عرض مشاركة واحدة
قديم 20-06-13, 08:21 PM   #4

ياوديعة علي
عضو قدير جداً

 
الصورة الرمزية ياوديعة علي  







عاشقة

رد: الشباب بين الالحاد والليبراليه


امس سويت اني واختي خطبة الجمعه ل اولاد اخوي

النتيجه اني اكتشفت الوسطي الطايش الي انحسبه غبي
يرد على اخوه باجابات صقعتني والله العظيم
للحين مندهشه هالنتفه قال كدا
طبعا اعمارهم صغيره واحد داخل 9 والثاني 11 الله يخليهم
خلاصة كلامي
الخوف من الاب والام التقليدين مثل اجدادنا وليس آبائنا
اذا ولدي يجي يناقشني وبصرخ عليه خيرتك بتصير سني
خلاص النتيجه ولدي منسلخ عن الدين كليا
لاني نفيت عقله
وابيه يقلدني ويلبس تصرفاتي زي الثوب
اما الي يقرأ ويتثقف وخايف ويفهم اولاده ويبحث ويحاول ليش يخاف

اصلا نتج هالتفكير المطروح من وين من الي يقول اهو عني بلا فلسفه وهدره

عجل كيفه نقنعهم انتبهو لجهالكم
واذا نصحتيها روحي اتسمعي للشيخ الفلاني مختص بتاريخ اهل البيت عليهم السلام
وهي ام
تقول لك اهووو يبوع وتنام رجايلي وجهالي يتلعوزو ولايخلص محاظرته
ولا ولايصيحني
النهايه الحسين عبره وليس عبره والمختلف بين الاثنين الحركات والكل يقرأها قرائه وحده من اولائك المتململون

من قال ان المنبر ليس توجيه بلا توجيه
لكن لايروح يتسمع لملا كل محاظراته الزواج باربع
ياعمي روح
صار الشباب يادوب يزوج وهو ينفخ في قربه مقضوضه عمر النسوان ماتقتنع

الحين اجي للسؤال

اقتباس:
من المسؤول عن انحراف شبابنا ؟
الآباء والامهات المتململين الي يتسمعو العزيه بعد المحاظره وتستنى التقسيم وتاخذ القوطي وتطلع
ماهي الاسباب ؟
انه الطفل من صغره مثل ماذكرت اطفالنا صغار وكنت طارحه قضية السيده زينب توفيت بموت طبيعي او مقتوله وكانت اجابة طفلي الكبير الشيخ فلان كذب هالشي قلت له الشيخ فلان ليس حجه فهو غير مختص بتاريخ اهل البيت عليهم السلام تابع الشيخ فلان هذا اختصاصه والشيخ فلان
لانا واعين ومنتبهين
لكن الام غير المباليه سوف تقول كل من قرا له جلمتين لبس عمامه وقعد يخطب
الشيوخ شيوخ الول الحين مافي شيوخ
هذا واقع مررر جدا مرر
ويتقابل الطفل الملغي عقله في بيتهم مع شرذمه تتناقل الاخبار من مواقع الانترنت وكل واحد يفتي من جيبه
وطفلك يقتنع بكلام مدري اي ابو هريره حط الروايه
ويقول عنك امي متخلفه ومن اولائك الذين قالو قالوا بل وجدنا آباءنا كذلك يفعلون

من المقصر ؟ الاب الي يقضي عمره بالمشاهد الخليعه والبحث عنها ويتبع هواه ويتهم زوجته بالتقصير ويسب ويلعن فيها وتارك الجمل بما حمل ويسافر ويناطط وتارك الاطفال على ام من سموعه لسموعه واذا جا وقت الصلاه نتفت اولادها بالعصاه وطفت التلفزيون آسفه قلتها بالمشرمحي
بس هؤلاء نتجت عنهم هؤلاء
شخصيا كنت في السياره وزوجي يتكلم مع الشباب ووحد منهم ماهو مؤمن حتى بالصلاه ولا اهل بيت ولا الحجه اللهم عجل فرجه حسب كلام زوجي
الكل يفهم فيه مو راضي
الام مولايه والاب غير موجود

وما هو الحل ؟
انه تنطلق من كل شخص فاهم وواعي حملات توعيه وتثقيف
امس بالانستغرام واحد اسم صفحته يا حيدر ينشر قصص الانبياء واهل البيت عليهم السلام واحب اتابعه وابحث الروايات والقصص تطلع سليمه
وامس انصدمت لما لقيته كاتب في تعريفه عمره فقط 20 سنه

وييييين شياب ابو متعه وروح ايران بناتهم حمران يجننو يجي يشوف هالقمر

من جابه كيف رباه

وتالي يصرخ على اولاده والله فشلتوني قدام الناس

مو انته ياحظهم الي مفشلنهم

قسم بالله كسر خاطري مره ولد مر عليه واحد سئله ابوك مسافر او هنا علي له فلوس
قال مسافر
صرخ عليه بنص الشارع اووووه اجل رايح يعرس على امك
فشل الولد ومشا مكسور

لاحد يطالب احد انه مايتكلم عن تفكيره
خلي الاطفال يتكلمو اقلا اعرف باطنهم
ليبرالي ولا ملحد ولا ماسوني ولا مدريدي مافي راسه غير الكوه
المهم يتكلم
ومن خلال كلامه اجي افهمه واشرح له واوعيه

بدل لانتذمر من هالظاهره نستغلها وانكثف حملات لاشخاص واعيين ومثقفين يكرسو نفسهم للاجابه عليهم



جبت العيد ومع السلامه
__________________
ساخت الارض بأهلها فمتى تعود ترانا ونراك (عج)
غريب ياقلبي كيف تعيش

التعديل الأخير تم بواسطة ياوديعة علي ; 21-06-13 الساعة 02:18 PM.

ياوديعة علي غير متصل