ليش الشباب يتشرطو؟؟

[بنوتة]

كثيراً ما نسمع ونري مصاريف البنات اليوم .. وغلاء المهور .. والتكاليف الباهضة في الحفلات والاعراس ...؟؟
ولكـــــــن !!
وينكم ياشباب او حتي المجتمع . عن شروط الشباب المقبلين على الزواج والارتباط .. منهم من يطلب الزوجة فائقة الجمال والوصف ... وأهم الشروط موظفــــة ... ذات عائلة كبيرة ومرموقة ( اي من العوائل المعروفة في القطيف ) وان تكون جامعية .. غير الطول .. والعين .. السن ( صغيره ) الرشاقة والبدانه ..
وفي اي حال ستتغير هذه الشروط .....

هل الزواج بالمظاهر الخارجية والمال والعائلة ..؟؟
وهل هذه الشروط من صالح الطرفين ..وسلوك صحيح وواقعي ؟؟

الله يوفق الجميع

[ظل وقمر]

كثيراً ما نسمع ونري مصاريف البنات اليوم .. وغلاء المهور .. والتكاليف الباهضة في الحفلات والاعراس ...؟؟
ولكـــــــن !!
وينكم ياشباب او حتي المجتمع . عن شروط الشباب المقبلين على الزواج والارتباط .. منهم من يطلب الزوجة فائقة الجمال والوصف ... وأهم الشروط موظفــــة ... ذات عائلة كبيرة ومرموقة ( اي من العوائل المعروفة في القطيف ) وان تكون جامعية .. غير الطول .. والعين .. السن ( صغيره ) الرشاقة والبدانه ..
وفي اي حال ستتغير هذه الشروط .....

هل الزواج بالمظاهر الخارجية والمال والعائلة ..؟؟
وهل هذه الشروط من صالح الطرفين ..وسلوك صحيح وواقعي ؟؟

الله يوفق الجميع

1_ لان الشباب تعودوا شروط البنات واهلهن , فصاروا هم ايضاً يتشرطون .

2_ من حق الشاب اشتراط زوجه جميله , ولكن ليس بشرط ٍ مبالغ ُ فيه.

3_ ليس كل الشباب يطلبون موظفات الا اذا كانوا من ذوي الدخل المحدود اللذين يريدون زوجه تساعدهم على تكاليف الحياه وتشاطره المسؤليه . وهذا شئ لا ارى فيه بأس اذا كان تحت مسمى ( التعاون ) وليس الاتكال والاستغلال .

4_ اما طلب الشباب زوجات من عوائل مرموقه فهذا ( حق ) من حقوق الشباب زوجه من ذاب اصل ( ولا اقصد المرموقه هنا الغنيه . بل العروفين بكل الصفات الحميده ) وقول الامام علي خير دليل إذ قال (أخي عقيل اخطب لي امرأة من ذوي البيوت والحسب والنسب والشجاعة .

5_ اما بالنسبة للدراسه فهو رأي ُ ُ شخصي .

تقبلي مروري وشكرا ً على الموضوع .

[الجرح الحزين]

مشكوره على الموضوع المهم للنقاش من اجل الطرفين
لا تعليق

[ياسمين]

بالصراحه مو كل الشباب هيك بعضهم يهمم انها تكون البنت زينه وخلاص وحتى لو ماكانت جميله بس اهم شي عنده انها تكون وحده محترمه ومحافظة على نفسها والاخلاق تغطي على الجمال

[بنوتة]

يسلموو
ننتظر رد الباقي


دمتم سالمين
بنوتة

[نـور الدنيا]

مو كل الشباب يتشرطوا ولا كل البنات نفس الشي يشرطوا

يعني احيانا يجي لك الولد عادي ما يبغى شروط اهم شي الاخلاق

وساعات يجوا لك البنات نفسهم ما يبغوا الا ابيض وعيونه كذا وكذا

يعني مو نعمم عالكل لان اصابيع يدنا مو سوا


لي عوده مره اخرى ...

