لجنة توصلت الى:خمسة وعشرين سبب حرمت الفراعنة من بيرق المليون.
لاتستغربون لماذا لم يفوز الفراعنة ببيرق الشعر؟ شوفو هالأسباب الخاصة فقط بقصائد مشاركته في شاعر المليون.ولاحظو مايلي:
1- الفراعنة أخذها فرعنة بالصوت والمهايط والمصايح,ومثل ماقال شاعر المليون الحقيقي بن فطيس عنه:
لاتشعل الفتنة ولاتطرد سراب........................ولايرقـّع مانقصها بالزعيق
بس العرب ما عاد تـدري بالصـواب……ما ميزو ويش الزفيـر مـن الشهيـق
الفراعنة اخذهم بالالحان,وفتن الصبيان والنسوان والمراهقين والمراهقات اللي مايعرفون من الشعر غير اللحن والصوت الجميل ,وهذي نشهد للفراعنة ببراعته فيها منشد درجة اولى ولو يشتغل مطرب احسن له"لكن مستحيل يضحكبها على اصحاب الذوق الرفيع من الشعراء والمحكمين والنقاد اللي يميزون بين الشعر والشعير,اوعلى قولة بن فطيس: ميزو ويش الزفيـر مـن الشهيـق,والظاهر الشغلة أعجبته, وعشان كذا كرر ناقتي ياناقتي في قصيدتين.ودندن دندن أربع مرات.شكله متأثرفي وظيفته بأغاني الطوابير العسكرية الحماسية,على باله المسرح ميدان تدريب.
2- يكررمعاني شعره في كل مشاركاته,والشاعر المفلس هو اللي ماعنده هدف ولا رسالة , بدليل ان:
- قصيدته الاولى والثانية والثالثة سياسية رمزية,والثالثة والرابعة وصفية مكشوفة,بين الغزل الفاضح والاستجداء الواضح في قصيدة مطر زايد.طيب وين رسالة الشعر الدينية مثل قصيد خالد العتيبي وغيره؟وأين رسالة الشعر الاجتماعية مثل قصيد السفياني وغيره؟وأين رسالة الشعرالسامية مثل الشبرمي وغيره؟
يعني بالله ماعند الفراعنة غير سب وشتم الحكام, واستهزاء وشماته بالشعوب العربية المنكوبة والمستضعفة في فلسطين والعراق وبلاد الشام؟ ولا ماعنده غير الغزل الإباحي والعري الجنسي؟ولا ماعنده غيرالمدح والتزلف الكاذب لحكام الامارات,وكأنهم هم اللي دفعوا مصاريف دراسته وتعليمه ورعايته في رنية لين خرجوه مهندس وضابط؟الله يخلي آل سعود بس اكلت خيرهم ومدحت غيرهم.
ويمكن كلكم لاحظتو انه مامدح الملك عبدالله, واستغربتم ليه,حتى مع حضور ولد الملك في أحد الحلقات,مامدحه لاهو ولا ابوه!حتى مدحه في سلطان كان مجاملات في بداية الحلقات بأبيات قصيرة, ومعانيها عادية وسوقية,مثل قصيدته:شيل ابوك حط ابوك,وحنا نشهد ان الامير سلطان أكبر من قصايد الفراعنة,وماتقارن بقصيدة ابن فطيس في مدح الاميرسلطان بن عبدالعزيز .واللي يقولون انها لطفت الاجواء بين قطر والسعودية.وهذا هوالشعر اللي يجمع القلوب والشعوب,ماهو شعر الفراعنة اللي كله تحريض وشماته وسخرية وتفرقة بين أبناء الوطن الواحد والشعوب الخليجية والعربية.
ب- يبدأ قصايده دائما مستعينا بالجن, وأن الإبداع الذي يقوله من عندهم, مثلا:
_ في قصيدته 1يقول=وفي خفوقي فرخ جنية يضرس ضريس...يوم أوردها هجوس وأصدرها هجوس
_في قصيدته2يقول= من جنون دوختني وعيت لاتدوخ..
_ في قصيدته3=في فوادي فرخ عبد طق زيره.
_في قصيدته4=تلاوة كاهن ...بصدري يوم أجر الصوت ساري.
