحب تآكل بين الوجبآت ؟! إذآ كآنت إجآبتك نعم وش تحب تآكل [ شوكلآتآت وَ لآ شيبسآت وَ لآ فوآكه] ! غالباً بين العشا و الغدا آكل أشياء حالية دونات أو فطاير أو كيك (13) إذآ كآنت شهيتك مسدوده عن الأكل من تختآر من الأعضآء يآكل معك عشآن تنفتح شهيتك كل الشباب (مجتبى الحسين و بلاقيود و وفاي و ميت غرام و الخيال و أجمل إحساس جازورا و المعلم و الخنفروش و خربوش) كلهم كلهم بدوون استثناء (14) وش الطبخه آللي تضبطها و ودك تعزمنآ عليهآ من العزبة تعلمت أسوي مكرونة الخضار و المندي اللي في الحفرة يعني أضبطكم تضبيط بس البارد عليكم . و أشكركمـ على هذا الموضوع الشهي اللذيذ موفقين يا رب

ماشاء الله عليك اخي ليث استمتعنا معاك لكن لي طلب واحد وهو طريقة المندي وفي طريقك بعد طريقة المكرونه اللي بالخضار

ننتظر عزيزتنا &فدك&

[thief]

و الله خوش موضوع خخخخخ

متابعين

[ليث الديرة]

اقتباس: المشاركة الأصلية كتبت بواسطة سر هدايتي أئمتي   ماشاء الله عليك اخي ليث استمتعنا معاك لكن لي طلب واحد وهو طريقة المندي وفي طريقك بعد طريقة المكرونه اللي بالخضار ننتظر عزيزتنا &فدك&

هلا أختي سر هدايتي أئمتي
حاضرين و من العين

المندي يلزمه تنور بدايةً..تحرقي فيه فحم أو خشب نظيف و يكون واجد يعني
و بعدين تنزلي قدر العيش و هو مبهر و مملح و مع معجون الطماط و الخضار
و تحطي الدجاج بعد ما تبهريه و تخربطيه في قصدير و تحكميه زين و تحطيه في الحفرة مع العيش و تغطي الحفرة
و تنتظري لين يجهز و تستمتعي بالطعم الرائع مع العائلة الصغيرة

و هذي معكرونة الخضار و الشوفان
المقادير:
بصلتين و 3 طماطم مع الخضار اللي تحبيها (كوسا جزر بطاطس فليفلة) ...إلخ
خمس ملاعق شوفان مكعب ماجي خضار ملح فلفل عبد و كاري
بالإضافة إلى كيس مكرونة

و الحين الطرقة
نحمص البصل لين يصير ذهبي غامض و بعدين نقطع عليه الخضار قطع صغيرة و نقلبهم شوي و بعدين تحطي ماي لنص القدر و تحطي الشوفان و تتركيه يغلي لين يصير نص مستوي
و بعدين تضيفي المكرونة و تضلي تحركيها عشان لا تتلزق ببعض

و خلاص

تحياتي
الشيف ليث

[نـور الدنيا]

* فدك * أتوقع في إجازه حاليا !


رحشوا أحد ثاني وننتظر فدوك لما تجي

[ليث الديرة]

طيب
بما ان الأخت فدك مو موجودة و الجمهور متحمس
نختار زهرتنا و إداريتنا العزيزة
( زهرة الحب )

[&فدك&]

ماحبكمـــ

الظاهر عفي عني وصارت زهرة الحب المتورط صح ؟

[طيف ابتسامة]

موضوع مرررة حلو

يالله فدوكة دام جيتي اسبقي زهورة

[قفص الحرية]

يلا الحين وحده تكتب
والثانية خيرها بغيرها
فدوكه نورتي المنتدى

[الخيال]

خوش موضوع
شهيتوني اكل

[&فدك&]

(1) كم وجبه تآكل بـ اليوم !

تحقيق هو لو بتعشوني على حسابكم ؟
أمممممممم مافي عدد محدد بس غالباً وجبة وحدة .

(2) وش وجبتك المفضله [آللي مآ تقدر تستغنى عنهآ ]
ولا وحدة كلهم أستغني عنهم .

(3) أنت من النـآس آللي يعصبوا إذا جآعوا ؟
أممممم أنا أعظم وحدة أقاوم الجوع
بس إذا وصل تحت المعدل المعقول أكل حتى الشئ إللى ماحبه .

(4) أول مآ تدخل السوبر مآركت أي قسـم تشوف بطنك يوديك له بدون شعور !
الثلاجة ( سفن آب + ديو )

(5) هل صحيح مقولة [ الطريق إلى قلب الرجل معدته ] !
لا أعتقد فالوصول لقلب الرجل له طرق عديدة وأسهلها معدته .!
بدينا الفلسفة

(6) مآ رأيك في قول [ إذآ بغيت الحرمه ترضى عليك ودهآ لـ المطعم ] !
إشاعات

(7) إذآ دخلت البيت و أنت جوعآن مره ومآ لقيت الأكل جآهز وش ردة فعلك ؟
أنام

(8) وش الأفضل عندك أكل البيت أو أكل المطعم ؟!
لكل واحد ميزاته / ولكن أكل البيت أفضل
ووقت الكسل أكل المطعم أسهل .

(9) تحب تآكل لـ حآلك أو تآكل مع جمآعه مع ذكر السبب ؟
شدخلكمــ ؟
مع الجماعة أكيد > تحس بحماس أكثر .

(10) إذآ كنت من النآس آللي يحبون الكبسه أي نوع من الكبسه تحب ؟!
المحموص .
ههههههههههههههههههههه .

(11) لو كنت معزوم/ تحب تكون العزيمه مفطح ولآ بوفيه ؟
بوفيه طبعاً /
مفطح لا بالله بدو صرنا .

(12) أنت من النآس آللي يحب ياكل بين الوجبآت ؟! إذآ كآنت إجآبتك نعم وش تحب تآكل

[ شوكلآتآت وَ لآ شيبسآت وَ لآ فوآكه ] !

كل يسألوا !!
لكن مابجاوب > كل إللى بين القوسين أحبهم .

(13) إذآ كآنت شهيتك مسدوده عن الأكل من تختآر من الاعضاء يآكل معك عشآن تنفتح شهيتك ؟
ماحد .

(14) وش الطبخه آللي تضبطها و ودك تعزمنا عليهآ ؟
أغلب الطبخات أضبطها الحلى والموالح والأرز
( ورق عنب ومحشي خضار ودجاجة محشية )

:

.

[&فدك&]

::



جاري البحث عن بطن .

[قفص الحرية]

اجوبتك حلوة وبانتظار بطن جديد على قولتك

[المعلم]

ما شاء الله ...

الموضوع حلو .. ويفتح النفس


متابع ...

[البتول الزهراء]

متابعين معاااااكم
يسلموااا على الموضوع