ايتها هالنساء كلمة راس ><"

[ام عباس وزينب]

السلام عليكم ورحمة الله وبركاته
تحيه عطره من القلب للقلب لاخواتي الغاليات
اليوم موضوعي عن شي اسمه( وحمة الماركه)




السبب في الطرح اهمال الجانب الانساني من قبلنا لاخوتنا المحتاجين وراح احط لكم الصور ونحكم بقلب مؤمن معا



هذي الشنطه قيمتها 6600 ريال والي مو مصدق مستعده اعطيه اسم المتجر ويشوف بعيونه


هذا الحذاء اعزكم الله ب750 ريال لو بريال ماشريته ماعلينا


غير السكارفات والاوشحه الي ابو ريال محل امبارك بالدمام يبيعها وعليها طبعات ماركه وتلاقي الاخت تبيعها بالطلب من الانترنت الواحد ب 50 ريال يعني قيمة كم كرتون وكم درزن شحنه كامله

ولما كنت بشتري لابو عباس هديه بذكرا خطوبتنا كانت من بين الافكار محفظه ماركه قلت اوكي اذا مابتتغير لانه كل مااخذت له تعيش عنده بس 3 اشهر وتموت المهم شفت احد يبيعهم ب 150 و 200 ريال قلت فدوه لعيونه ماعليه اهم شي ماتتغير وقررت اطلب وبنفس اليوم رحت سوق السبت الا الاقي الي واحد يبيعهم ب 45 ريال والله انصدمت هذي ماركه والله ام 25 الي اشتريها احسن منها



وتسلسلت الماركه للبيوت حتى كادت ان تخربها وشهدت قصه بنفسي باحد المجمعات خلي اذكر هالمره اسماء حتى السامع يستفيد

جلسنا بعد صلاة العشا بره نستنى لين يفتحو بمجمع الحياه بلازا طبعا المجمع لايبيع ماركه ولاهم يحزنون ومافي مكن الا محل العيسائي والي شخصيا امدح فيه لانه اسعاره تقريبا مناسبه وماتتغير القطعه الي اشتريها على العموم
جلس جنبنا رجال مع زوجته وكان يكلم عمه بالتلفون وسمعنا هذه القصه
والله يعمي مو عاجبها شي
وانا عن نفسي ماباخد شي لي للعيد بس ابي افرحها وجاي ب 500 ريال ماعندي غيرها بس قلت بشتري لها الي نفسها فيه
وهي مصره تروح مارينا مول
وانا ماعجبتني الملابس اهناك ابدا ولااقدر على قيمتها والبضائع هنا احلى ومو راضيه تشتري

طلع ابو عباس في وقال

امبين من لبسهم انهم منتفين
قلت له يمكن عندها احد بعائلتها كده تبا تلبس مثله لايعيب عليها
ومسح على راسي ابو عباس وقال حلاوة القمر الي عندي اذا القطعه ب50 ريال تنفجع وتهد المحل هههههههههه


بعد هالقصه وهالهدره

فكرنا للحظه قبل لانشتري بلوزه ب 600 ريال انه هالمبلغ جارتنا محتاجته حتى تلبس اولادها كلهم
فكرنا قبل لانشتري حذاء اعزكم الله بهذه القيمه لاجل اتباهى فيه واتفخفخ
انه فلانه من عائلتي محتاجته تشتري احذيه لو من ابو 15 لاولادها للمدرسه

عن جد احس الدنيا بدأت تتحول الى طبقتين مخمليه ومعدمه
والسبب جهل الغني بحال الفقير وتبذيره للاموال بلا حساب

والسبب وحمة ماركه

والقهر لما دلعت نفسي مره وقلبي يعورني شريت لي قطعه من الماركات وبسرعه اختربت عورني بطني واني انف بها الارض سويتها بيز هذا قدر الفلوس والفخفخه

لي عوده حتى اقول لكم ماهي حقيقة الماركات ومن يصنعها

[ام عباس وزينب]

