دعيدعة في عين معيط

[باب العين]

هدي السالفة حگيگية حصلت لبنية وياها أمها.

تعرفوا گبل ثلاثين أو خمسة وثلاثين سنة ، كيف كانت تاروت ، مسورة بالنخيل من كل الجهات ، وكانت الطرقات الترابية التي تربط بين النخيل والحارات مخيفة ، بسبب الكدران والمساگي ، وكذلك بعض الزرائب المتناثرة هنا وهناك. وخروج بعض الحيوانا مثل اسنانير والعواوي.

ومما يزيد الطين بلة هو عدم وجود الكهرباء ، فعندما يؤذن المغرب ، خلاص كل واحد بيته بيته. لأن الدنيا تصير خرمس ووحشة. وذا صادف وتأخرت بين النخيل الى المغرب فتحتاج أن تكون شجاعا وجسورا.

المهم : هذي البنية تگول في ليلة من ليالي الشتاء الحزينة ، وگضتها أمها من النوم ولا تدري كم الساعة كانت ، والسبب ان امها سألت رجلها ، أبو فلان : شوف الساعة - صار وكت ه ؟

الرجال كان غاط في النوم وگعد متدوده ، وطلع في ساعته الوستن اللي عگاربها يولعوا ، گال ليها أيه صار وكت وهدانا باگوم أصلي.

المرة لمت ليها غريظات مال السبوحة مثل الشملة والصابونة وطينة لخويلدي ، وجودت بتها الصغيرة وتوكلت على الله ، وراحوا عين معيط ،

وهدي العين في شمال جزيرة تاروت ، گاموا يهبعوا في وسط لنخيل وهي تتعتع بديك البنية على ما وصلوا العين،

وأول ما وصلوا الا هدي وحدة في العين تتسبح ، چالموها مرة مرتين فلانة فلانة ما حد يرد ، گالوا يمكن هدي الغتمة .

تگربوا من العين والا هدي الوحدة تچربخ في الماي والماي صار حار أحر من العادة.

بعد شوي جاهم عگر وبگر وگاموا يتنافضوا من شدة الخوف، وگالت المرة لبتها أقري قرآن من اللي تعلمتيه عند أمش العودة ، گامت لبنية تگرا من قصار السور وتخربط من الخوف ، بعد شوي گامت ديك المرة اللي ما شافوا مثلها أبد وعلى ما تدكر البنية - طبعا الحين هي مرة أم عيال --- ما فيها وجه وكأن وجهها مثل الفوطة ممسوح.

وبسبب قراءة القرآن كلمة ممنوعةگامت الجنية من العين وراحت عند كومة السعف والخوص وخترشت واختفت.

وبسرعة المرة سمتت بتها شطارة وردوا بيتهم ، ومن بعد يمكن ساعتين تالي أدن.

[المحبوب]

قصه حلوه بس يبي الينا مترجم

[باب العين]

هدا چيفه عاد ولد أخويي ، أول تگول سالفة حليوة ، بعدين تمبى مترجم؟

بس ما يخالف بعد ابويي لو سايلت عن الكلمات اللي ما تعرفهم نترجمهم.

حياك الله وعلى الرحب والسعة ، ونخدمكم في الأفراح ، وهذه أشهر كلها زواج .

[صلصائيل]

سلام على المؤمنين جميعا.



هدا چيفه هاده اللي داش لينا اهنيه وما يعرف چلامنا عجل لاويش داش.... هدا انت مفلاتك مفلات اللي يحط له اغاني افرنجيه ورافع حس الريدو على حده ومعوّر روس الناس وهو ما يفهم ويش يگول.


الحين انا باگول الك يا هالباب لغبر لايكون لبنية مرتك وتگعد في الليل اتهربد عليك وانت اتصدگها......

ايه چان بعد امسوي لك ديك لسميچات المگليه وديك لعيوشه اللي لا طبت في المعده غسلتها وعليها ديك لدهينه اللي ريحتها اتبطل الراس وعگبها سوت لك داك الچاي لمخدّر اللي مفلات دم الغزلان......


