موضوع خطير
هذا الموضوع جدا مهم وخطير وياريت تقرونه كلكم وهو قاعد يصير للاسف في اغلبية المنتديات والجروبات
وهذا النص الي جاء بيه
بسم الله الرحمن الرحيم
السلام عليكم يا اخوان هذا الموضوع صار لي فتره طويله وانا افكر فيه والحمدلله رب العالمين هداني له .
اولا يا اخوان واخوات باحكي لكم عن اشياء تذهلكم اشياء تجننكم صارت في هذا الموقع وصارت في اغلب المواقع ( المنتديات خصوصاً )
تدرون ان المنتديات صارت افضل وسليه واسهل وسيله لصيد الفتيات ؟ ولما اقول كلمة فتيات اتمنى كل واحد يتذكر اخته وامه وبنت ، صارت المنتديات بصوره عامه وقليل منها اللي يستثنى من هذه الظاهره ، اصبحت مصيده قويه جدا للفتيات تكون اضرارها في النهايه وقوع البنت في المصيده وخياتنها لربها ودينها واهلها وتضيع شرفها .
حدثت قصص يشيب لها الرأس نساء متزوجات يبحثن عن الحب والمتعه تخون زوجها كيف ؟ فقط تتعرف على عضو وتكتمل قصة الحب اللي هي تبحث عنها ولكن تنسى ان القصه هذه فيها ضياع لها ولشرفها .
والكثير والكثير من القصص اللي صارت حتى صار الواحد يقول الكلمه هذه عن البنات " كلهن خائنات والشريفه منهن لم تسنح لها الفرصه " من كثر ما شاب شعر راسه من البلاوي اللي يشوفها .
طبعا البنت تجيك تفكر انها قويه وذكيه وماحد يقدر عليها الخ الخ الخ وتضحك على نفسها بكلمة اهلي واثقين فيني وانا عارفه نفسي وعارفه الاعيب الشباب وحركاته ، لكنها تنسى انها تصادف مخلوقات شريره تتفنن في اللعب بها والتسليه عليها . وفي النهايه تطيح الفاس في الرأس وينضحك عليها وهي المسكينه تركض ورى شي اسمه الحب ونست ان الشخص اللي قدامها لايمكن يفكر في انسانه مثلها تبيع نفسها بكلمتين .
ماني مطول عليكم في كلامي لكن حبيت فقط اني اذكركم بالشي هذا وبواقع المنتديات العربيه وليست الاسلاميه .
واذكر كل انسان وانسانه خان ربه انه بيجي يوم يصير فيهم نفس الشي .
وكما تدين تدان .
والزاني يزنى في اهله ولو بعد حين ( يعني لايجيني انسان ويقولي انا شديد واقدر واقدر واسوي ومحافظ على اهلي - احب اقوله مثل ما سويت في الناس الله بيردها ولا انت بتقدر توقف قدام امر ربك وفي النهايه بيوقف مكتوف اليد قدام هالموقف لانه بيتذكر اللي كان يسويه ويسكت )
ويكون في علمكم جميعاً وخاصة البنات باكتب لكم الطريقه المتبعه والاجراءات اللي تصير لما تقوم البنت بتسجيل في منتدى :
1- تسجل البنت في المنتدى .
2- ينتبه الاعضاء الذكور لتسجيلها .
3- يقومون براسلتها وتحيتها وعرض الخدمات عليها .
4- يتحرشون فيها وبمواضيعها
5- يضيفونها على الماسنجر
6- تبدأ قصص الغرام وكل واحد يحكي قصته للثاني .
7- تطيح الفاس في الراس ويصير كل واحد يقول للثاني حبيبي الخ الخ .
9- يأتي الموعد الثاني ويجلس معاها .
10- الموعد الثالث يخافو ان الناس تشوفهم تطلع معاه في سياراته .
11- الموعد الرابع ياخذها بيته او شقه و عشان ياخذون راحتهم في الكلام وهنا تصير الطامه .
12- يجحد البنت وخلاص يرفسها رفسة الكلب يخليها مرميه تصير مجنونه فيه ويدور غيرها واذا كان كريم بيوزعها على ربعه عشان يتسلون فيها .
هذا اللي يصير بكل بساطه خطوات قليله لاشباع اللذات والبحث عن حب محرم . وتدل على غباء البنات وسخافتهم .
والله العظيم والله العظيم والله العظيم وعلي لعنة الله ان كنت كاذب هذا هو اللي يصير دايما وفي اغلب المنتديات العربيه ، الحمدلله الذي عصمني من الخطاء والوقع في هذه الزلات ولكن رأيت اشياء كثيره حصلت ومازالت تحصل وماني قادر اسكت والله العظيم اني ما اقدر انا دائما افكر اللي اسمعه واشوفه والله العظيم 0
والله العظيم اني كل ماوصلني خبر عن بنت ضاعت اجلس مقهور واحاسب نفسي مليون مره واقول ليه اللي يصير ليه احنا نقلب كل شي جميل الى وكر دنئي للدعاره والمنكر ليه نغير مبادئنا ونخون ربنا ودينا .
ويكون في علم البنات جميعا اي شي يحصل لهم الشباب يتناقلوه بينهم يعني لاتفكر انها ساتره على نفسها . لانها وللاسف مفضوحه 100 % .
ونصيحه مني لاي فتاه اذا شفتي واحد معاكي على الماسنجر وتكلم معاكي في شي خاص بالاحاسيس والمشاعر اعرفي مليون بالميه انه ناوي عليكي نيه افلتي منه بقدر الامكان ولا تضيعي نفسك مثل غيرك والله العظيم انتبهي على نفسك وابعدي عن الشباب واضافتهم بالماسنجرات والله العظيم ابعدي والله العظيم ان شرهم اكثر من منفعتهم .هذي رساله للجميع والله الهادي الانسان في كل مكان يغار على دينه يخاف على بنات المنتدى كأنهم خواته والله يحميك ويجزيك على قد نيتك ان شاء الله00
ونحن مولون الى اهل بيتنا والى فاطمة الزهراء علينا ان نكون قدوه منها ومن بنتها الحوراء زينب00 وايضا ام البنين00
واتمنى من الشباب ايضا عدم العب باعصاب الفتيات والله حرام عليكم طبعاً موش الكل بل البعض00 وايضاً البنات موش الكل بل البعض00
وجاينكم يابنات ةويا شباب اليوم الى بتتاسفو على مافعلتم فيه 00
مادا راييكم كلامي صحيح او لا00
تحياتي لكم 00 واتمنى من الله ان يهدينا جميعا00
والسلام عليكم00
24-12-02, 11:22 AM
العرض المتطور
المواضيع المتشابهه