الموضوع منقول لكنه مهم ان تقرئيه
الموضوع طويل بس يستاهل انكم تقروه


أول شي حابة أقولكم اني مانزلت الموضوع من عبث
واللي خلاني أكتبه وبكل ثقة هو اطلاعي التام ع الموضوع من كل النواحي وبأدق التفاصيل
خالي له باع طويل بالتجارة بالخليج عموما بوجه من الوجوه الخاصة بالتجارة يعني مو شرط انه هو يتجاروان كان له نصيب من ذلك
وبحكم انه اخطبوط بهذا المجال ولكن تنقصه الخبرة النسائية ولاني بنت اخته عاطلة بمرتبة شرف اولى ولاني زيي زي كل البنات اعشق التسوق
عرض علي اني اشتغل معاه براتب شهري
وهنا بدت رحلة كشف الاسرار واللي راح أطلعكم عليها بعد ماأخذت الاذن منه طبعا


وراح أعرضها لكم على شكل نقاط


أولا:العطور بفيسز وقزاز وغيرهم من المحلات التجارية اللي لهم اسمهم العريق
كلهم تعبئة دبي
الشركة الأم للعطور تبيعهم تركيبة العطر فقط وزجاجة العطر فارغة
مثلا:عطر ستيلا
الشركة تبيع كرتين وكراتين من الزجاجات الفارغة للمحلات وبثمن زهيييييييييد
وتوصل لدبي ويتم تعبئتها هناك بالتركيبة الخاصة بالعطر
طيب اش هي تركيبة العطر
هذي ياحبايبي تولة صغيييييييييييرة فيهاخلاصة العطر يعني لوتشميها تتصرعي من الريحة وسعر التولة 50 ريال فقط لاغير
ويكون عندهم جوالين كميات كبيرة كحول
طبعا سعر جالون الكحول 2 لتر بسعر35ريال
ويبدأو بتعبة الزجاجات الفارغة نقطة أو نقطتين من التولة مع تعبئة الباقي كحول وصااااااار عطر
بس فين الاختلاف؟؟؟
الاختلاف في التركيز اللي يختلف من محل للثاني
وتلاقيه مكتوب بأسفل الزجاجة
والتركيز يعتمد ع كمية العطر المضاف من التولة فقط لاااااااغير



وهذي الطريقة المعتمدة عند التاجرات اللي يبيعوا عطورات فرنسية وتلاقيها نفس الريحة الأصلية بالضبط
وانتي تختاري التركيز اللي يناسبك
بس اش الفرق انهم هم يبيعوكي العطر بزجاجة عادية حتى اسم العطر مو مكتوب عليها
وسعرها عندهم يكون 40 ريال
طبعا جالون الكحول وتولة العطر يعملكم عشرااااااااات زجاجات العطر يعني يابلاش
لي صديقة مدمنة اسكادا
اشترت جالون وتولة بتكلفة80ريال
وصارت تركب عطرها بنفسهاوبالتركيز اللي هي تحبه
جربواشتري أي عطر من برى وشوفو الفرق بالريحة
واللي جربو واشتروا من قبل من برا أكييييييييد يعرفو الفرق كويس



ثانيا:أيام الجامعة كانت عندي صديقة تلبس بلايز ماركات برومود وكمايو ومن هذي المحلات وتحلف بالله انها أسعارها أغلى وحدة
على 9 ريال
أنا كنت أقولها لااااااااااتبالغي وهي تحلف بالله لاوكمان كانت تلبسها قبل لاتنزل عندنا بأسواقنا بثلاثة شهور
وكانت تقول ان أخوها وزوجته دايم يسافرو بنجلادش ويجيبوها لها من هناك
وفعلا لو تلاحظوا انهم أغلب المحلات مصانعهم ببنجلادش وبعضهم تلاقي مكتوب عليها صنع في بنغلادش
واللي عندها قطعة أقربهابرومود تروح تشوف
مرت السالفة
وبعد شغلي مع خالي اكتشفت صحة كلام صديقتي
أقسم بالله يابنات ان بعض القمصان السادة والبديات على ثلاثة ريال


