ممكن سؤال ومساعدة؟؟

[ابو نور]

ابحث عن طريقة عمل ستيك اللحم

مانوع اللحم ( فخذ . ظهر . موزات ) ؟
وماهي افضل طريقة للشواء على الفحم ؟

[السحاب الأبيض]

اهلين خيو ..

تدري كان عندي نفس سؤالك

بس الحين سويت بحث و يقولوا ان احسن نوع هو لحم البقر او الغنم

وتاخذ من جهة الفخد او الكتف .. وافضل شي يكون الستيك فيه عرض شوي يعني بـ عرض اصبعين

اممم مادري بس ان شاء الله ساعدتك و اتمنى لو احد يعرف يقول

[شمس الأصيل]

مرجبا اخوي ابو نور..

بالنسبه للأستيك..في يبيعونه جاهز عند محلات اللحوم

زي خيرزاد مثلاً..اني جربته مرة تمام

وفي عندي خلطه للاستيك ادا تبيها أحطها لك ..

تحياتي

شمس الاصيل

[ابو نور]

اقتباس: المشاركة الأصلية كتبت بواسطة السحاب الأبيض   اهلين خيو .. تدري كان عندي نفس سؤالك بس الحين سويت بحث و يقولوا ان احسن نوع هو لحم البقر او الغنم وتاخذ من جهة الفخد او الكتف .. وافضل شي يكون الستيك فيه عرض شوي يعني بـ عرض اصبعين اممم مادري بس ان شاء الله ساعدتك و اتمنى لو احد يعرف يقول

مشكورة على المعلومات عزيزتي

[ابو نور]

اقتباس: المشاركة الأصلية كتبت بواسطة شمس الأصيل  مرجبا اخوي ابو نور.. بالنسبه للأستيك..في يبيعونه جاهز عند محلات اللحوم زي خيرزاد مثلاً..اني جربته مرة تمام وفي عندي خلطه للاستيك ادا تبيها أحطها لك .. تحياتي شمس الاصيل

شكرا لك اختي
ويا حبذا لو تحطي الخلطة عشان نستفيد

[شمس الأصيل]

معذرة اخي ابو نور على التأخير..

وهذه الوصفه بين يديك الان:

6 شرائح ستيك لحم
2 ملعقه كبيرة خل
2 ملعقه كبيرة زيت
1 ملعقة صغيره خردل
1 ملعقة كبيره صلصة صويا
1 فص ثوم مدقوق
ملح وفلفل اسود حسب الرغبه

نخلط المكونات مع بعض في وعاء كبير.. ونضيف شرائح الستيك الى الوعاء ونقلبهم في الخليط

ونتركهم في الوعاء ونضع الوعاء في الثلاجه لعدة ساعات قبل الطبخ

من ثم نخرجهم من التتبيله الى الشوايه او المقلاة المدهونه بالزيت

تطهى على نار متوسطه مع التقليب ويضاف لها من خليط التتبيله بين الحين والاخر حتى تنضج..

بالهنا والعافيه

تحياتي

شمس الأصيل