ياليت الزمن يرجع ونسترجع طفولتنا ..!!

[Angel Heart]

اقتباس: المشاركة الأصلية كتبت بواسطة خادمة أهل البيت (ع)   شوكغآ بعد قلبي ع آلآستضآفة عفواً غناتوه بسم آلله آحم ههههه موقف مضحك لا تنساه / تنسيه من أيام الطفولة ؟ ههههههههه والله مواقف وايد هذا اللي جى ببالي الحين اني طبعا من صغري وليومكم هذا ما اعرف اسبح يعني في البركة وكذا اخاااااااااف طبعا اطب يعني هههههههه بس زي البط كذا اتمشى في الماي وساعات انطنط بس .. وانزل اخر وحدة ههههههههههه عاااد ياكثر مانروح مزارع زين وطبعا ياحبي لي لمن اشووف وحدة يعني واقفة من بنات خالاتي مثلا تستعد تنزل ادفها واطيحها في الماي وايد اسووويها خخخ وبما ان اني اخاف وابقى للاخير يعني يمكن ما انزل الا بعد ربع نص ساعه او ساعه بعد يتعاونوا عليي كلهم ويطيحوني واني اموووت خلاص واقعد اصييح وش يسكتني ههههههههههههه ولا كله كوم والكوم الثاني لمما يقال لي ابغى انقذ نفسي واعفس اعفس اغافص ولما كنت اقلد على هآني اللي في دنيا القوووي تضكروه ئه .. اذا قال وااااااااي انتي حرام عليج احب التقليد للحين وبعت شسمه .. مرة كنت اتشابق ويا ولد خآلي زين .. وو كنا في بيتنآ يعني قليل الادب ببيتنآ ويشآبقني ههههههههه عاد بذيك الغرفة اللي كنا فيهآ من التحف الموجودة كان فيل زي المجسم يعني صغير شووي وكان ثقييييل بقوة جان ياخذه ويرميه في ويهي اااااااااااح وتقوم ليي رمانة في يبهتي ما انثاها والشماميخ والنآيبة ..<<هذا موقف محزن مو مضحك هههخخخخ أوصف/ي طفولتك بكلمة واحدة فقط ؟ 　شقآوهـ مبين عليش وللحين <<راحت فيها البنت هع موقف محزن حصل لك /ي بطفولتك ؟ وفآه آخوي آلله يرحمه الله يرحمة برحمتة شي تشوفه/ تشوفيه بسنك الحين ويذكرك بالطفولة ؟ وايد اشياء واللهي .. يعني اول شي اخوي اللي جى على راسي لان احسه ياخذ من حركاتي ولعانتي ههههههههههه <<الأعتراف بالحق فضيلة تعترفي أنش لعينة هههه و الحلاوات اللي كنت احبهم .. وو عندي بعض المزاكرت من لما كنا في ابتدائي يعني رسايل الحب للمعلمات وكذا وذي الاشياء هههههههههههههههههههه اذا كنت متزوج / ه وعندك عيال الله يحفظهم وشو الشي الا يسووه وتقول / ي اي مثلي لما كنت صغير /ه اسوي كذا ؟ وي وي مآبعد تزوزت .. لآشسمه قلت ليكم بالغين فيش عروسة يارب أكيد عندك شلة أصدقاء كنت /ي أنت /ي القائد لو لأ ؟مع ذكر موقف ؟ ههههههههههههههه لا مصيكينة ماكنت القائدة ولا شي على افادي من اهل الله صقيقتي التسلبة كانت الزعيم حقنا زين وتعرفوا حركات ابتدائي يعني لما اتشابق وياها النحيسة تخلي البنات كلهم يخاصموووني ولا يحاجوني هههههههههههههههههههههههههههههه حركات البنات ونعرفها هههههع 　 كيف أحساسك وانت /ي ترد /ي على الأسئلة وهل تتمنى /ي ترجع طفولتك ؟ يآآآآآآآهـ تمنيت لو يرجع يوم وآحد بس .. حنييييييت لذيك الايام وقسم ويلآهـ بث

هههههههههههههههههههههههههههههه هلكتيني ضحك خادمتوه
أمتعتينا بذكريات طفولتش الحلوة ودوم يارب أيامش حلوة ..
^
^
^
^
^
خيو علي الجمعان تفضل ..

[Angel Heart]

في واحد أسمه علي الجمعان مورطينه هنا وللحين ماجا
أذا شفتوه قولوا له ..

[*sweet girl*]

^
أرثلـــي له ع الخــآإص

[Angel Heart]

^
^
رثلت له بس ماجا ههههع
سويتوه ورطي أحد على ذوقش خيتو

[*sweet girl*]

^
خلآص نوورط بنوتــة الشميله

[أم فيصل]

يسلمووو على هل موضوع

لاكن مو كل واحد يتمنى الطفوله ترجع

[special]

اقتباس: المشاركة الأصلية كتبت بواسطة angel heart   في واحد أسمه علي الجمعان مورطينه هنا وللحين ماجا أذا شفتوه قولوا له ..

تم دعوته ..