نجي لنعومي
كله كوووووووووم والسيد نعومي كوم طبعاشفت صور مصنعهم ببنغلادش
البيجاما اللي على 300 ريال عندنا
من المصنع مباشرة من نعومي من بنغلادش بالكثير
اذا طقها الغلا على 25ريال

اكسسواريز حبيب الكل
مصنعهم بالهند
مرة سافر خالي رحلة عمل للهند وزار المصنع وقابل المدير
المهم يوم رجع جابلي كيس صغيرون مشكل فيه كم خاتم على اسورتين على محفضة جلد وكم كلبسة وثلاث حلقان
طبعا مو لسواد عيوني
لالا لزوم الشغل عشان ناوي يفتح محل وبيتعامل مع المصنع بس بديزاين غير اكسسواريز
المهم يوم عطانياه الا يقوللي الكيس ذا باللي فيه تكلفته 16ريال فقط لاغير
لبستهم وكرفتهم وشبعت منهم بعدين نزلوا باكسسواريز بأشهروبأسعار نااااااار
من يومها وأنا عايفة اكسسواريز عفته يانااااس

ثالثا:الماركات يوم تنزل بضاعة جديدة تنزل لكل التجار
بمعنى تنزلها للبوتيكات الخاصة فيها
وللمحلات العادية اللي ماتحمل اسم الماركة
ملاحظة:هذا اذا كان بوتيك الماركة فعلا بوتيك أصلي وراح تفهمو قصدي في الفقرة اللي بعدها
المهم انها تنزل للكل
بس تشرط على المحلات العادية اللي ماتحمل اسمها انها تشيل الستكر من الملابس
وراح أعطيكم أمثلة لبعض المحلات واللي صارو معروفين لبعض الناس
تاج توج بجدة والقوافي والمحلات اللي عندهم
بشهر ثمانية اشتريت من عندهم تنورة زارا ب15ريال
وبناطيل اتش آند ام
الواحد على عشرة ريال
وأطقم لاسنزا على خمسة ريال
وبكينيات لاسينزا الثلاثة حبات على خمسة ريال
وبنطلون سنوبي لزوم المشي بخمسة ريال
وراح تلاقوماركات كثيرة مانغو أوكايدي أوركيد كمايو نكست اكس أو بعض ماركات السواني سترادي فاريوس وبيرشكا تيرانوفا وهلم جرا
طبعا اذا رحتوا بتلاقو مثلا صف كاااامل من البناطيل المتشابهة
قلبوا فيهم راح تلاحظو ان اسم الماركة
منزوع منها
اجتهدوا ودورا راح تلاقوا كم واحد مااتنزع منهم الاسم على طول راح تعرفي انتي واقفة عند استاند أي ماركة بالضبط
طبعا أنا يوم أشتري منهاأحاول آخذ اللي باسم الماركة
محل ثاني
بالمدينة
أقولكم اللي صارلي
خالي طلب مني أروح للمحل عشان أطلع عليه
فعلا نفضت الكسل
ورحت وأخذت لفة ع المحل
المهم
لقيت تنورة زارا مرة حلوة وبسعر25ريال
اشتريتهالأمي
بعدهاباسبوع لقيتها بزاراعلى 300ريال وشوي
طبعا المحل ذا يخلي الستيكر تبع الماركة وحتى التاق بس بدون تسعيرة
وقبل ماتبدأ السيلزهذا الموسم بشهر سبعة
رحت لنفس المحل وآخذت من عنده بلوزة تيرانوفا جنان بعشرة ريال
وجاكيت بيمكي ب15ريال
بشهر11لقيت البلوزة بتيرانوفا بعد التخفيض بخمسة وخمسين ريال
والجاكيت ببيمكي بسعر خيالي بس والله ناسية بكم
قبل العيد راحتله بنت خالتي
طبعا حكيتها عنه
أخذت منه جينز سكيني ماركة زاراب15ريال
تحلف بالله انها لاقيته بنفس الاسبوع بزارا فرع النورمول ب199ريال
وتحكيلي انها شافت شنطة جلد أسود مع صديقتها بالجامعة
ومرة عجبتها بس والله ناسية الماركة
المهم يوم سألتهاقالت انها ب 850ريال
لقيتها بنفس المحل ب 30ريال وبالتاق كمان
تقول من الفرحة أخذت لونين منها


