امثال نحتاجها

[أوراق خريفية]

بسم الله الرحمن الرحيم

امثال خليجيه :
· · أبو طبيع ما يجوز من طبعه
· · إذا بغيت صاحبك دوم حاسبه كل يوم
· · إذا حبتك عيني ما ضامك الدهر
· · إذا صار رفيجك حلو لا تاكله كله
· · إذا طاح الجمل كثرت سكاكينه
· · إذا طبع دوس على تريجه
· · إسأل مجرب ولا تسأل طبيب
· · إش حادك يا مسمار ؟ قال المطرقه
· · إصرف ما في الجيب يأتيك ما في الغيب
· · أضبط من ساعة الملا
· · اقبض من دبش
· · أقضب مجنونك لا يجيك أجن منه
· · إكل اللي يعجبك وإلبس اللي يعجب الناس
· · إما طلعه ولا طبعه
· · إنطر يا حمار لما يجيك الربيع
· · إنفخ يا شريم قال ماكو برطم
· · الباب اللي يجيك منه الريح سده وإستريح
· · بات مظلوم ولا تبات ظالم
· · بغاها طرب صارت نشب
· · بغى يكحلها عماها
· · تجيك التهايم وإنت نايم
· · ثوب أطول منك يعتك
· · جارك ثم دارك
· · حاميها حراميها
· · خبز خبزتيه يا الرفله إكليه
· · دابة الله بأرض الله
· · شبعونا طراقات وشبعناهم شتايم
· · طارت الطيور بأرزاقها
· · عومه مأكوله ومذمومه
· · فال الله ولا فالك
· · قراقيع صيف
· · كثر الدق يفك اللحام
· · اللي بالجدر يطلعه الملاس
· · اللي ما يستحي منك لا تستحي منه
· · اللي ما يطول العنب يقول حامض
· · اللي ما يطيع يضيع
· · اللي ما يعرف الصقر يشويه
· · اللي ماله أول ماله تالي
· · اللي مو على دينك ما يعينك
· · اللي هذا أوله ينعاف تاليه
· · اللي يجي من الله حياه الله
· · ما تعينك إلا يمينك
· · مخروش طاح بكروش
· · نصيبك يصيبك
· · الوجه من الوجه أبيض
· يمدح السوق من ربح فيه

اختكم مرافئ البحر

[الخنفروش]

مشكورين مرفئ البحر

الامثال كلها حلوه

ولكن هذا عجبني

إذا بغيت صاحبك دوم حاسبه كل يوم

[أوراق خريفية]

شكرا اخي الخنفروش والظاهر انك منصاد من اصدقائك على العموم لسه في ناس يستخدموا الامثال حتى في وقتنا هذا بس الغريب ليش توقفت مافي امثال جديدة

[الأمـل المجرووح]

يسلموو .. كلهم حلووين
عجبني هداا
7
7
بات مظلوم ولا تبات ظالم
تحياتي

[أوراق خريفية]

شكرا اختي امل المحروم على مرورك الجميل دمتي سالمه كلا يختار مثل ينطبق على موقف شمله وان شاء الله ماتكوني مظلومة من احد ابدا خيوووو

[الأمـل المجرووح]

اقتباس: المشاركة الأصلية كتبت بواسطة مرافئ البحر   اختي امل المحروم

الامل المجرووح

[Dr. so0os]

مشكوووووووووووووووره


وبصراحه احنا لازم نتعلم امثال اهل الاول لانها بتفيدنا وحليوه بعد وزي ماقلتي الي ماله اول ماله تالي


وتقبل تحياتي اختك soso

[بنت القرآن]

مشكوور أخوي

[نور اليقين]

السلام ..


هههههههه عجبوني الامثال ..
عن جد الاول احسن من الحين ...

شبعونا طراقات وشبعناهم شتايم

هههههههههه ضحكنا هالمثل
اول مرة اسمعه..



مشكورة اختى ..
تسلمي ..

[سيدة الأحلام]

مرافئ البحر


نورة التراثي بأمثالك
التي لا يستغني عنها من يصادف الموقف التي تُقال فيه

ننتظر جديدك القديم



تحياتي التراثية
سيدة الأحلام
منتدى تاروت الثقافي

[المحتار]

عليش امفال يا مرافئ البحر غير شكل ومشكووره شحنه على هالامفال الزينه

يقول المفل حقيقه وربكم:

مية عمار ما قدروا على هدام واحد