[مناسبات للهدايا]

موضوع قمة في الجمال وذكريات الصغر وايام الشقاوة والبرائة

[علي الجمعان]

وينهو ذا اللي اسمه علي الجمعان

اتصلوا عليه قولوا له يجي

[بنوتة حزينة]

سويتهـ قلبي

أخـتارووني من قبل :)

جيبوا حد غيري

[طيف ابتسامة]

موضوع حلوووووووووووو

[علي الجمعان]

أحم أحم
يا الله
درب يا بنات

أولا شكرا على الاضافة اللي صار ليها شهر و أنا ما ادري عنها

هالمرة ارسلوا على الخاص خبروني

المهم
نبدا و نقول بسم الله

ويش هي الإسئلة صحيح


أوه بأنسخهم و برجع ليكم
خخخخخخخخخخخخ

[علي الجمعان]

أيه
حصلتهم في أول صفحة

موقف مضحك لا تنساه / تنسيه من أيام الطفولة ؟

أوه
واجد
أفلام هندية من كثرهم

** كان عندي ود عم الله يستر عليه ( نفس أسمي ) كنت أطلع معاه كل يوم
المهم داك اليوم قال يبغى يسوق سيارة عمي حقت البحر
هوندا رأس
عرفتوها




المهم
كان يأخذ سيم علاقة مال المغسلة و بازم شعر
و يحوس فيها و ينفتح بالسيم
و يشغلها بالبازم
و تشتغل
كيف ما ادري
المهم نجلس ندور بها حول بيت جدي طول الوقت و نرجع نوقفها في مكانها بالضبط لإننا مأشرين بالفحم وين كانت واقفة بالضبط
و نرجع كل يوم نفس الحزة و نفس الحركة لين صادونا

** زين الثاني ما ادكره بس فيه صور لي و الوالده الله يذكرها بالخير دائما تقوله ليي

كان فيه سنوة في بيت جدي
و كنت أنا أجننها لما كان عمري 5 سنوات
و فيه مرة عوجت ذنبتها بالقوة قامت و شمخت بطني و سوت فيه شوارع و طلع مني الدم
هههههههه
و بقت العلامة لمدة طويلة و الحين اختفت و لا ادري عنها

** طبعاً هذه غير سالفة العجل اللي اروح كل يوم و اسحب ذنبته و انحاش بعيد و اقول ما يوصل ليي لإنه مربوط بالحبال

** واجد
يبغى ليي 100 صفحة

لعبة تمنيت /ي تحصل /ي عليها وللأسف ما شروها لك ؟

الوالد ما يقصر عليي
كل اللي ابغاه يأخذه ليي
بس جننته على السلم الموسيقي اللي حتى في البحرين و الرياض صار يدور عنه

أوصف/ي طفولتك بكلمة واحدة فقط ؟

مغامرات　

موقف محزن حصل لك /ي بطفولتك ؟

أوه
واجد
أفلام هندية من كثرهم

** كان عندي ود عم الله يستر عليه ( نفس أسمي ) كنت أطلع معاه كل يوم
المهم داك اليوم عنده سيكل جديد أصلي ستيل مقاس 24 انش
و أنا جالس معاه على السكان و هو طاير بي مليون و تجي مطبة أو حفرة
ما يشوفوني الا طاير و على الأرض و ينكسر ضرسي و يدوس فوقي
و يجي الدم و أروح أرقض للبيت بصياحي للماما الحلوة

** طبعا غير سالفة الضو ( الحريقة ) اللي في المزارع
نحرق ضو و نجي ننطها زي الافلام الهندية
مرة بالسيكل و مرة ركيض

و كل مرة نكبر الضو اللي في المزرعة
لين آخر شي طبيت في نصها و أحترقت رجولي
و حت للبيت و أعرج و تأخذني الوالدة إلى مستوصف الربيعية

ههههههههه
ترى واجد
خلوهم مستورين

هل تغار/ي من أخوتك ؟

لا

هل انت /ي كثير /ة البكاء بطفولتك ؟

لا

شي تشوفه/ تشوفيه بسنك الحين ويذكرك بالطفولة ؟

شقاوة الاطفال
و شقاوة أولاد الفريق و أزعاجهم

اذا كنت متزوج / ه وعندك عيال الله يحفظهم وشو الشي الا يسووه وتقول / ي اي مثلي لما كنت صغير /ه اسوي كذا ؟

الشطانه

أكيد عندك شلة أصدقاء كنت /ي أنت /ي القائد لو لأ ؟مع ذكر موقف ؟
　
كنت ألعب مع اولاد عمي و اولاد عمتي كل يوم و لحقهم وين ما يروحوا

و كنت ألعب مع اولاد خالاتي يوم الخميس
بس الباقي عادي
لعب و شباق و كل يوم يتكرر نفس الشي
نهاية الدوام شبقة

مانوع الحلاوة المفضل لديك /ي ؟
كل شي قديم أحبه
طابوق
ربيان ابو السياير + مرحبا + نسمه + جحا
بسكوت ابو مربعات
عسكريم ابو هدية
الخ　

من أكثر واحد كنت /ي تتشابق /ي وياه ؟
أولاد عمي بشكل خاص
كل يوم نتشابق نهاية اللعب
ويوم ثاني اطق بابهم و اجلس وياهم و لا كانه صاير شي

كيف أحساسك وانت /ي ترد /ي على الأسئلة وهل تتمنى /ي ترجع طفولتك ؟

فقعت من الضحك على المواقف اللي جت على بالي
لو يعطوني المجال
أفضح كل أقاربي بشطانه الطفولة وياهم

بإختصار
كانت ايام جميلة
مغامرات - أكشن - مصارعة - شطانه - براءة - فضول - لقافة


وشكرا
طلعت فضايح مغبرة
هههههههههههههه

و عليكم الاختيار بعدي

[علي الجمعان]

صحيح
نسيت اقول ليكم

مع علي الجمعان مش حتقدر تغمض عينيك

[ماهرة آل حمود]

شقاوة مابعدها شقاوة
ايام الطفوله احلى ايام الحياة
استمتعنا كثيرا بحياة مشرفنا
مع علي الجمعان مش حتقدرتغمض عينيك

وننتظرعضو أخر لنستمتع معة بايام طفولته