رابعا:في محلات كثييييييييييير وهذي اللي مغرقة الخليج هنا وهي البوتيكات اللي تحمل اسم البراند
هذي يجي التاجر ويوقع عقد انه يشتري بس اسم الماركة والديزاينات السنوية
بس ماتنتج بنفس مصانع الماركة الأصلية وبنفس الخامات
لالالا
هم عليهم انه يصير وكيل لهم في الخليج ويدفع مبلغ وقدره عشان الاسم
ويرسلون له ستف كامل من الماركة نفسها يشوفو الموقع ويطبقون له الديكورات والديزاين الخاص بالماركة
ويعطون التاجر الديزاينات الموسمية حصريا له
والباقي عليه
هننا ينتهي دور الشركة الأم
نجي للتاجر أو الوكيل
هو عليه يتعامل مع أي مصنع هو يختاره بالصين أو بنغلادش أو الهند
ويبدأ يتعامل معاهم
وهذا خط السير
الشركة الأم ترسل الديزاينات ومعاهها بيان بالخامات
مثلا
تي شيرت ديزاين كذا
الخامة 90 بالمية قطن
هنا التاجر ماراح يخلي القطن نفس النسبة
لا
يبدأ ينقص فيه لأن القطن ياخذ عليهم شي وشويات وهو أغلى شي تقريبا
يخفضه لنسبة 60بالمية مثلا
وصار هذا الفرق
وتصير القطعة يابلااااااااااش
واللي جربت وشرت قطعة من برا بتعرف الفرق
من حيث الجودة والألوان اللي ماتتغير والخام اللي ماتنمش ولاتحبب ولاتنعدم حتى بالكرف

راح أحكيلكم قصة صارت لقريبتي
كانت مسافرة هي وزوجها وحبت تشتري بلوزة هدية لأختها
ويوم شكت بالمقاس
قالت لمدير المحل
اذا ماجات أقدر أبدلها بالفاتورة بالفرع اللي بالسعودية لأني باخذها هدية ومني متأكدة من السايز
رد عليها باستغراب
احنا مالنا ولافرع بالخليج كله
تقول قسم بالله من يومهاعفت سوق الخليج كله

ماراح أتعب نفسيتكم كثير
بس أبسط مثال
شركات اللاب توبات
آخر شركة يابانية اشترتها الصين هي سوني
ومن شهر10 صارت صينية رسميا
طبعا يقولوالتجار صناعة يابانية وتجميع صيني
بس كله كذب
بعطيكم شي بسيط
لاب توب سوني فايو الوردي موديل
cr353
بالسعودية ينباع بسعر أربعة آلآف وتسعمية وتسعة وتعسين ريال
يعني خمسة آلآف بس أنا ذكرت السعر عشان أكون دقيقة معاكم
المهم جبته من الصين من الشركة الأم بسعرأربعمية وثمانين دولار
شفتو النصب كيف
حسبي الله ونعم الوكيل فيهم
لابتوبات ديل الملونة اللي جرير النصابين مسوين عليها عرض
هذي سعرها ميتين دولار فقط لاغير
بلاي ستيشن ثري
مية وعشرين دولار
والله يابنات لو تطلعوا ع الاسعار الحقيقية انكم تنجلطوا بعيد الشر عنكم
تعرفون محلات الأثاث الراقية
اللي يبيعوا بالآلاف
راح أعطيكم كمان نبذة عنهم
طبعا زي ماتعرفون أغلب الأثاث اللي بسوق الخليج هو صيني درجة أولى
والمحل اللي عنده أمانة بيقولك صيني درجة أولى
واللي بيقاوح ومايخاف ربه بيقول ماليزي
واللي بيكذب بس مستحي
بيقول خشب ماليزي بس الصناعة صينية
زي كذبة التجميع
المهم
خالي جابلنا كتالوجات لأثاث راقي من مصانع صينية
ومن نفس المصانع اللي تتعامل معاها بعض محلات الأثاث الكبيرة والياي اللي عندنا
المهم
اطلعت على كتالوج غرف النوم
وربي اللي خلقني
ان غرف النوم شي مو طبيعي قمة الرفاهية والذوق
ولا13 قطعة
وبألفين ريال
من القهر والتهور
زميلتي يوم جات تتزوج بغيت أتهور من زود الكشخة وأقولها غرفة نومك هدية مني خخخخخخخخ
13 قطعة
واللي عندنا على ستة قطع وطاقين السعر للسما
الجوالات