_في قصيدته4يقول=
يا حمد طير جناحه ورى صـدري يـروج = ويش اسوي كانه افلت من اضلوعي وراج
مولدي في ارض عبقر من العام محجوج= انشدوا عن مولدي ليلة الحج ألف حـاج
وقد لاحظ الناقد الكبير سلطان العميمي ذلك ,وسأله:وش حكايتك مع الجن..وش حكايتك مع عبقر؟ولكن الشاعر تهرب في الإجابة, وبعد ذلك حاول أن يستبدل الجن بمرادف لها, فقال :فرخ عبد طق زيره, ومعروف أن الضرب بالزير يستدعي إحضار الجان.وفي قصيدة مطر زايد,بدلا من البسملة والاستعاذة ,وتقديم القاريء, قام بتقدم الكاهن, وقال: تلاوة كاهن...بصدري,ومعروف أن الكاهن هو من يستحضر الجن بتلاوته وتمتمته ودندنته:دندن دندن... وفي قصيدة ناقته الأخيرة قال: طير جناحه ورى صدري يلوح,وطير الصدر معروف أنه الجني اللي ينتفض فيه ..واعترف بمولده في وادي الجن (وادي عبقر)ولهذا لانستغرب عندما لقبوه بشاعر الجن:هذا نموذج فقط, وكل قصائده القديمة النبطية والفصحى تكاد تكرر نفسها على هذا النهج,حتى في مفرداته هي هي فقط مجرد:تغييرالمفردة:خفوقي...فوادي..صدري..دوختني ,والدوخة والصرع وغيرها كلها من أثر الجن,وذكركبير الجن صراحة,في بيته اللي يقول:
كم تمنا إن معه مثلها فتنة ابليس.....كان يمديه قلب نصف أمتنا مجوس
وهذا يؤكد خضوعه للجن, وكأنه ربط معهم عهد وميثاق, لايملون عليه الشعر حتى يذكرهم في شعره,وراجعو كل شعره القديم لايستغني عن ذكرهم, حتى في قصيدة زايد الأخيرة ذكر:نفث كاهن, ومعروف أن الكاهن هو اللي يستدعي الجن.
3- تعاليه على الدين,وربطه بين شعره والرساله:دثريني يامنيرة زمليني يامنيرة..أستغفر الله العظيم.
وتشبيه لصاحبته وعشيقته بالكعبة اللي يستقبلها ,في قوله:هالة دون المصلي أخلفت وجه المصلي.
والكل يعبد هذي العشيقةعلى حد زعمه بقوله:فتنة كانت طقوس القصر تعبدها عبادة.وفي قصيدة ناقتي,يشبه قباب الحرمين الشريفين,بالنهود,في قوله: آتقوس مع تقوس نواهدها وإقيس=قبتين قاب قوسين قوس ٍ جنب قوس.
وهذا ماهو كلامنا ,ارجعوا لتفسير القصيدة اللي شرحها سالم بن رباح المطيري,وغيره من الخبراء.
وراجعواايضا قوله:تـلاوة كاهـن أو نفـث قـاري = بصدري يوم أجر الصوت سـاري
يعني مايهمني اذا كان شعري جايني من نفث الكهنة اومن تلاوة القرّاء,وشوفوا كيف قلبها:خلا التلاوة للكاهن, والنفث للقارئ,وهذا عكس المألوف.
4- تزويره لحقائق التاريخ ,بقوله:
ديرتي دار ابن ضاري وابن غثلم جريس=ديرة اللي دوجوا في فيافي نجد جوس
يفتخر بربعه سبيع, وأنهم سلاطين نجد قبل حكم ابن سعود,وهذا البيت معناه مكرر من قصيدته القديمة أرض فارس, اللي يقول فيها:تسلطنا بنجد ألف عام ..وفي التاريخ تذكير لدارس.
شوفوا الكذب, ومخالفة حقائق التاريخ,خلا ربعه سلاطين نجد ألف عام,وين راحت عتيبة يافراعنة, ووين تميم,وين قحطان, وين شمر, وين عنزة, وين مطير, كلهم مالهم وجود في نجد الا سبيع القبيلة المنعزلة في رنية والخرمة.
