فــدوه انا للي لــــها قلبــي يميـــل .. ذكــــــرهــا يرسم بهالدنــيا المطر
احتريـــها لــو مجيها لــي يطيـــل .. احتــري ذا الليــل يطلع بــه قمر
اسهر ويغفى لها الطرف الكحيل .. وان غفيت ينــالها حلو السهر
تبحر بشاطي الصبر عني قليل .. مادرت صبري على الملقى بحر
تعزف انغام الهجر عــزفن مليل .. صـدري القيــثــار وعـــروقي وتر
كل دربن في لقــــــــاها مستحيل .. وكل رجوى للوصل تحمل خطر
وان نوى قلبي وعــزم ع الرحيل .. جــاني المكتوب افلح من صبر
هذا حالي في الهوى ماني قتيل .. ولاني حي ولاهو حالي مستقر
ليــل يــآتي في طـــواريها طــويل .. ويـــــوم يجلب طيفها كــنه شهر
ولاسكنّــــي طيفها في ذات ليــل .. اوقف اقبـــال البحر وارمي حجر
اسرح في تيهي و ادور للدليل .. بس تعب بــــــاقي على مد النظر
ياشقى حــالي مع الخل البخيل .. ويــاقهر يطغـــــى على كل القهر
jan - 2012