طبعا من شهر11 ماعاد صار فيه جوال فنلندي يوصل للخليج أبدا
لافنلندي ولاغيره
بالذات نوكيا
كلها صارت صينية
يعني اللي عندها جوال قديم لاتفرط فيه لأنه صار عملة نادرة
تؤمنوا بالله
ان آخر موديل من نوكيا سعره اربعمية ريال شامل الشحن
وهنا يبيعونه على ألفين

تنفسو الصعداء الآن وقولو الحق

[القلب السليم]

ترى ياأم عباس أنا مصدومة

خلاص من اليوم ورايح مافية غير السوق المتجولة ...ههههه..

[عاشق السماء]

وعليكم السلام ورحمة الله وبركاته

لكِ تحية عطرة أختي أم عباس وزينب

بصراحة منتي بسيطة

لو يدروا عنش أصحاب الماركات اغروش بالمال

علشان لاتفضيحهم

معلومات قيمة أختي ماشاء الله عليش

طلعتي فاهمة في التجارة

عجل أختي إذا تزوجت بتشتري لي غرفة على حسابك

أشكرك على هذه المعلومات التي تبصر الناس

من جشع المحلات والمجمعات

لكِ تحياتي السماوية

عاشق السماء

[ام عباس وزينب]

اقتباس: المشاركة الأصلية كتبت بواسطة القلب السليم  ترى ياأم عباس أنا مصدومة خلاص من اليوم ورايح مافية غير السوق المتجولة ...ههههه..

هههههههههه اي احسن فودي اولاد بلدك الي البلديه واقفه لهم بالمرصاد وتبي تقطع رزقهم وهذا ياخيتو بعد ماخلصنا

طبعا تشوفو بياعين الماركات بالسوق كثرو والبلوزه ب 29 ريال يمكن اكثر يمكن اقل
في يوم صارت قصه بين ثنتين وحده تشتري من امجمعات ووحده على كد حالها وشاريه من هالبلايز
قامت مرت اخوها تقول لها بكم اخذتيها دي قالت لها ب 20
انصدمت المره متأكده قالت اي متأكده
من وين زين قالت من الي يبيع بالسوق الفلاني
وتأكدت من الماركه وكل شي
وبعدين هالمره عندها احد يشتغل بالتجاره وسئلته قال لها القضيه هي كالتالي
انه تجار المحلات يتفقو على وقت لوصول البضاعه واذا ماوصلت يفسخو عقد المبايعه وطبعا توصل الباخره للمينا ببضايع لها اول مالها آخر ثاني شي بعضها بالنقل يفسد

وش يسوو يسو مزايده بالكيلو وطبعا الي يبي يسترزق الله يروح يزايد وبعدين هو وحضه تصور بلايز بالكيلو مثلا على الكيلو 50 ريال كم بلوزه تطلع له

ولا المجمعات بدون ذكر اسماء اني بنفسي تاجرت بالملابس ورحت اسواق الجمله بالدمام الي مايصدق اعطيه وصف المحلات ويروح بنفسه يشوفهم
رحت ملك الفستان وجيوب ماركه لايعلى عليها والله مااكذب لبسنا بناتنا منهم وغسلنا وكرفنا ولبسنا خواتهم من ديك الثياب ماتغيرت ابدا
تدري البياع لمحل الجمله وش قال لي
قال المحل الفلاني والفلاني وهذا وهذا مايشترو الا من عندي ويطلبو طلبيات خاصه بعد ويبيعو القطعه الوحده ب 200 ريال وهي تطلع القطعه الوحده بالجمله 22 ريال متصوره الفايده

