** الجدوووبه** أو الجدبه**

[هاشميات]

السلام عليكم ..يمسيكم بالخير والعافية..

أني اليوم اشتهيت آكل جدبة فقلت لأبو الشباب جدب لينا النخلة عآآآآآد

قال النخله..المهم
جاب المنجس ( الفأس) والمنجل (العكفه) و بعد الموس ( الشفرة)

ويبدا الشغل الحامي ..
يتسلق الشاب أو الصبي منهم النخله إدا كان أرتفاعها متوسط..
أما إذا متغلغله فوق فأول شئ يتم ( تطييحها) فتضرب جذع النخله ضربات قوية بالمنجس

يركب المجدب ويقوم بتقطيع السعف إن كان يابس أو الخضر (الكربة)
حتى تظهر بداية الجدوبه وبعدين ينزع الليف من حولها ويقص حولها ويحركه بأيده ويشيلها..
تعريف الجدوبه أو الجدبه..
هو قلب النخله..وهي عبارة عن ألياف لها طعم لذيذ جداً..ولونها أبيض يميل إلى السكري..ومنها ينمو الطلع حتى يصير رطب
بعضها يكون على شكل شرايح (سلايس) ملتفه على بعض وبعضها يكون متماسك في كتله وحده والجزء الخشن يدعى (جشب) والناعم (جدب)

بنزل ليكم الصور...قريب