الفرق الواضح

[سحابة صيف]

لو قلت ابكتب لك قصيده بالفعل .احتار في نوع القوافي والجمل
صعبه اقول انك حبيبي واكتفي .وانت الي في عيوني نظرها وانت الكحل
ياليت انا القى لي من حبك رضا .وياليت لو اوصف جمالك ما ازل
خوفي ترى من لهفتي اوصف حلالك .واظلم وصوفك في كلام ما كمل
ان قلت ورده لا حشا ما تشبهك .الفرق واضح دام خدك ما ذبل
وان قلت قمر شفتك احلى .يكفي القمر من شوفتك غاب وافل
حتى اليالي لونها تغير علي .من شفت شعرك زاد في شعري الغزل
اصبحت اشك ان الحلاوه من شفاك .ما هي بعيده لو طلعت انت العسل
ان جيت عينك شفتها كل العيون .وان قمت انا ظرها تحسسني الخجل
اشلون اناظر نظرتك وانت النظر .ما تدري انك بالنظر تعطي الامل.