مقابلة مع بزر %%%%

[سر هدايتي أئمتي]

مقابلهـ مع بزر


اليوم وانا افرفر بهالمنتديات
لقيت هالموضوع وعجبني مرررررره
واعجبتني ردود اعضاء المنتديات
ويارايت احصل تفاعل من اعضاء هالمنتدى الغالي
وياريت بعد مايكون مكرر


ندخـــــــل بالموضوع



الا ياطفل لا تكبر ..
كذا أجمل كذا أطهر..
كذا لاهم يتراكم..
كذا لا ضغط لا سكر..


×


نبي بها الموضوع نتكلم عن برائه الطفوله ومضمونها <-- الله من الفلسفه

بنختــار عضو / هـ ..

وبنخليه يسوي مقابله مع طفل ( أخوه.. ولد / بنت أخته.. ولد / بنت خالته .. ولد جيرانهم .. ولدعمته.. ولد ولد الجيران......الخ المهم أنه بزر )


ولا يزيد عمره عن
10 سنوات ..


وتسأله هالأسئلهـ وتجيب أجوبتهـ..
منها نعرف وش تفكيره..
ومنها نضحك على بزارٍينكم ..





الأسئلة :




1/ وش تسوي /ن إذا صرت /ي فاضي / هـ ؟

2 / لو فزت/ي بـ 1000ريال وش تسوي/ن فيها ؟

3 / وين ودك تسافر/ين في الاجازه؟

4 / لو صرت/ي مدير/ة مدرسة وش بتسوي/ن ؟

5 / تحبني يا........ ؟ طيب ليش؟؟

6 / وش تعرف/ين عن :

الزواج:
الحب:
الأنسولين :
الإنترنت :
مجلس الشورى :
الإتيكيت :
التعليم العالي :
الماركة :
الجوال :
الستلايت :




نبي نشوف الاجوبة بدون تعديل
أتمنى إن الفكرة أعجبتكم

واول عضو اختاره هو
7
7
7
7
7
7
7
7
7
7

مشرفتنا رمش الغروب

[MisS Lo0oL]

........................
يسلمووووووو موضوع حلو
ننتظر دورنا

[سر هدايتي أئمتي]

اقتباس: المشاركة الأصلية كتبت بواسطة عاشقة الليث  ........................ يسلمووووووو موضوع حلو ننتظر دورنا

الله يسلمك غناتي،،ودورك ان شاء الله قريب

[Zain Ali]

موضوع حلوو !!

ننتظر مشرفتنا

[سر هدايتي أئمتي]

اقتباس: المشاركة الأصلية كتبت بواسطة بنت العلي   موضوع حلوو !! ننتظر مشرفتنا

حلية أيامش خيتو ،،في انتظار مشرفتنا الفخامه

[Hurt Heart]

خوش موضوع ههههه

احسه حق ضحك بقوه

ننتظر رمشوه على ماتقعد خيشه نوم <<<الا مسكينه سهرانه على المنتدى تراقب الردود الله يعينش خيوه

[سر هدايتي أئمتي]

اقتباس: المشاركة الأصلية كتبت بواسطة hurt heart  خوش موضوع ههههه احسه حق ضحك بقوه ننتظر رمشوه على ماتقعد خيشه نوم <<<الا مسكينه سهرانه على المنتدى تراقب الردود الله يعينش خيوه

اي والله مع اجابات الجهال بيكون شي ،،مادري من وين بتطلع هالاجابات

ننتظر مشرفتنا رموش ،،نحن في انتظارك

[الخيال]

عدل عدل عدل
خوش موضوع

يسلمو
بانتظار الفخامة

[سر هدايتي أئمتي]

اقتباس: المشاركة الأصلية كتبت بواسطة الخيال  عدل عدل عدل خوش موضوع يسلمو بانتظار الفخامة

الله يسلمك اخوي الخيال ،،بس عاد وينها مشرفتنا شكلها مستحيه
الفخامة

[رمش الغروب]

كيف كذا وشو هالصدفة اليوم بس الخميس جى ولد أخوي وسويت وياه على قولته سبق صحفي فاتكم ..

يقول يبغى يصير مخترع ..

المهم تبغوا أسوي مقابلة وياه على عيني ورأسي صاحبة الموضوع خيتو سر هدايتي أئمتي تأمر أمر بس أصبروا أكلمه في التلفون وأكتب ليكم أجاباته وكل واحد يصلي على محمد وآل محمد قبل لايقرأ أجابات ولد أخوي ..

أنتظروني مع المخترع .. (مو مع بزر) ..

[سر هدايتي أئمتي]

اقتباس: المشاركة الأصلية كتبت بواسطة رمش الغروب   كيف كذا وشو هالصدفة اليوم بس الخميس جى ولد أخوي وسويت وياه على قولته سبق صحفي فاتكم .. يقول يبغى يصير مخترع .. المهم تبغوا أسوي مقابلة وياه على عيني ورأسي صاحبة الموضوع خيتو سر هدايتي أئمتي تأمر أمر بس أصبروا أكلمه في التلفون وأكتب ليكم أجاباته وكل واحد يصلي على محمد وآل محمد قبل لايقرأ أجابات ولد أخوي .. أنتظروني مع المخترع .. (مو مع بزر) ..

