الحقوووني النجددددة وزغة في غرفتي

[ورد الصباح]

كيف تقتل الفتيات الوزغ

سلام

موضوع مره مهم للبنات، الحين احنا في زمن لازم كل واحد يدافع عن نفسه ما ننتظر يجي احد يدافع عنا (اقصد احنا البنات) و(اقصد الي يدافعوا عنا الاولاد)، نخش في الموضوع او الطريقة او العملية او أي شي المهم نخش

لازم تكون البنت مجهزة العدة الي بتسوي فيها العملية أي تكون جاهزة للاستخدام في أي وقت زي الطوارئ الي في المستشفيات استثني المستشفيات الحكومية طبعاً، العدة مره سهلة وموجودة بكل بيت بصراحة يعني لا احد يتحجج اقصد لا وحدة تتحجج او تستهبل، المهم قائمة المحتويات او المكونات ترى مو طبخة او كيكة اوووووه المهم عاد القائمة
*شوي كلوركس حطيه في غرشة سهلة الفتح والقفل بس مو غرشة يفتحوها الجهال (بعيد عن متناول الجهال) زي الي مكتوب على اغراش الدوا
*فلاش( مو فلاش البطايق لو هالحركات) ترى داك موضوع ثاني اعرفكم يالبنات تحبوا هالسوالف، هذا ولد عم الكلوركس يستخدم في التنظيف بعد
*فليت وهذا أهم المكونات ولازم يكون فيه فليتين عشان اذا خلص واحد يكون فيه ثاني ترى بسرعة يخلص
*مسحوق آريل للاحتياط ولزوم اللمسات الأخيرة من العملية
المهم ندخل في الجد الي هي الطريقة وفتحوا مخكم عدل ترى مابعيد
الطريقة:
طبعا تحطوا كل المكونات في مكان تقدروا تاخذوهم منه بسرعة يعني ظاهر للعيان ركزوا على العيان يعني تحتها خطين
*اول ماتشوفوا وزغه بسرعه تقومي تأخذي لفليت وتركضي وراها تبخيه عليها ترى الوزغه سريعة فلازم تكوني سريعة اما البنت الي وزنها شوي يعني مليان بالفصحى دبه تسوي رياضة عشان تقدر تدافع عن روحها
*بعد ماتحسي ان حركة الوزغة بدت تثقل يعني هي داخت خلاص ويجي دور الكلوركس تكتيه عليها لا تتقززي من الالوان الي بتتصبغ بها الوزغة عادي عودي روحش
*اذا كتيتي كلوركس زيدي عليه بلفلاش عشان تموت طايحت الحظ لان خليط لكلوركس والفلاش مره خطير وانتبهي لروحش وانتي تسوي هدي الخطوة خصوصا ثيابش حاولي ما تلبسي حاجات زينة مره اذا حسيتي ان فيه وزغة في المكان الي انتي قاعدة فيه
*الخطوة الي قبل الأخيرة الآريل طبعاً الوزغة ماتت الحين فكيف بيبان المكان الي ماتت فيه من بعيد عشان ماحد يدوس عليها وهو مايدري
تقومي ترمي عليها مسحوق الآريل ومن بعيد بتنشاف
*الخطوة الأخيرة هذي عاد تشوفي احد من اخوانش الاولاد وتقولي اليهم يشيلوا الوزغة الميتة لان البنات مايطيقوا يشيلوها حساسات على قلبي
عموما الطريقة هذي علمية عشان الي مايطيقوا يشدخوا الوزغة بنعال لو خشبة او حتى حجرة ومافيه حاجات تقزز يمكن تطلع امعاء لو شي يعني ويعععععع
طبعا الطريقة هذي تنفع مع الوزغ حديثي الولادة و المراهقات اما الوزغ المتربي فصعبة شوي لانهم يخوفوا بصراحة ومايقدر عليهم الا لرجال ولهنود اذا شفتي الوزغ بالحجم الكبير لا تسوي شي فلحي عنها وقولي الى ابوش لو اخوش لو سواقكم ما يخالفوا
مو تفتكروا بيتنا فيه وزغ لالالالالالا ما عندنا ولاشي يمكن كم وحدة توهم والدينهم بس امهاتهم ما يسكنوا عندنا يمكن في بيت جيرانا ويرسلوا اولادهم بيتنا المصيف حقهم طايحين الحظ، بس حبيت اساعد بصراحة البنات كله يخافوا من الوزغ مايصير لازم ندافع عن روحنا لمتى نخاف من كلشي ماصارت بصراحة شكلي بديت ادخل في مواضيع جانبية
اتمنى ان الطريقة تنفعكم خصوصا انها راقية نوعا ما ومجربة

طبعاااا الموضوع منقووول

لكن طبعا هذالموقف حصل لي اليوم وبما ان الجو الجميل بدااا يهل علينا وموسم التكاثر بدأ حقهم صار معاي هالموقف

كنت نايمه وصحيت فجأة شغلت الليت لقيت ست الحسن بوجهي وش كبرها دشت من النافذة صرررررررررررخت وضربت في الارض لين عورتني رجولي >>>زي الجهال
وناديت اخوي عشان يقتلها لكن انخشت الحين مو عارفة اطلعهااااا

بغيت اعرف وش حلولكم يا بنات وياشباب لمثل هالمصيبة
تخيلوا انتي او نت نايم وتصحى فجأة تشوف قدامك وزغة

شموقفك وردة فعلك

[ساهر.]

