ادخل وشوف ماراح تخسر

[جنة الزهراء]

يسلموووووووووووووووووو نجمه تاروت بس هالمرة صعبين واجد
خوص يعني الخوص حق النخل لو اني غلطانه سعف حق نخيل
الباقي مااعرفهمشداخه حقت فيران يمكن
الباقي صعبين

[نجمة تاروت]

هلا

ليمون 2 تحياتي لك

الخوص صحيح حقت النخل
شداخه صح مصيدة الفيران

جفتة لتيل ...؟ كلمة تقال في لعبة التيل فر التيله حول تيلتين للخصم ( وتكون تيلتي الخصم متقاربتين )

كونه ...؟ لعبة التيل بواسطة الشير ( عبارة عن شكل مربع حديدي) وتحفر حفرة صغيرة وترمى التيل فيه من بعد

ـــــــــــــــــــــــــــــــــــــــــــــ
كلمات قديمه :

بكري القدو ...؟

بكار ..؟

قيس الحل ( في لعبة التيل ) ؟

يالله رووونا الهمه

[باب العين]

السلام عليكم ورحمة الله وبركاته

أهلا بكم أيها الأعزاء والعزيزات .

واحد ترجم كلمة زبلان : ترجمة خاطئة

تصوروا أنا الحين في سوق الخميس أدور على ويش !
وصلت عند حجيات : حجية رحم الله والديش اعطيني زبيل -- يوه زبيل ! ويش تسوي فيه شافتني لا بس بنطرون حسبتني متمدن --- حجية انا امبى الزبيل اتضكر به الماضي التراث ، يوم كنت اللول اشتغل في الصرام في نخل ابو حسين العقيلي رحمه الله.

الزبيل وجمعه زبلان : يشبه القفة وهو من المصنوعات الخوصية .

نجمة تاروت : ما تدري وين الاقي حجي معتوق من خاتم - - لا تقول ليي ويش تمبى فيه ؟ أمباه ادا فيه شدة يجيب ليي حزمة ( أسل )

ما هو الأسل ؟

باركوا لام نجيم عرس أخوها - جاب ليها مرية تبكر قدوها .
يوه مو هادي كنها يسوها في المعاريس الأول ويش ضكر بها ؟ نجمة تاروت هو اللي حط السؤال .

تبكر القدو يعني تجدد ماه وتخليه متوازن لا هو ناقص ولا هو زايد .

[باب العين]

السلام عليكم من جديد أيها الأبناء والبنات

نجمة تاروت شاف باب العين في الطريق .

باب العين باب العين -- ها ويش تمبى مني عفر --- تلعب وياي دوام
باب العين - ألعب وياك بس بلتعمبب - ما عليه موافق نجمة تاروت قال .
زين الحين ويش نلعب وقف لو سوقوه .
والله بكيفك يا النجمة .

خلاص نلعب وقف
حط النجمة دوامته ، باب العين من زمان جاسي الدوامة - يوم رماها على الأرض انفل الجسو . ولا دامت دوامته .

ما معنى التعمبب - الجسو - وقف - سوقوه - ثم ليش انفل الجسو ويش يقولوا ؟

[خادم الزهراء]

سلام .........

طبعا كلامات قديمة انشاء الله ما ننساها

مشكور على الموضوع الحلو

[نجمة تاروت]

السلام عليكم ورحمة الله وبركاته

هلا وغلا نورتنا وأشوه إنك جيتنا مره ثانيه :) أنا فرحان
ما معنى التعمبب - الجسو - وقف - سوقوه - ثم ليش انفل الجسو ويش يقولوا ؟

التعمبب ... ضرب الدوامه بالعامود الصغير

الجسو ... هو خيط الدوامه

وقف و سوقوه ... نوع من أنواع لعبة الدوامه

والكلمه الاخيره والله ناسيها ... ذكرنا ابها يا باب العين ( لاتقطع انا انظرك مع كلماتك القديمه )

[ام مهدي]

أنفل الجسو: انفك الخيط

[باب العين]

حياكم الله يا اولاد الأجاويد

غرام مافهمت المسألة عدل :

ادا انفل الجسو : يعني برد الجسو

زين ما قلتوا لي ويش هو الأسل .

[نجمة تاروت]

حياك الله باب العين

فعلا ذكرت ( برد الجسو ) بس أي نوع ( الوقف لو السيكوه ) تنشلف فيها الدوامه ؟

الاسل .... حشائش للحيوانات ( لا تقول غلط )

[باب العين]

هلا وغلا بالجميع :

طبعا عزيزي نجمة تاروت ، السوقوه لأن كل دور تتعمبب فيه الدوامة ، لكن في دوامة يسموها طريح ، وهي كبش الفداء .

غناتي يا لنجمة : ما ظنيت ما تعرف الأسل ، بس أعطيك ومن يواصل معنا -- فرصة .

خلونا نروح لزريبة البقر ، وانتم بكرامة :

أم سعيد مسكينة تعبانة من الخدمة ليل ونهار ، نادت على بتها صبحوه

يا صباح -- صباح -- يصبحوه نحسوه

ها أماه ويش تمبي اماه هداني قاعدة اراجع فقه علينا اختبار بكرة .

ويش تراجعي فقر ؟ عسى العدو ان شا الله
يوه اماه أقول لش فقه ، تقولي فقر ؟

زين ما عليي منش الحين امباش تروحي الزريبة ، وتنفعي البقر ، تسوي ليهم فخارة ، وتحطيها ليهم في المطعم .

طبعن بنات الحين ما يعرفوا لهسوالف بالمرة .

ما هي الفخارة ، وما هو المطعم . وويشوا يعني تنفعهم

[نجمة تاروت]

هلا باب العين

أحارسك من زمان ما قلنا يالقديم

ما هي الفخارة ، وما هو المطعم . وويشوا يعني تنفعهم

الفخاره .... العومه ( الحشف والماء والخبز اليابس ويطبخوه

المطعم .... عبار عن جدع ومحفور في الوسط حوض ويحطو فيه الفخارة للبقر عشان ياكلوه

تنفعهم .... اتأكلهم

ها باب العين امباك اترد بسرعه

( رحت لابويي لمعامره وانا امشي نغزتني سلايه وقمت ابنقح )

ويش معنى : نغزتني ــــ سلايه ــــ ابنقح

[ام مهدي]

نغزتني:دخلت فيني_صوبتني
سلاية:شوك _شوكة
ابنقح:ابكي

:)

[نجمة تاروت]

مرحبه

غرام اشكرك على المشاركه ( راعيتها )

[ام مهدي]

مرحبا

لو سمحت حمود هذه 10 ريال اشتري لي بهم (طبع باز)

شنو يعني طبع باز

[زهرة الحب]

هلا

واجد 10 ريال الى طبع باز ريال بس يكفي

تحياتي