5- شماتته بإخوانه المسلمين المنكوبين في العراق, وفي فلسطين:
لا تعجب مـن علـوج توطتهـا علـوج... والله ان الشـر للشـر احيانـاً عــلاج
في جنوب افريقيا البيض ياطون الزنـوج... وفي شمال افريقيا البيض ما ترفع حجاج
باترفع عن رجال علـى الهينـة تـدوج... عالم رامت مرام الصقـور وهـي دجـاج
قيصر من فوق فوج وكسرى فوق فـوج... والجماعه بينهـم راكبيـن فـوق صـاج
وفلسطين بين حركتي حماس وفتح,وإسرائيل:
وطسم حدتها على حائط المبكى جديس=يوم شقت ثوبها بنت عفار ٍ شموس
سيدة هاك القصر أسمها الاول لميس=دونها سمر الحناجر بترها حد موس
قسقسة لاحرارهم.قيس.قيس.قيس.قيس=والبستهم من مهانتهم انواع اللبوس
وفي لبنان:
ليـت شـعـري أيــن أمـسـت مـلـوكٍ مــن تـنـوخ=عـــودت أحـداثـهــم مــــن أحــاديــث الــزمــان
وفي الاردن:
مـاجـنـه تـحـمـل يـداهــا تـســع حـبــات خـــوخ=سـرهـا عـنــد آل حـســان والـبـيـض الـحـسـان
6- تطاوله على جمهورية مصر العظيمة وحكامها في مثل قوله:
عـالــمٍ لـبـسـوا ثـيــاب الـدهــاة وهـــم دلــــوخ=أوردتـهــم حـــوض فـرعــون قـفــزه بـهـلـوان
لا نـجـوا مــن فــخ طـاحــوا بـــآلاف الـفـخـوخ=عشرهـم فـي مجلـس العـم سـام أضحـت ثمـان
صفعـةٍ فـي الـخـد مــع ضربتـيـنٍ فــي النـفـوخ=روعـت خورشيـد باشـا وهــو فــوق الحـصـان
وعيشتي مابين أسود ٍ ولو ماني رئيس=خير من كوني رئيس ٍ على شلقة تيوس
ويش لاقوا من قناة السويس اهل السويس=وويش لاقوا من تلمسان قوم ٍ من سنوس
كلهم من شدة الجوع راحوا خندريس=بين غيبوبة مخدر وصحوة عرق سوس
ثورة راحوا سببها بتوع الاتوبيس=وش نبي فيها وهي ماتهز الا الغروس
آفة المرء اثنتان الف كاس وحب كيس=والنفوس اليا بغيت اتعرفها ارم الفلوس
وانقلب السحر على الساحر,صفعة من نقد اللجنة, بعدها ضربتين في جولتين من التصويت خلته في ذيل القائمة:
صفعـةٍ فـي الـخـد مــع ضربتـيـنٍ فــي النـفوخ=روعـت خورشيـد باشـا وهــو فــوق الحـصـان
7- احتقاره لواقعه السياسي والاقتصادي::
يا مكثرة الحكي والفعايـل عـوج هـوج... ما يحذف الناس من كان بيته من زجـاج ما ثنوا عزم ابن عباس اصحاب البـروج... لين زوجها من اعزب حدب سيفـه زواج
أمـــة مـــا لـلـقـيـم فــــي ضـمـايـرهـا رســــوخ
مـجـدهـا مـــاءٌ تـبـخـر عــلــى هـيـئــة دخــــان
يا حمد لا تأمن الجدب في خضر المـروج... مزنة العذب الفرات امطرت ملـح اجـاج
ولولا قولة والنعم ما اعتلوا فوق السروج... امة قبلك خبـر حيهـا فـي الأرض داج
الـطـعـون طـعــون يـالـلـي تسـمـيـهـا مــشــوخ
ولا يـحـقـر ثـــاره إلا الـجـبـان بــــن الـجـبــان
8- محاولةإشعاله لفتنة طائفية واقليمية بقوله:
كل اهل نجد هلي من إجاء حتى الخميس=في ذراهم بالتجي عن مجففة الرسوس
وهذا البيت كافي فقط لبث الفتنة في المجتمع السعودي,لأنه اقتصر على اقليم نجد وأهله, وترك كل مناطق المملكة:الشمال والجنوب والحجاز والشرقية.يعني البقية ماهم سعودييين؟؟ولايستاهلون من يعتزي بهم!!!
هي اقعدبها هالحين مااحد رشحك من بقية المناطق.
