حوار من واقع التراث: حوار عن الكريكشون

الأم
ودوه قناة المملكة نشاهد صور شعبية
ولا قناة الإم بي سي فيها اغنية مصرية
الواحد لا منه فطر يبغى يرتاح شوية
ابنقضي الليلة مشاهده لاطلعه ولاجية
الجدة
الحين كلكم قاعدين الليلة تبغوا تشاهدوا
الدنيا بره قايمة الناس كلها يكركشوا
وين الحلاوة والسبال لا ويش ما بتقسموا
الليلة هذه الناصفة اثياب الجديده تلبسوا
لو نستوا هالعادة بعد وتدعوا بتقدموا
الجدة مع زوجة الولد
وانتين يا مرت الولد وشفيش هسه واقفة
الليلة هذه ابتطلعي والله ما عندش سالفة
انتين ما تدري عفر هدي الليلة الناصفة
لطفال داكم في الطريق اكركشوا مو شايفة
الليلة فضيلة وناصفة والناس تفرح بيها
للآسف هالجيل الجديد امصمم يخليها
لاويش ما نفرح بها لا ويش ما نحيها
اثياب الجديدة من عصر لازم انبرز ليها
والكيس اهم انخيطة هالغنوة انغيها
كريكشون حلاوة ناصفة ما أحلانا ننشد بيها
والحنا قبل الناصفة نتحنا أطرق أربعة
صروال ومشمر نشتري وياه ثوب وامقنعه
والأم تتعدل بعد كنها عروس وامسنعة
كل شي ايخص الناصفة من قبل قبلوه نطلعة
وأن ما حصل كيس عدل برد المخدة نشلعه

هذا هو المقطع الأول من قصيدة حوار عن الكركشون
انتظروا الجزء الفاني