كيكة الشكولاتة من اختراعي

[السحاب الأبيض]

السلام عليكم

كيفكم بنوتات & شباب ؟

ليلة الخميس الناس تطلع وانا قاعدة لا شغلة ولا عملة قلت اروح اعفس في المطبخ وهذي

نتيجة العفسة ..



نجي للمقادير طبعاً ماخليت شي الا حطيته ولا كيف يصير اختراع ..

كوب كريمة خفق

5 قطع شكولاتة سادة بدون سكر ..

نص علبة حليب مركز ..

2 ملعقة طعام مليانة كاكاو غامق

ملعقة شاي قهوة اسبريسو سريعة التحضير ..

2 ملعقة طعام مليانة عسل ..

4 بيضات ..

1/2 2 كوب طحين + 1/2 1 ملعقة بيكنج بودر

1/2 كوب زيت

1 كوب حليب سائل ..

الطريقة : اول شي حطيت على النار الكريمة وقطع الشكولاتة لين ذابت ..

وحطيت عليها الحليب المركز والقهوة والعسل .. وخليته يبرد زين ؟

ولما برد حطيت البيض وحدة وحدة وخلطته بالخلاط الكهربائي ..

خلطت الطحين مع البيكنج بودر .. وحطيته على الخليط .. وبعدين حطيت الزيت ..

و آخر شي الحليب .. وتحطي الخليط في صينية مدهونة ..

وتدخليها الفرن لين تنضج ..

الكريمة :

حطيت على النار تقريباً كوب كريمة خفق مع نص كوب حليب مركز ..

وملعقة عسل + رشة اسبريسو + 2 ملعقة كاكاو ..

لين صارت سايلة وحطيته على الكيكة بعد مابردت ..

وبالعافية على البكم