الله وناسه ،،مايامر عليش عدو ولا ظالم اختي رموش اني أموت في الجهال وخاصة الاذكياء ،ماتشوفوني كل صور جهال هم احباب الله ،ياالله اني باصلي على محمد وال محمد من الحين ووننتظر الاجابات على الاسئله

[رمش الغروب]

سلام..
الفخــــــــــامة حضرت مع ولد اخوها المخترع . فاليتفضل مصحوب بالصلاة على محمد وآل محمد.. ياسامعين ياكرام صلوا على البدر التمام..

التعريف به:

أسمه:علي وهو الحفيد الاول في العائلة..

عمره: ثمان سنين ونص

يدرس في الفصل الثاني أبتدائي في مدرسة التهذيب الأهلية..وقد أختير من قبل مدرسته لينضم في برنامج الأطفال الموهبين..

طموحه: أن يصبح مخترع يساعد البشرية بأختراعاته (هذا كلامه ترى مو كلامي فهو يتكلم اللغة العربية الفصحى بطلاقة)..

يالله نشوف أجاباته وللامانة أجاباته كما هي بدون تعديل.. أول ما أتصلت له قال لي أوه عمتو كل يوم تسوي لي سبق صحفي أنتِ.

اقتباس: المشاركة الأصلية كتبت بواسطة سر هدايتي أئمتي   الأسئلة : 1/ وش تسوي إذا صرت فاضي ؟ أشاهد التلفزيون على الجزيرة للاطفال - وألعب كمبيوتر-وأقرأ.. 2 / لو فزت بـ 1000ريال وش تسوي فيها ؟ أعطي شوي للفقراء-وأشتري 15 كمبيوتر علشان أوفر حاسب ألي للاطفال.. 3 / وين ودك تسافر في الاجازه؟ ما أبغى أسافر أبدا. 4 / لو صرت مدير مدرسة وش بتسوي ؟ 1- بمنع بيع أو أحضار جميع الأطعمة الدهنية للمدرسة من بيتزا أوربيان أو بيبسى او حلويات اللي فيها ألوان -يعني أي شيء مضر بصحة الطفل.. 2-تكون فترة حصة الصغار قليلة بس الكبار فترة حصتهم تكون ساعتين .. 3-يطلعوا الأطفال بدري يعني الساعة 12الا ربع .. 4- الالعاب مثل الجيم بوي ما احد يجيبها المدرسة الا في الرحلات والجوالات مايسخدمها الا اللي في فصل خامس وسادس ولازم تتسكر في الفصل بس بأمكانهم أنهم يشحنوها بس مايكلموا فيها ولا يسمعوا موسيقى لان الاستاذ بينشغل بالطالب اللي يسمع الموسيقى ومابيشرح الدرس . 5-نمنع الالعاب مثل المسدسات . 6-يفحص الطالب كل شهرين على جسمه كامل وخاصة النظر فيمكن يكون طالب عنده أختلال في النظر فهذا الفحص بيفيده.<<< هذة النقطة صراحة عجبتني .. 7-أن يكون الطلاب محترمين مع الأساتذة فمثلا مايسووا مدافع ورقية على الاستاذ وتجي في جبهته وعيونه وهو يشرح.. 8- يصير للطلاب فترات تدريب موسيقى. 9- عدم أحضار الكلاب أو القطط أو أي حيوان في المدرسة وإذا مافي أحد يقعد وي الحيوان مايجيبه المدرسة فهناك أماكن مخصصة لهم.>>> تفكيره أجنبي ولد أخوي ههههه 10-يلتزموا الاساتذة بأمساك عصا سوداء قوية تتكهرب من داخلها والطالب المشاغب يضرب بها ويتكهرب علشان يتأدب مايسوي شي خاطىء.. 11- كل معلم يكون عنده هوية يعني بطاقة يدخل فيها المدرسة مكتوب عليه أسمه وشو نوع عمله في المدرسة هل هو مدير او معلم علوم أو معلم رياضه أو أخصائي أجتماعي كذا يعني.. 5 / علي تحبني ؟ طيب ليش؟؟<<< هذا السؤال عصب فيه علي وجاوبني: وشو فايدة هذا السؤال ..قلت له هو يعني تبع الأسئلة حقت اللقاء عادي جاوب بكل صراحة أنت علي تحبني؟!! قال: أيه أنتِ عمتي كيف ما أحبش .. ولما سألته لويه تحبني ؟!! صارخ علي أنتِ عمتي صح .. (يعني ولد أخوي علي بصراحة مايحب يقولها إذا أحد سأله يحب يقولها بدون سؤال) 6 / وش تعرف عن : الزواج:المخطوب يلبس الخاتم في ايده اليمين والمتزوج في ايده اليسار وفي شرطين للزواج:1- الاخلاص 2- الايمان. وأن يكون الزوج إذا تزو ج متحاب يعنو مو في الخارج متحاب وفي داخل البيت يضرب زوجته .. يكون متحاب في كل شيء يحب الحيوان والناس وحتى الفيران..<<< ركزوا على هالنقطة يالمتزوجين حتى الفيران لازم تحبوهم وشروط الزواج أي واحد يبغى يتزوج يصير ثاقب الذكاء يعنو يكون اب للزوجته فمثلا لو أنكسرت المزهرية وهي راحت تخشها في خزانة الملابس وبعدين هو شافها لكن بعد ماتخلتطت الملابس بالماء الملون .............<<<< هنا سكت وأني أقول له أيه كمل علي وشو بعدين أتثاوب وقال أيه وين كنا أحنا وشو قلت أخر شيء قلته اللي وقف عنده قال ها ها ..(ما أدري وشو الرابط العجيب في هالقصة) وبدأ نقطة جديدة ايه واللي يصير من أشياء غريبة خارج البيت يجي يقولها في البيت الحب:الحب يدخل فيه الجمال والقيمة والمرتبة والايمان والاحسان والاسلام والاخلاق ..<<< جاب كتاب التوحيد كله الشيخ علي ويمكن بعد الحب مايحتاج الى جمال..يمكن يحب شيء قبيح فمثلا في شعوب اسمهم شعوب الماية يفكروا ان الدم عصير ..كل سنة يدورا ليهم بقرة متشوهة ويذبحوها غير اسلاميا بدون يعني لا إله إلا الله وإذا بيذبحوها لازم تتثبت بس تثبت يقطعوها جانبيا ..يعنو يحبوا يأكلوا القلب والامعاء ..أنتِ إذا قدموا لش أمعاء اوقلب تأكليه قلت له لا قال بالعكس لذيذ ..قام يضحك وقال امزح أيه نكمل وين وقفنا بعدين يقطعوا بعد قرون البقرة المتشوهة ويضعوها فوق رؤوسهم ..ما أدري بعدين وشو صار لان أنا شاهدت الى هنا لان حسيت ان الأمعاء تقززني.. الأنسولين : هذا السؤال أسمحوا لي سقط سهوا ما سألته الإنترنت :مجموعات من الالكترونيات التي يمكن للانسان او البشر من كل انحاء العالم يدخلوا عليها وفي واحد في العالم يتحكم في هذه الشبكة يعني يقول يغيروا الموقع . مجلس الشورى : هذا مكان يتسابق فيه الناس على قراءة القران علشان يقروه بشكل جيد مو معفن. الإتيكيت :التعامل مع الناس بطريقة لبقة وجميلة التعليم العالي : مابعد البقريونس( البكالوريس صار بقريونس عند المخترع علاوي) الماركة :رمز الشركة وجودتها الجوال : هاتف متنقل ..يعني انتِ عمتو ماتعرفي وشو الجوال(فشلتوني وياه) الستلايت : موديل جديد يعني أي شيء جديد يسموه كذا.

