حركااااات البنات في المنتديات

[شموع الامل]

1- اذا كانت تبـي تبين انها دلوعه ورقيقه اتشوفها
حاطه وروود ودباديب و صور اطفال
او صور كرتونيه ( سالي وليدي) و دايم تكتب بالوان هاديه
(وردي و احمر) عايشه الدور والاحرف حرف الشين يصير ثاء مثال مشكوره تصير مثكوره دلوعه ماتنلام
طبعا هذا كله كذب لا تصدقون يا شباب ..

2- اذا الشباب حطوا موضوع يخوف والا مقزز
شوفوا الردود :

واااي اهئ اهئ / حرااام عليكم خوفتوني
لا لا لا ما اتحمـل ببكي ياربي/ماماتي لا لا ما
بنام بروحي اليوم بروح بنام عند مـــــامي / لا لا
مستحيـــــــــــــل ابي امي ابي ابوي ابي زوجي ,,,,
(يعني عاد خايفه و ما تتحمل )

مقزز مقرف
وييييع وشوهذا / لاعت كبدي
( وبينها وبين روحها تقول يم يم لذيذ )


3- اذا كانت مريضة تعالوا شوفوا الدلع فالردود:
واااي انا مزكمه و خشمي مسكر ... واااي
ما اقدر اتنفس , الحقووا علي بموت ,,,, يا ويـــــــــــــلي
اهئ اهئ ... مابي اروح المستشفى اخاف من الابرة

ابي امي ابي ابوي ,,, لا مابي
اهئ اهئ ( توقف الدلع و تكح)
كـــــــــــــح كــــــــح كح
وما تخلي حد الا قالت له انها مريضه من خلال ردودها
( وآخر شي يبين ان ما فيها شي والدكتور يعطيها
حبت بندول ويقولها عن الدلع


4- عاد كله بصوب و الدراسه بصوب
اذا كانت تدرس في جامعة و إلا كلية وإلا معهد,,,
تبي تعلم كل اعضاء المنتدى انها جامعية (مو مصدقة) ...
و تقعد عاد تتكلم عن الدكتور الفلاني وعن كلاساتها
و اذا عليها Quize لازم كل الاعضاء يعرفون ومن خلال الردود انا مشغوله بالجامعه ما اقدر اشبك
واذا نزلت موضوع تلاقيه يطلـــــع :
امبيـــــه
والله خايفـــه من Quize بكره و مو قادره اذاكره----
والله ماله و كبديي لايعــة
يااااربي شكثر اعاني,,, ايش اسوي اهئ اهئ
( و تلقاها عليها امتحان علوم
هذا اذا ماكان اقتصاد بعد / ثاني متوسط لا و منازل بعد)




5- دايم تمثل دور البنت المدللـه اللي ما ينرفض
لها طلب
اذا تكلمـــوا عن الطبخ,,, قالت : ( وع انا ماادخل المطبخ
من صدقكم.. اصلا احنا عندنا 3 طباخين )

(( كله كذب ,,, تلقى اهلها كارفينها كرف من غسل
المواعين والقدور..
حتي السيارات يمكن هي تغسلها واذا خلصت
الشغله يخلونها تغسل الفرش ))



6- و اذا نزلو موضوووع
عن دوله (مشهوره) قالت : ايي انا رحت لها تهبل
انا كل صيف اروح لها و اصلا احنا عندنا
محلات و عقارات هناك
(( والله و لا راحت هالاماكن .. اصلا موقع
الدوله عالخريطة ما تعرفه... حدها عليامول))


7-اذا تكلمــوا عن الماركات و المحلات الراقية
والغالية و الازياء و المصممين
شوفوا الرد عاد
( اصلا انا ساعاتي كلها من هالماركة و مكياجي
ما اشتريه الا من هالمحل و المصمم هذا اصمم
عنده (بيجاماتي) ولبس البيت وفساتين الاعراس.... الخ )

....
يالله شرايكم ؟