حدث ولاحرج

مره ال mbc جابت فلم قصته عن عائله امهم خياطه وشغلت بناتها معها حتى تقدر تعيش فتحت لها معمل وصارت تخيط لمحلات ماركات مشهوره جدا جدا وتلبس المشاهير
تدري انه رواتبهم يادوب تأكلهم خبز وتدفع الضرايب ولو انهم تأخرو على طلبية المحل المشهور الفلاني يلغي الطلبيه بلا رحمه ولاشفقه وينتهي العقد
والقطعه يشتريها منهم مثلا ب 50 دولار ويبيعها بمحله ب 5000 دولار متصوره الوضع

ومره شاهدت عن حياكة الساري بالهند في الجزيره

تدري انه الي يخيطو من هم الطبقه المعدمه ونفس الشي يادوب تأكلهم خبز
ومحرم عليهم دوليا انهم يلبسو ساري الاغنياء

شفتو الحقيقه اخواني

فكر ثم فكر ثم فكر

واكسي الفقير واليتيم
واطعم الجائع الجمعيات لاتكفي انت كن جمعيه واعتمد بنفسك على رعاية جارك بدل المباها الفارغه

اعاننا الله على هذا الزمان

[ام عباس وزينب]

غير كوكو شانيل

شاهدي الفلم وتعرفي كيف هالمره انتجت شركتها وصارت مشهوره وماركه سخرية القدر
اموالها عباره عن كد لدعاره استغفر الله العلي العظيم واحنا رايحين نشتري بماركاتهم
قمة الجهل ثم نشتكي تتابع البلاء

[ام عباس وزينب]

اقتباس: المشاركة الأصلية كتبت بواسطة عاشق السماء   وعليكم السلام ورحمة الله وبركاته لكِ تحية عطرة أختي أم عباس وزينب بصراحة منتي بسيطة لو يدروا عنش أصحاب الماركات اغروش بالمال علشان لاتفضيحهم معلومات قيمة أختي ماشاء الله عليش طلعتي فاهمة في التجارة عجل أختي إذا تزوجت بتشتري لي غرفة على حسابك أشكرك على هذه المعلومات التي تبصر الناس من جشع المحلات والمجمعات لكِ تحياتي السماوية عاشق السماء

ههههههههه من عيوني بس مرتك مابترضى >>>> بدت الحجايج والشلاخ

[عاشق السماء]

شكلها فيها إن هالغرفة لايكون خشب معلق في الهوا هههههه

المفروض أم عباس وزينب تأسسي شركة في البلد

ماشاء الله الكثيرات يبغوا يشتغلوا ويعملوا

بدل هالمجمعات والمحلات مستغلة الناس

على الأقل توجد شركة لها اسمها ولها مصداقيتها بعيداً عن الغلاء الفاحش

ويش رايك بالفكرة

[ام عباس وزينب]

والله الفكره مره تجنن واذكر مره في منتدى سنابس لاجل لاتنسرق الفكره طرحو فكره على بعض يفتحو مجمع خاص بالاعراس يشتغلو فيه نساء بمواهبهم
يعني الخياطات والمصممات والطقاقات وبيع الهدايا والملابس وخلافه كل شي يخص الاعراس والعروس واهل العروس حتى محلات للمكياج والكوافير والاكسسوارات والكوش وغيره
يعني ندخل نفصخ عباتنا ونشتري الفستان والاكسسوار ونتعدل ونتمكيج ونصور ونتحنى بعد وننتقل الى العرس مرتاحين
الفكره حلوه ووقفت عند عامل واحد اسمه العقار مو هاعامل يحقد علينا
فكرو البنات يعرضو المشكله على عبد الطيف جميل ويدعم المشروع لهم ويتابعه لحد النجاح
بس تخوفو البنات ومنهم من حذر منه

الا ليت الاغنياء يفقهون بدل رحلات فرنسا وكندا يفتحو هالمشروع للفقارا خلي تترزق

[ام عباس وزينب]

