صــبآح / مســـآء ~ الــــــــورد ~
\\
طخ في بالي الرمــآن لكن بطريقة ثانية .. كيكة بالرمـآن
وخصوصاً لعشآّق الرمـــآن << واولهم اني
الكيكة خفيفة وطعمها خطــــير يمي يمي .. شوفوا
يالله نبدأ بدخول المطبخ بالصلآة على محمد وآل محمد
\\
{ المـقـــــآديــر ,.
الطبقة الأولى عبارة عن كيكه .. حبيت تكون خفيفة فإخترت كيكة الزبادي ومقاديرها كالتالي
1 كاس طحين
1 علبة زبادي
1 كاس سكر
نصف كاس زيت
3 بيضات
ملعقه بيكنج بودر
ملعقة فانيلا
بإمكانكم تستخدموا الكيك الجاهز
\
الطبقة الثانية :
1 علبة قشطة
1 دريم ويب
\
الطبقة الثالثة :
3 رمانات .. وبامكانكم تضيفون اكثر لأنها تصير احلى
\
الطبقة الأخيرة :
ثلاثة ارباع كاس ماء
ثلاثة ارباع كاس فيمتو
وملعقه ونصف نشا
\\
** نستخدم صينية بايركس كبيرة عشان تكفي المقادير والطبقات
{ الـطــــريـقـة .,
اول شي نخلط البيض مع الفانيليا في خلاط الكاس ثم السكر والزبادي والزيت ونخلط
نضيف الخليط على الطحين والبكنج بودر ونخلطهم بخلاط الكيك
\
نصب الخليط في الصينية وندخلها الفرن على درجة حرارة 350مْ
\
وهنا بعدما استوت الكيكة
نخليها تبرد في الثلاجة شوي
استغليت الوقت على ماتبرد الكيكة وبديت اشتغل في تفتيت حبات الرمان
* استخدمت 4 رمانات لأن الرمان اللي عندي صغير
\
قبل لا نطلع الكيكة من الثلآجة نعمل الطبقة الثانية ( القشطة + الدريم ويب )
تخلط مع بعضها بالخلاط لين تتكثف وتصير مثل الكريمه
وندهن وجه الكيكة بالخليط وبعدها ندخلها الثلاجة شوي
\
بعدما تتماسك طبقة القشطة نضيف طبقة الرمان
\
ونعمل الطبقة الأخيرة ( فيمتو + ماي + نشا ) توضع المقادير على النار ونحركها لين يثقل قوامها
\
ثم يصب فوق الرمان
ويدخل الثلاجه لين يتماسك
\
\
صورة جانبية تبين الطبقات
\
وآخـــر شـــي النتيجة ..
\
المفروض الطبقة الأخيرة تكون جامده شوي ,, لكن اني طلعتها من الثلاجة قبل لأن اللي عندي مافيهم صبر 
على طول هجوم بالملاعق
بالـهــنــــآ والـعـــــآفـــية ~
20-04-09, 11:15 AM
ζζ…ΨΏΨஇ كـيـكــة الــــرمـــآن’, الـبــآردة இ₯ ΨΏΨ…ζζ لعشآق الرمان .. من مطبخـي
العرض الشجري
المواضيع المتشابهه