[بلاقيود]

قبل لا نسأل ليش الشباب يتشرطو ؟؟

نسأل وش اللي خلى الشباب يصيرو كذا ؟


بصراحة مواضيع القضايا الاجتماعية كلها مثل بعضها وحلها واحد ...



اذا تمسكنا بأهل البيت عليهم السلام واقتدينا فيهم في كل شي راح يتغير كل شي




يالله حسن الخاتمة

[حياة احلى]

بس تدروا ان الي يتشرطوا هم الي مايحصلوا الي يبغوه
يعني ويش صار لو طلب بنت مقبولة الشكل وبالنسبة للدراسة يمكن تكون شي مهم من حقه يطلبه عشان يكون في تقارب في التفكير مع ان موشرط نشوف ياما ناس يختاروا وحده دارسه او واحد دارس بس مايكون في تفاهم وينفصلو والعمر بعد مو عائق لاللرجل ولاللمرأة ....تقبلوا مداخلتي
يسلمو على الموضوع

[marhoom2000]

قصدج اختي الكريمة ليش مايتشرطو؟

مهر
شبكة
ضيفة
شقة
نفقة
قروض
ديون
سفر

كل ذا على ظهره وفي النهايه مايتشرط؟ عجل من الي يتشرط

الواحد زي مايعطي لازم ياخذ


======================================

بالنسبة الى فائقة الجمال - من حقة يختار وحده تجيب له اقمار
بالنسبة الى الحسب والنسب - اهمشي يكونو ناس اجاويد بغض النضر عن وش وضعهم الاجتماعي

بالنسبة الى - الوظيفة صحيح فيه ناس ياخذو موظفات بس مو كل اخذ موظفة ارتاح وياها يا تتساعد وياه في هالحياه او مايشوف منها فلس حمر .

[*مسحة طبية*]

اقتباس: المشاركة الأصلية كتبت بواسطة حياة احلى  بس تدروا ان الي يتشرطوا هم الي مايحصلوا الي يبغوه يعني ويش صار لو طلب بنت مقبولة الشكل وبالنسبة للدراسة يمكن تكون شي مهم من حقه يطلبه عشان يكون في تقارب في التفكير مع ان موشرط نشوف ياما ناس يختاروا وحده دارسه او واحد دارس بس مايكون في تفاهم وينفصلو والعمر بعد مو عائق لاللرجل ولاللمرأة ....تقبلوا مداخلتي يسلمو على الموضوع

كلامك صحيح من الطرفين اللي يتشرط بشكل مبالغ ما يحصل اللي يبغاه يعني لا افراط ولا تفريط

يسلموووو على الموضوع

وتقبلوا مروري

[قفص الحرية]

حلوة ذي انه يتشرط تعالي ابيها بيضه طولها كذا وزنها كذا
ابيها متخرجه من جامعه كذا ابيها دكتورة او معلمة المهم تشتغل وتستلم راتب يعني مايبغاها يبي راتبها
ابغى بنت ابوها يشتغل كذا
ابغى بنت ماتتشرط ليش انت حاط كل هالشروط وهي ماتبيها تتشرط
والله الرجال مو طبيعين
وخاصة الشروط

[شمعة حسينية]

واللة انا مااشوف مشكلة في الشروط بس تكون شروط معقولة
من حقة يختار شريكة حياتة
وسلامتكم

[هناء المغربي]

من حقه أن يشترط الا أنه يجب أن تكون الشروط معقولة و هو يكون خوش واحد مو و احد حتى ماكمل دراسته
و يتشرط ..

و يسلمو

[بنوتة]

يسلموو على مروركم
بس خلية يتشرط با المعقول ^_*

[السامر]

مشكورة بنوته على الموضوع الطيب
الشروط تكون في شي المعقول غير المبالغ فيه الله يوفق الجميع