اقتباس: شكلها فيها إن هالغرفة لايكون خشب معلق في الهوا هههههه

الخشب ماافهم فيه بس شفت منتجات ايكيا كيف اضن هالغرف زيهم وتناسب الموضه الي دارجه الآن المودرن على قولة الدلاليع هههههههه

بس ترى عاشق زمن الي عرس فيه اخوي غرفة نومه كانت ب 2000 ريال بس وفي حتى ب 1500 ريال
وبزمني غرفتي اخذتها ب4800 ريال وكان فيه غرف فيها 8 قطع بس ب 8000 آلاف واكثر وتناسب الغرف الكبيره

وبقول شي دام دخلنا بالاثاث

في محل مشهور يبيع غرف نوم مابذكره بس ودي اذكره المهم
كان زوجي يشتغل بمنجره ويفصل غرف نوم يقول هالمحل يشتري غرفة النوم من عندهم ن 700 ريال الى 2000 ريال ان كثر ولما راحو محله اكتشفو انه يبيعها ب 15 الف وطالع ويقول تفصيل بره ودي اقول اسمه بس مااقدر المهم

ولما تزوجت صديقتي اصرت على زوجها تشتري منه وكانت غرفتها ب25 الف ريال ازيد من مهري
المهم جا زوجي يقول لي السالفه لانه زوجها صاحبه الروح بالروح
تدري تأخرت الغرفه ولاخلصوها لهم الا بنفس اسبوع العرس وش قال حجته
انه الغرفه تتفصل ب لبنان وبسبب الحرب تعطلت تجارتنا >>>اويلي على الشلخ
وانقهر زوجي وظحك ظحك على صاحبه وقاله قوم باوريك لبنان الي تسوي غرفة نومك ووداه المنجره
وشاف نفس غرفتهم يفصلوها سألهم لو اسويها عندكم كم تطلع علي
قاله ب 12 الف بس >>>>>>>>>وافجيعتاه فرق 13 الف ريال

الواحد يكتب الارقام وده يصيح
وناس تتباها بفراغ

[ام عباس وزينب]

ارد ارجع اكمل حتى يستفيدو العرايس


مجموعة الاستحمام

طبعا الفتره الاخيره خصوصا العرايس طايحين بنكتار ونكتار زين

واني كنت بشتري لي مجموعه ورحت نكتار
ودرت على الروائح كلها قلت له رش لي تست من كل العطور والروائح وباخذها وياي والي احس ريحته عجبتني بشتريه وطبعا لازم تحمل دفتر تحط فيه ورقة التست كل صفحه ورقه حتى لايمتزجو الروائح مع بعض

المهم جينا لاسعار المجموعات الكامله من مجماميعو
طلعت السله ب 700 ريال انفجعت
قلت له طيب باشيل الاشياء الي مالها داعي
مثل الشامبو للشعر لانه شامبوي خاص
فيه جل للايدي شلته بعد وكريمات واجد خليت واحد مع المخمريه
يعني صارت المجوعه ملطف وصابون سائل ومخمريه وبودي كريم وماعنده زيوت عطريه تقريبا لانه نسيت من زمان رحت له

ونفس الشي طلعت السله غاليه على العموم

رحت السنان
عنده مجموعات حلو سعرها وفيها مخمريه وبدي كريم وجل شاور وملطف بريحة العطور العالميه المشهوره والمجموعه ب100 ريال حلو كثير حلو
نفس الشي اخذت تست من جميع الروائح

ظل عندنا من البودي شوب وزهور الريف جربتهم من قبل واعرفهم
المهم بعد يومين اخذت التست ووديتهم لخطيبة اخي وخواتي وجينا نشوف الروائح الثابته نكتار انتهت ريحته خلاص يعني يومين وانطفى مو خوش شي
المهم
بعد ماقلت محمود سعيد عنده بعد بس اسعار خياليه لكن محطوطين بصناديق فاخره جدا وطبعا مجموعاته حسب العطر وكل مره تقريبا ينزل مجموعه شكل وتكون مميزه ماعليه كلام الريحه ثابته لكن سعر المجموعه الي عجبتني ب 1000 ريال رخيصه حدها