9- تهكمه من بعض حكام العرب, وانهم لعبة في يد إسرائيل في قوله:
مـاجـنـه تـحـمـل يـداهــا تـســع حـبــات خـــوخ = سـرهـا عـنــد آل حـســان والـبـيـض الـحـسـان
فـي حضـور المسـخ الأكبـر تعشتـنـا المـسـوخ
وأردفـونـا فـــي ظـهــر بكـرتـيـنٍ مـــن عـمــان
العـوض فـي قبـة البيـت الأقـصـى بـيـت كــوخ
وكــل حـربـة عــود زانٍ عوضـهـا عــود بـــان
خصرها يحكي لنا واقع القوم التعيس=وردفها عن غطرسة بوش يعطينا دروس
10- وتعريضه بحاكم عربي:
وش نبي في هامة همها ضحكـة غنـوج.. أو قيامة قامـة مـا تقـوم عـود عـاج
وهذا البيت واضح المقصود فيه,هامة عربية,وقائدكبير,ماهمه الاالنسوان,وهومايستطيع يقوّم اعوجاج عود,فكيف تطالبونه بتقويم الفساد في دولته؟وهوأصلا فاسد.والدكتور غسان ذكي فهمها, وقال:هذا كلام ممكن يكون موجه لشخص معين, وممكن يكون موجه للجميع.وراجعو ملاحظة الدكتور في آخر حلقة.
11- الغمز واللمز الداخلي:
بين خدعة كعب اخيل ٍ ومولد ادونيس=درسونا الالهه والمدرس هيموروس
يعني ضحك على الدقون وخداع سياسي.
يـامـرقـصـة الـجــمــل يـامـقـرنـسـة الــفـــروخ=مــن طـمـان نفوسـكـم نـازلـيـنٍ فـــي الـطـمـان
واضح استهتاره ببني جلدته اللي اقاموا مهرجانات لعرض مزايين الابل,والحرب من حولهم تشتعل, وهم ماهم دارين عن الخطر اللي يتهددهم من الجوار الشرقي والجوارفي الشمال الغربي.يعني بين فكي كماشة الشيعة من الشرق والشمال, واسرائيل من الغرب.واخواننا نايمين في العسل,ومطمنين للآخر.
12- وخطاب موجه لقطر وتوقعه بذهاب البيرق,وأن موقف جمهوره معه خير له من الاوسمة:
يا حمد مسيار ربعي عليـه فـوج فـوج ... غايتي يوم الردي غايتـه نجمـه وتـاج
طيب وش جيت تدور في ابو ظبي,يوم ان مسيار ربعك فوج فوج أخيرلك من بيرق الشعر,شيء يضحك,يعني بالله لو فزت كنت تقول هالكلام,امداك أنت وربعك تمدحون في شاعر المليون ,وفي مصداقيته!!!!عجبي؟
13- الانحلال الاخلاقي والعهر الشعري في بعض شعره مثل: من سروري يوم أعانق طيفها فوق الوسادة.
حجم ناحل خصرها في ردفها لاجيت أحدد..حجم نقطة نون داخل نون ماتقبل زيادة
ومن كثر ما جلدها صخيفٍ تحب اللبـس سـاده الخ الخ الخ الخ
وأنا والله مستحي أخرج عن الموضوع , وأجيبلكم نماذج من قصايد ناصر القديمة اللي تصور العلاقات الجنسية,لكن اللي يحب يتثقف جنسيا يقدر يطلع عليها خاصة قصيدته في بنات أغادير بالمغرب.
14- تكراره لذكر الخمر في اكثر قصايد المسابقة,مثل:
كبر اللقمه تحت ضوء حمراء الكؤوس؟ بين غيبوبة مخدر وصحوة عرق سوس؟ الف كاس وحب كيس؟ كن أصابعهـا مـن العنـاب أو قنانـي خمـر ساقي؟
من مـزاج الزنجبيلـه فـي شفـاه السلسبيلـه؟ ساقي النشوى لها من خروج في ولـوج كم أنال الصحو منهـا شديـد الإحتيـاج؟
شوفوا بالله:حمراء الكؤوس؟غيبوبة مخدر؟إلف كأس؟ساقي قناني خمر؟مزاج الزنجبيلة؟ساقي النشوى؟
لاتقولون لي:يقصد نشوى الرويني:النشوى في لسان العرب تعني مفعول الخمرة؟لأنه ذكر بعدها الصحو.