وبس زهق الصبي ومتى متى يسكر سماعة التلفون ..وحضرة فخامتنا تعبت ..

الله يعطي الفخـــامة وولد أخوها العافية والله يسعدنا..هههههه>> أدعي لروحي يعنو مايصير..

[قصه شهد]

هههههههههههه

عجبني عجااب هالموضوع\

فله بصراحه

عيني عليه بارده الفخامه علاوووي


وننتظر الاختيار الاخر

[سر هدايتي أئمتي]

اللهم صل على محمد وال محمد ،،عيني عليه بارده ماشاء الله تبارك الله ،،بصراحه ولد أخوش فله لو عندي ماتركته كل اهلكه بالاسئله يونس ماشاء الله عليه اقول يالفخامه بخريه لايحسدوه

بصراحه عجبتني اجوبته ،،كل جواب أحلى من الثاني بس عجبتني هالاجابه حتى الفيران لااله الا الله
ذكرهم

وأن يكون الزوج إذا تزو ج متحاب يعنو مو في الخارج متحاب وفي داخل البيت يضرب زوجته .. يكون متحاب في كل شيء يحب الحيوان والناس وحتى الفيران..<<< ركزوا على هالنقطة حتى الفيران

وشروط الزواج أي واحد يبغى يتزوج يصير ثاقب الذكاء يعنو يكون اب للزوجته فمثلا لو أنكسرت المزهرية وهي راحت تخشها في خزانة الملابس وبعدين هو شافها لكن بعد ماتخلتطت الملابس بالماء الملون

ماأخترتي يالفخامه عضو بعدك!!

[CoOL]

وي وي
.
ويش هـ المواضيع الكشخهـ دي
.
يسلموو كفيرأً
.
يالله متى يجي دوري عندنا بزارين واجد في البيت >> ياكثرهم بس