طرق التخلص من الملل عند البنات

[FloWeR wOrLd]

السلام عليكم ورحمة الله وبركاته

هاذي بعض الطرق اللي تخليج تتخلصين من الملل وخصوصا هالايام ::

1- امسكي التلفون وكلمي ربيعتج من زمااان ماكلمتيها..واسترجعوا ذكرياتكم مع بعض اول..منها راح تمشين وقتج ومنها راح تجددون علاقتكم ومنها تشغلين التلفون 12 ساعة

2- اطلعي الحوي ولا السطح وافرشيلج فرشة وانسدحي على ظهرج وتآملي النجوم واسترخيييي وتاملي؟!؟!؟

3-قصي اطراف شعرج..كل مازهقتي روحي عند المراية وقصي الاطراف(بس شوي شوي منها) ..اراهن انكم بتصلعون على هالحالة

4-امسكوا المسجل..ودوروا فيه بالبيت وسجلوا اصوات العائلة وهم يسولفون وسجلوا صوت شخير الوالد وسجلوا صوت الهواش وكل شيء..

5-روحوا الجمعيه وامسكوا العربانة ودوروا فيها ودعموا بخلق الله وقولوا اووه آسفة مادريت

6-امسكي ريموت كونترول واحذفي كل القنوات من الرسيفر ورجعي حطيهم من جديد (هذا ويهي ان رجعتي منهم شي

7-تحدوا انفسكم تقعدون نص ساعة كاملة بدون ماتتكلمون مع اي احد او تفتحون حلجكم..نص ساعة طبعا بوجود الجميع (مااحد يروم يسويها)

9-سوي عصير برتقال واشربيه

10- غيرى مكان اثاث دارج

11-اقروا مجلة اطفال (ميكي وماجد)

12-البسي ثياب الوالد كندورة وغترة وزيغو اهلكم !!

13- اخذيلج شور وقعدى ساعتين بالحمام >> اذا ما طلعتى تدورين الشبرية هذا ويهى

15-نظفوا ماسنجركم...سووا ديليت للناس اللي من زمان مادخلوا..وبلوك للناس الثقيلين الدم

16-روحوا مواقع بطاقات وكاردات وارسلوا لربيعاتكم ودزولي أنا بعد .

17-ألفي مسجات نقال ونكات ماسنجر..خذي مجلات سيدتي أو مجلة عالم السيارات وتعلمي كيف أتقحصين بالبراحة الي يم بيتكم وهالله هالله بالخمسات ودرب الحيه ( ادري بس الشباب راح يفهمون ) لووول..

18-ادخلي غرفتج وحطي فل ميكأب(مكياج كامل) كأنج رايحة عرس ومدمره ويهج تدمر وصوري نفسج..حركة صح

19-امسكي دفتر تلوين اطفال ويلسي لوني ...هههه

20-اذا زهقتي افتحي كبت ثيابج ويلسي قيسي ثيابج واحد ورا الثاني< يمكن يأذن الصبح ماخلصتي من كثرهم

21-روحي المطبخ سوي كيكة (هذا ويهي اذا احد اكلها)

22-سوي ايميل يديد ويلسي العبي على اللي تعرفينهم ..

23-تعلمي لغة فرنسية هذا إذا انتي تعرفين أنجليزي .. مثلا كلمات معينة فرنسية واقعدوا اكشخوا فيهم وتفلسفوا فيهم

24-اركبي السيارة وهي موقفة داخل البيت وكأنك تسوقين

25- صعدي ونزلي السلم عشرين مرة .. منها تتمشين ومنها تسوين ريجيم< ذبحتكم اليلسة والفراغة

26-يلسي على الكومبيوتر وحوطي على المواقع مثل العادة

27-طلعي الحوي..وصيديلج حشرة لطيفة (صرصور مثلا ) وحطيها بعلبة ويلسي راقبيها..بس لا تخلينها وقت طويل عشان ماتتعذب <والله من العطف عندكم يالبنات

28-إخذي مجلات قديمة ويلسي قصقصي صور ولزقيها بكتالوج (بتطلع المواااااهب)

29-طلعوا حويكم..ولعبي كرة..و************ري ليتات البيت

30-قولي للهندية سوي غدا قوزي وبعدين قوليلها ماتشتهين تاكلين..

الظاهر بعد هالنصايح راح تدعون علي
وأهلكم يشتغلون عليكم بالب************ات والعقل
وبجذا يكون الملل خاز عنكم بأذن الله





م
ن
ق
و
ل

[شموع الامل]

[ملكة النحل]

صج أفكار حلوووووووووووووة وتزيد الملل قصدي تقلل منه.....


يسلموووووووووووووو...

[تاروتية]

بسم الله الرحمن الرحيم

ماشاء الله

خوش افكار

هههههههه

تسلمي

[صرخات الإشتياق]

ههههههههههههههه
يسلمو خيو


يبغى لينا نجربهم( بس كيفه عفر صبيان احنا)

اخووكم صرخات الاشتياق

[سوسو السيهاتيه]

افكار حلوة والله

[زهرة الحياة]

افكااااااااااااااار حلووووووووووه يبي لنا نسويهااا
تبلو مروري

[أنوار الأمل]

أفكار حلييييييييوة..
ضحكتني مووووووت..
تسلمي خييييوه..

[أحلى وردة]

12-البسي ثياب الوالد كندورة وغترة وزيغو اهلكم !!


حلوة ذي هههههههه


مشكووووووووووووووووووورة

[هناء المغربي]

حلووووووووووووووووووووة

[الريشه]

حلوه بس اتوقع انها اتزيد الملل ازياده