15- تناقض معاني أبياته مع توسلاته ونفاقه الواضح,بالله لاتغركم نفخه لنفسه وربعه ومسوي فيها عزة نفس وإباء وفخر, وكرامة, وعلو همة,وشموخ, وكل المهايط اللي يقوله في شعره..لقيناه يتهاوى على خشمه,وهويستجدي أم الإمارات الشيخة فاطمة بنت مبارك بقصيدة,أذلتنا كسعوديين,يوم شفناه يتشحدها قدام سبعين مليون مشاهد بشعره اللي يقول فيه:
كل رجال عظيم تجد خلفه مره =وفاطمه من خلف زايد على مر السنين
في وفاها من شعرها كل شعره= والوفاء من سمات الصالحين
قاسمته المر والحلو من كل شجره =وكافحت معه الليالي كفاح الصامدين
فاطمه يا ام الامارات يا اعظم مره =والله انك امي الثانيه لو تعلمين
بس أبيكم توقفون عند ثنتين: والله انك امي الثانيه لو تعلمين ,بالله هذا ماهو حلف كاذب,يعني بالله ياناصر متى عرفت الشيخة فاطمة؟ لاتكون مرضعتك في رنية وحنا ماندري, أفا والله ياولد سبيع أرخصت نفسك بهذه السهولة,وانت تقول:والنفوس اذا بغيت تعرفها ارم الفلوس
وشوفوا انعدام الذوق في قوله: في وفاها كل شعره من شعرها,ليته حدد وقال من شعر رأسها,بالله هذا كلام يليق بشاعريحترز من بعض المعاني المخجلة المذلة:كل شعره من شعرها؟؟عزالله إنها: دربنق.. دربنق..يابدر
وفي الاخير مانفعتك فاطمة ولا عيالها, لانك علقت آمالك عليهم, ونتيجة البرنامج من صناعة ربعك اللي سبيتهم ..ذولا مساكين مافي يدينهم شيء..
16- انعدام الذوق: بالله فيه واحد يتغزل في حبيبته:ويقول ويش المسك وآبو المسك مع ريحة عرقها,بصراحة هذه لغة حشاشين في الشارع تلقى الحشاش يقول::آبوك وآبو آبوك, والله لو أنه زنجي يتغزل في زنجية ماقال هذا الكلام السوقي, ألفاظ نابئة, وصدق بدر صفوق يوم قال هذه ماتقارن بأبيات سعود بن بندر.
بالله فيه واحد يتغزل في صدر حبيبته, ويقول:
كن عايم صدرها في وقفته قرم ينادي...في خضم المعركة هل من مبارز أو معادي؟؟؟؟!!!!!
هذا ماصار صدر بنت,هذا والله صدر هوك هوكنج المصارع الامريكي.وعشان كذا نقده العميمي وقال:هذي مفردات حرب عسكرية.
بالله فيه واحد يقول عن نهود حبيبته:
كل غضٍ فـي نحرهـا شايـفٍ نفسـه معالـي والثنيـن بصـراحـه يستحـقـون الإشــاده
عمركم بالله شفتم وحده نهدها في نحرها,لاتقولون يبالغ في ارتفاع النهد,لأنه ذكرني بمسرحية قديمة لسمير غانم,اسمها انا هايص واخويا لايص, كان لابس ملابس حرمة , وحاط نهود في نحره,وسأله واحد إيه دا, قالوه:صواريخ سكود.بالله شوفوا المقطع هذا في المسرحية وعطوني رأيكم.
وشوفوا بعدها اللغة السوقية: والثنين بصراحة يستحقون الإشادة,هذا كلام نواعم, ماهو كلام شعار,مثله مثل:
الطش والرش
الزبادي الزبد
والبيض المقشر
ذوق منحط.وكلام بزران وغدان مراهقين في الشارع,ومثل:
يحوف الشمس لين الشمس تصغرشوي شوي مثل عيـن البخـاري ,حطو خط تحت:شوي شوي,أما عين البخاري السمرقندي المغولي حطوا تحتها ألف خط,ليه ماكان ياباني ولا صيني ,ترى عيونهم أضيق, وإلا عشان القافية ماساعدتك...يالله خيرها في غيرها.مثل:
شلقة تيوس
قيس قيس
بتوع الاتوبيس
وفي بيت:
نجد بنت المجد ونسة مونسة الونيس=ماعسفها الا معزي ضحى اليوم العبوس
جريمة في وصف نجد,بالله كيف يخلي نجد مومس: مونسة للونيس,من جد جاء يكحلها أعماها,هذا الوصف مايقال ألا للبنت اللي لها أكثر من عشيق:مونسة الونيس,هذا والله العيب وشق الجيب.
