؛؛ مسقعة الباذنجان سهلة وبالصور ؛؛

[أمـ الساده]

مساء الخيرات
مسقعة الباذنجان طبق مصري ولكن دسم بس لذيذ
سويته بشكل بسيط ومختصر جداً،،

باذنجان مقطع حلقات كميته على حسب الصينية
نملحه ونقليه بالزيت.
نعمل صلصة اللحم نحمص البصل بالزيت وبعدين نضيف اللحم ومعاه معجون طماطم نص العلبة تقريباً مع اضافة الملح والبهارات ونخليه ينضج وينشف.

أول طبقة نصف الباذنجان بالصينية بهذا الشكل

بعدين طبقة اللحم المفروم

بعدين طبقة باذنجان تقدرون تستبدلونه ببطاطس

بعدين نضيف الصلصة البيضاء وهي عبارة عن
1 قشطة و 3 ملاعق جبن سائل و 3 ملاعق مايوينز نخلطهم مع بعض ونضيفهم ع اللحم بهذا الشكل

توضع بالفرن حتى تتماسك وبعدين نشغل الفرن من فوق عشان تتحمر

وهذا الشكل النهائي

عن قرب

يقدم مع خبز التنور او مع الارز
ان شاء الله يعجبكم :حيو:

تحيتي مع محبتي
أم السادة +

[ابتسامةأمل]

نفس إللي أسويه بس أنا بدون المايونيز هو لذيذ بالفعل ولكن دسم جداً جدا ً
مشكورة أم السادة ماتقصري غناتي

[شيعيه]

أسويها ساعات وإذا باحط بطاطس أحط مسلوق تطلع أخف من المقلي

وحتى الباذنجان اسويه على البخار

والصلصه أحط باشميل وجبن وتطلع خفيفه


تسلمي خيوه على الوصفه

[السامر]

تسلم يدك أخت ميامين على طبق المسقعة لذيذة وشهية

[شروفه]

امي تضيف الطماطم والبطاطس وبدون الباشميل فقط على صلصة اللحم ..
وتسلم ايديك أختي ميامين :)

شروفه

[السحاب الأبيض]

طريقة أمي زي شروفة ..

بس من ابتدينا الحمية نسوي كل شي بالفرن ..

تسلم يدك خيتو ..

[شمس الأصيل]

غريبة عجيبه هالمسقعه..

يسلموو ام السادة على الوصفة..

تحياتي

شمس الأصيل

[أمـ الساده]

ابتسامةأمل
الله يسلمك غناتي جربيه بالمايونيز تراه لذيذ وفعلاً طبق دسم جداً جداً بس شهي

شيعيه
الله يسلمك غناتي ماشاء الله طباخة بس كأنه الباشميل ثقيل شوي
^_^ أسعدني تواصلك.

[أمـ الساده]

السامر
الله يسلمك أخي الكريم شكراً ع التواصل ^_^

شروفه
الله يخلي الوالدة بس مو كأنه حلاوة المسقعة بالصلصة البيضاء
ان شاء الله مرة ثانية نسمع شروفة هي الا طابخة ^_*

[أمـ الساده]

السحاب الأبيض
الله يسلمك حبوبة ^_^

شمس الأصيل
الله يسلمك غناتي وتحياتي لك ايضاً ^_^