في سنة من السنوات الماضية ويوم كانت تاروت لا زالت حية بمعالمها الأثرية والتراثية ، ونخيلها وسواقيها .
طلعت علينا فرقة شعبية هوايتها التمثيل ، ولو أنها بسيطة وتفتقر الى الكثير من الحداثة .
أبو مسامح هو زعيم هذه الفرقة الشعبية ، صمم على أن يمثل في تاروت حيث الآ ثار والنخيل والسواقي .
وصارت التمثيلية كالآتي وحسب ما أذكر .
أبو مسامح نادى على واحد ينقال له أجعيدان .
أبو مسامح : يا جعيدان ، اجعيدان -- ما سمع جعيدان كلام ابو مسامح -- ردد أبو مسامح يا جعيدانوه وثول -- وبعد ما سمع جعيدان مصارخ أبو مسامح ، قال سم يبو مسامح طال عمرك .
قال له ابو مسامح رح جيب لحمار من عند خضيّر راعي لحمار نبي نمثل .
جعيدان قال لبو مسامح : وش تمثيله يبو مسامح اللي على حمار الله يهداك !!
قال ابو مسامح قلت لك رح جيب لحمار عساهم يجيبو نعشك .
جعيدان مسكين : صار يتمتم -- زين زين أجيبه هذا والله النشبة اللي انشبناها ويا ها لشيبة الضالة ، بس ما قلت يبو مسامح وش بتمثل على لحمار وانت ما تعرف له .
أبو مسامح قال : نبي نوصل بضاعة على الحمار من الضفة الشرقية الى الضفة الغربية .
هه هه هه وش قلت يبو مسامح هو احنا بفلسطين ؟ هذا كلام اجعيدان .
حمق ابو مسامح في جعيدان وقال له : أي فلسطين واي لبنان الله يبلاك هو انت مصرگع -- بيك شي من لجنون !!
يا الخبل نبي نوصل بضاعة من شرگ الساگية الى غرب الساگية ، من ثم نركب بالبضاعة على تل الگلعة على شان نوصلها الى السوگ.
راح جعيدان وجاب لحمار وقال : هاك لحمار يبو مسامح وراونا شطارتك الحين وش بتسوي بلحمار !
الحين اراويك وشلون اسوي ، ونادى ابو مسامح على خصيّر راعي الحمار وقال له علمني شلون اركب على الحمار واطوف به من شرگ الساگية الى غربها على هذا اللي تسموه جسر وهو جدعين وچم لوح .
قال له خضير : تحط العدة على الحمار وبعدين تحط المراحل على ظهر الحمار وتخليهم مدلدلين .
ابو مسامح قاطع چلام خضير وقال له : مراحلي !
خضير فطس من الضحك وقال له : أي مراحلك چبايبك ! أنا أعني هدولا اللي نحط فيهم البضاعة .
أبو مسامح : چديه الشغلة !
خضير : ايه چديه عجل بعد ويش حسبالوك !
قال أبو مسامح : وبعدها وش نسوي ؟
قال له خضير : وبعدين تركب على العدة وتدلدل رجايلك .
قال ابومسامح وهو مستغرب ومستنكر : رح بس رح ، هو انا مجنون اگعد على العدة چديه ودش فيني سكروب !!
خضير رد يكركع من الضحك -- اي سكروب واي مسمار واي صبانة !
يبه العدة هذه اللي مفل السرج ، هذي اللي يگعدوا عليها .
فچ ابو مسامح بوزه زين ما دشت فيه بعوضة وقال : چديه السالفة !!
اكملها ليكم بعدين زين ؟
04-05-04, 02:21 PM
العرض الشجري
المواضيع المتشابهه