الحين بالاخير شريت زهور الريف لانه الريحه ثابته اولا وثانيا اخذت زيوت عطريه منه التوله ب 35 ريال وتقدري تحطيها باي جل شاور عندك عساه من بريق الوسام تاخدي غرشه هالكبر ب 5 ريال وحطي نقط بس من الزيت العطري ويطلع شاور جل يهبل يجنن وريحة الحمام اعزكم الله تجنن مع كل سبوحه وعلى طول الروائح تفوح منه 24 ساعه مبهر جدا بقطرات قليله
وعنده مجموعات عجبتني ب 150 تقريبا او ب 200 سعرها مناسب صراحه


بعدين اكمل مع البخور

[أم القمرين]

السلام عليكم وخيتي أم عباس وزينب........

موضوعش مرة حلو فعلا هالبياعين ينصبوا علينا

نصب والله مايشبعو ا ياخدوا أضعاف أضعاف الفوائد

ولايكتفوا وحتى لو شرينا وقت التخفيضات مايفيد

وزي ماقلتى الأسواق المتنقلة أرحم لكن أبو القمرين

الله يهدية ما يرضى أروح ويخسرني كذا ويقهرني بعد

ولاتنسي كملي سالفة البخور

[ام عباس وزينب]

حيا الله ام القمرين

بالنسبه للملابس اختي حتى توفري روحي بس وقت التخفيضات لاتروحيهم بالايام العاديه اكيد زوجك بحب التوفير

البخور ياوخيتي

في محلات واجد منها
العربيه ,عبد الصمد القرشي , منيف ,اصغر علي ,السنان

جربتهم كلهم واحلى واحد فيهم منيف والقرشي وطبعا منيف اسعاره افضل

وهم اصغر علي اسعاره حلوه بس منتجات البخور مو واجد
اما العربيه بخورهم نفس بخور الباقي كلهم بس العلب غير وعنده خلطات مميزه لمحله

ومنيف اكثر واحد دخل مزاجي

وانتبهو من محلات عبد الصمد القرشي ممكن تكون بس الوحه باسم المحل بس مو نفس المنتجات حكته

[حلم البنفسج]

والله بصراحه اني مالي في الماركات اني اشتري وبس
وماعلي من احد
لي حد معين في المصاريف
ماعلي من غباء بعض النساء ويش ماركات ويش مو ماركات كله واحد
والله حرام ناس مو لاقيه تأكل وناس تلبس بديك الحسبه ومره وترمي ؟؟؟؟
ولا عاد الجزمه الي حاطتنها
والله لو ببلاش مااخدتها
كيف الوحده تدخل رجولها
احسها مو واقعيه
هههههههه
اني مااقول الوحده تأخد بخمسه ريال ولا بخمسميه
خلونا وسطيين
المفروض كل وحده على حسب وضعها المادي
يعني متوسط المفروض الجزمه ماتتجاوز المئه ريال يعني المفروض اقل
حتى الشنط والله حرام اني بدايه ده السمستر رحت اقضي وبغيت اشتري شنطه
كلما بغيت شنطه تطلع لي ب500 300 والله حرام اني كله كم شهر وخلاص بنتحر من الكليه ومابقدر اطلع بها
بصراحه ماني مستعده ادفع خمسيه علشان شنطه دي الخمسيه تكفيني مصروف لمده شهرين
والغريبه ان في وحده راميه فلوسها في الزباله وشاريه شنطه بألف ريال ؟؟؟؟؟؟؟؟؟
وثانيه بنطلون بحدود الاف ؟؟؟؟؟؟؟؟؟؟؟
وهني الحسينيات والمساجد اذا بغووو تبرعات مااحد يتبرع ؟؟؟؟ والحسينيه شوفوا كم سنه تظل لحد ماتنبني
اين اصحاب العقول ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تسلمي ياام عباس
الله يعطيش الف عافيه غناتووو

[عمار علي]

لك جزيييييل الشكر اختي حقا موضوع متميز جدا جدا
ياليت الناس تلتفت الى هالموضوع