لاتقولون هاه هاه عشان كذي مااخذ البيرق,لانه تجاوز حدود الادب الديني والاخلاقي والاجتماعي والسياسي وتعدى الخطوط الحمر,وعشان كذي وقفوه عند حده حتى مايجي السنة الجاية واحد مهايط يسوي مثله مادام ان الشغلة سب وشتم,وتعالي على الحكام والشعوب واخذ البريق,لا يبه /الشغلة ماهي كذي وبس,الا شعره فيه عيوب فنية كبيرة, منها تكرار المعاني والالفاظ اللي ذكرناه في اول الاسباب,وتلاحظون انه دايم يكرر في قصايده:الفرس الروم الترك..قيصر كسرى خورشيد باشا..فرعون,الشام ,مصر, فارس,..نجد" ماعلينا شوفوا عيوب شعره الفنية,اللي بصراحه تخرج كلامه من كونه شعر الى كونه كلام عادي,وينهو عن شعر بندر المحيا العتيبي اللي كله عاطفة وسمو وخيال وصور رووووعة,عكس شعر الفراعنة اللي اكبر عيوبه:
1- خلو شعره من العاطفة اللي هي أهم عناصر الشعر,والتي لولاها ماسمي الشعر شعر, لأن مكانه الشعور. وشعره عقلي بالدرجة الاولى.
2- قلة الخيال في شعره,وكل علماء الشعر يقولون الشعر عاطفة وخيال, الاان كل صورالفراعنةتشبيهية بسيطة ساذجة,كن كن كن مثل تقول تشبه..وهذا كلام يقوله العوام,مثل: خفها كنه بالنار؟كن دماث الصدر منها كنيسة؟ الكـرامـه جـوخـةٍ ؟ الحجـاج هـلال ؟ وكن ظفايرها ؟ كن أصابعهـا ؟ وكن ترايبها ؟ كن نحرهـا ؟ كن عايـم صدرهـا ؟ كـأن مالـه ولا عظـمٍ جسدهـا؟ مـا كـأن الله مثـل باقـي مخاليقـه خلقهـا؟ كأن الريح فيـه ؟ كأن جبـال سلمـى ؟ مثل عيـن البخـاري؟ محاذيف البـرد كبـر الجماجـم؟
3- افتقاد أبياته للوحدة العضوية,بمعنى انك تقدر تقدم بيت على بيت ,او تحذف بيت ولا يختل المعنى,وقد اكد هذا الدكتور غسان,وهذا يدل على ان القصيدة مفككة عضويا,بالاضافة الى انه احيانا يفقد قصيدته ترابطهاالمعنوي الموضوعي ويدخل ابيات حشو خارجة عن السياق مثل:
وليس عيباً إن خدعني بمكره كل هيس=لان مايفهم بمكر الهيوس الا الهيوس وشرهة الطوخي على من حضر من أهل طوخ=لأنتـصـب حــد السـنـان إرتـخـى حـبـل العـنـان واعـذابــي مـــن يـنــوخ جـمــال هـذيــل نـــوخ=قـبـل لا يـهـتـز مـــن سـاســه الـركــن الـيـمـان
من مـزاج الزنجبيلـه فـي شفـاه السلسبيلـه=أورد الساعـي كليـبٌ حتفـه نظـم الجليـلـه
جمـرةٍ فـي روح تمـره ضيعـت أبـو دليلـه=قايـدٍ حـاذاه قايـد ريـم وأنـسـاه القـيـاده
هذه الابيات حشو في سياق قصايده السابقة.ولاداعي لها.ومثلها كثير وياليل ما اطولك.