موضووع مثيير

ربي يعطيكـ العاافيه

بنتظااار جديدك المميز

تحياااتي

سااهر

[ورد الصباح]

اقتباس: المشاركة الأصلية كتبت بواسطة ساهر.   موضووع مثيير ربي يعطيكـ العاافيه بنتظااار جديدك المميز تحياااتي سااهر

نورت الموضوع ساهر شكراا لمرورك العطر

[sweet Dream]

اوووه الوزغ الحين موااسم .. ماينفع وياهم الشبشب تطورة صارو يقتلوهم بالفليت وهالشغلات ..

لاكن اني ولا مرة قتلت وزغة من اشوفهم تزوووول جبدي

يعطيك العافية خيه علىالطريقة الحلوة

[ورد الصباح]

اقتباس: المشاركة الأصلية كتبت بواسطة sweet Dream  اوووه الوزغ الحين موااسم .. ماينفع وياهم الشبشب تطورة صارو يقتلوهم بالفليت وهالشغلات .. لاكن اني ولا مرة قتلت وزغة من اشوفهم تزوووول جبدي يعطيك العافية خيه علىالطريقة الحلوة

الفليت ما يجيب نتيجه اياهم الله يقرفهم

احنا يالبنات الناعمات ما نتحمل شوفتهم على طول نكششششششششششش من منظرهم اللي يلوع الجبد

لا ارك الله وزغه يا سويت دريم

[مناسبات للهدايا]

وزغه وزغه هههههههههههههههههههههههههههههههههههههههههههه

[ورد الصباح]

اقتباس: المشاركة الأصلية كتبت بواسطة مناسبات للهدايا  وزغه وزغه هههههههههههههههههههههههههههههههههههههههههههه

دامك ضحكت ومبسوط بكرة اول ما تفتح المحل بتشوف جم وحدة على الباب

ترى الشماته مو زينة

[بنت الدلع]

ههههه موضوع حلو مره
مششكورة ورد الصبآح يعطيك ربي ألف عآفية

[ورد الصباح]

اقتباس: المشاركة الأصلية كتبت بواسطة بنت الدلع  ههههه موضوع حلو مره مششكورة ورد الصبآح يعطيك ربي ألف عآفية

الله يعافييك خيتوووو ولا اراك الله وزغه طول حياتش

[سوسه البنوته]

ههههههههههه

[ورد الصباح]

اقتباس: المشاركة الأصلية كتبت بواسطة سوسه البنوته  ههههههههههه

دوم هالضحكة بس ياترى اذا شفتي الوزغه بتضحكي جديه

[أوركيد]

هههههههههه
أكيد كلنا بنسوي كدا إذا شفناها
بس خوش طريقة
يعطيش العافية على الموضوع الظريف ,,

[ورد الصباح]

اقتباس: المشاركة الأصلية كتبت بواسطة أوركيد   هههههههههه أكيد كلنا بنسوي كدا إذا شفناها بس خوش طريقة يعطيش العافية على الموضوع الظريف ,,

اوركيد

عيني بعينش
من صدق اذا شفتيها بتطبقي التعليمات لو بتنحاااشي


الله يعافيش غناتووو وشرفتي موضوعي

[ورد الصباح]

افيدونا بأرارئكم يا جماعه

عطونا مواقفكم مع هالفئة الباغية الخبيثة

هل عندكم حلول غير الحلول التقليدية (غير نعال ابو صبع)

ترى للحين الوزغة بحجرتي ما طلعت واني منبطة قههههههههههر وخوف بنفس الوقت

[ليث الديرة]

هههههههههـ .. اللي كاتبة الموضوع شكلها معاناة ايا الوزغ

بس من حقها .. أقبح مخلوق على وجه الأرض الوزغ .. بالذات بطنها الأبيض

أنا ما ليي آكشنات واجد اياهم .. بس يمكن قتلت 3 وزغات في حياتي

مع إني ما ألمسهم بس لما أقتلها أقرف حياتي .. لازم أسبح عشان أحس بالنظافة

اقتباس: المشاركة الأصلية كتبت بواسطة ورد الصباح   افيدونا بأرارئكم يا جماعه عطونا مواقفكم مع هالفئة الباغية الخبيثة هل عندكم حلول غير الحلول التقليدية (غير نعال ابو صبع) ترى للحين الوزغة بحجرتي ما طلعت واني منبطة قههههههههههر وخوف بنفس الوقت

و الله يَـ ختي أنجح سلاح لمكافحة الوزغ لحد الآن ( طبقة النعال )

يفشّخ بدنها و يطفّر عواينها

و شسمه .. إذا كانت الوزغة كبيرة و خبرة في الحياة ما ينفع اياها النعال

ما في إلّا تبخي غرشة فليت كاااملة في الغرفة و تسكريها لين تروح الريحة و الله المعين