وتالي جابت لك بطولاتها ويا امها بتصدگها ولا عندك فيها بعد .



مشكور يا باب العين ..... بس وين ادعيدع لجسور ما انشوفه اهنيه.









أسال الله الهداية والثبات على الولاية

[نور الحوراء]

أدفع نص عمري وأعرف من وين أجيبو هالسوالف


مع محبتي :(

[باب العين]

گول ليهم يا خوك يا صلصائيل !!!!

صلصائيل جيت والله جابك ، بس خل عنك دعيدع لجسور الحين لأن ما بيجي خلاص .

والبنية هدي عدل هي مرتي ، ويش منت مصدگنها ؟

[صلصائيل]

سلام على المؤمنين جميعا


هادي ويش اتگول عفر اللي امسميه روحه رمضة رمل ما ادري ومضة امل ويش عرّفني انا الى هالأسامي مالت هالسنين....... تدفع ويشيه؟ نص عمرها؟ حتى العمر گاموا يگسموه بعد هالسنينه؟..


يا بتي يا ومضه لا اتبيعي لا نص عمرش ولا كله ...... انتين بس لو تتأني اشوي چان عرفتي كل شي....... الله يبقيش ويخليش ولا تزعلي علينا ترى مزحنا وياش وانتين حسبت بتنا الكبيره.



گايل لك يالباب ...... ادري مرتك ..... عجل منهيه اللي اتشلخ على واحد غير المره على رجلها واحنا انصدگ مساكين چان بعد اوليات ايام العرس چنا مصافعيه.... لو اتگول ابليس آمن صدگناها.


لا تزعل علينا ام عبد القادر ما فينا شده گول ليها ترى اخوش صلصائيل يمزح...ايه مو بعد اتروح اتعلم امها ما فيي شدّت السانها.







أسال الله الهداية والثبات على الولاية

[ليمونه]

والله اتونسوا حجاياكم وانا اقراها كانه ينكت عليي ماي بارد
موفقين اجمعين

[باب العين]

مشكورة واجد حجية ليمونة ، وعساه عمرش طويل , ياليت دايم تزورينا ، وتتونسي في مجالسنا التراثية.

يسعدني بعد لو تشاركينا ، من سوالف وقصص عن التراث.

[القرمبع]

بسم الله

نايصه ول ول ول عليك يباب العين والله ودي أصدگك لكن مانا گادر ...

گاعد اتگول انه ويه الينيه گصدي لدعيدعه ممسوحه ؟؟ يمكن دايسه ابريك في الرسته ونمسح ويها أو زالگه ابمگلى بسكم اجزم عاد خوفتون اليهال ابهاالسوالف انته ويا هادا اللي اسمه صلصائيل والله ان ما يزتون انته وياه لأجيب سوالفكم وأفضحكم .

أگول يباب العين ترى أجيب گصتك يوم تركب لبچيره وت..... على الريال . ... والله ابتليت بي بلوه في عمرك صدگني وراك وراك يصياد الحواسين في خور دارين ههههههههههه

الگرمبع

[باب العين]

گلت اول ما طب القرمبع ، ما يسويها الا هو دكتور لخم وولادة ، قرمبع عاد لا ومافيه ريش بعد ، وخرو عنه ياشباب ترى القرمبع مايجيب خبر شي يمشي ويصدم ، واياكم ولا تمشوا ورا قرمبع ولا توقفوا سيارتكم جنب قرمبع.

شوفتها بتكمل تراثية تاروت ، بس بعد نمباهم يطبوا البگية.

[القرمبع]

بسم الله

ويش يباب العين الضاهر يمبا ليي أشلعك من بتاتك وخليك مرمي في الرطوبه ..

أنا مافيي ريش ؟؟ أنا فيي ريش وهيش وميش واذا فيك شده جرب اتحرش وتشوف وصدگني لو باگي ربعي ايون چان انته وربعك تنحاشون من التراثيه .

( بسألك لاويش گبيت من بيتك لولي وخليت ربعك لاياخاين )

ما عليه ان ما فضحتك عند اليماعه بتشوف عيل


الگرمبع