4- تركيزه على الجناس والسجع ,مما أدى إلى تكلفه في النظم, وهذا هو منهج الشعر في عهود الانحطاط الشعري في العهدين المملوكي والعثماني,حتى تحول الشعر إلى قوالب لفظية تهتم بالزخرفة الشكلية والمحسنات البديعية,على حساب الصورة والفكرة الشعرية الراقية والمعبرة,وأمثلة ذلك كثيرة منها:
آتقوس مع تقوس نواهدها وإقيس=قبتين قاب قوسين قوس ٍ جنب
سيـدة سـادات قـومٌ سـادةٌ أبنـاء ســاده
مرحبا يا مرحبا يـا مرحبـا بالطـش والـرش=بالحرير الحـر والغـرو الغريـر الغـر عـاد
شعى شاعي شعى شايع شعاهـا=شعاعـاً مـا يباريهـا مـبـاري
شعـى شيـع قراشيـع شعثهـا=إلى شعشع سبيـب مـا تمـاري
تزبـر ثـم تعبـر ليـن غـبـر=وحبر ماطـره وسـط الخبـاري
تجلهـم ثـم تدلهـم ثـم أكلهـم=بأمر باري بـرى باريـه بـاري
بروقه في فتوقـه مـن تشوقـه=يلاعبهـا بأطـراف الشـبـاري
شهب مشهاب ضـوٍ او شهـاب=شهب شباب اشهب برق عـاري
تحارش ثم تهارش ثـم تكـارش=خطارش غيمته من غير طـاري
تطش الرش حش القاعش حـش=ُيبـش ولا ينـش ولـه مـواري
تغـاريـق همـاريـق بـريـق=بباريـق ترقرقـهـا عـصـاري
لقبـل ثـم وبـل ثــم سـبـل=وطبل تحسبه يصـرف مصـاري
ولا جـل البـرد وبلـه وهـلـل=و كلّ المـاءُ يالماشـي حـذاري
مزونـه مزنـة ومزنـة ومزنـه=جـواري حاكـم تتلـو جـواري
مانقول غير الله يرحم مزنة بس.
5- عيوب في الأوزان الشعرية, واتحدى إذا ماكانت اللجنة جاملته,في مثل قوله:
قسقست لاحرارهم قيس قيس قيس قيس...هذا البيت مكسور100% والجماعة ساكتين ولا تعليق.مع ان القصيدة من بحر المديد:فاعلاتن فاعلن فاعلاتن فاعلن= فاعلاتن فاعلن فاعلاتن فاعلن
والبيت مكسور,لانهو: فاعلاتن فاعلن فعل فعل فعل فعل/كسر واضح للعمى, واللجنة متسامحة,مع ان فيه قصايد استبعدت قبل مرحلة48بسبب تغير بسيط في الوزن.والأبيات المكسرة كثيرة فيها زحافات وعلل,مثل:
ترجع الاذناب اذناب وتبقى الروس روس؟وليس عيبا ان خدعني بمكره كل هيس؟الخ الخ الخ
6- ضعف قدرة الفراعنة في النظم على أوزان جديدة او متعددة, فمعظم قصائده على بحرين فقط:المديد: فاعلاتن.. فاعلن ,والرمل:فاعلاتن.. فاعلاتن..
7- تكراره لقافية ساكنة الحرفين الأخيرين في كل قصائده,ومتقاربة الحروف:
قصيدة1: سديس/طعوس
قصيدة2:شيوخ/موبذان
قصيدة5:الهروج/العجاج
8- تكراره لألفاظ بعينها في تجاور غير مبرر, وهذا يشير لضعف المخزون اللغوي عند الشاعر,وإليكم هذه الأمثلة:فوج فوج ؟ الموج موج؟ العوج عوج؟ العيس عيس؟ الروس روس؟ الجوخ جوخ؟ والبقية تأتي:
يا حمد مسيار ربعي عليـه فـوج فـوج
أحمد الله يوم لي من خيال الموج مـوج
العدل يبقى عدل والدروب العـوج عـوج
حايل ٍ رابع سنه من خيار العيس عيس
ترجع الاذناب اذناب وتبقى الروس روس
الكـرامـه جـوخـةٍ مــن نفـيـس الـجـوخ جـــوخ
وفي خفوقي فرخ جنية يضرس ضريس
عيطموس دثرتني عيطموس
كن دماث الصدر منها كنيسه او كنيس
واعـذابــي مـــن يـنــوخ جـمــال هـذيــل نـــوخ
الـطـعـون طـعــون يـالـلـي تسـمـيـهـا مــشــوخ
ولايـحـقـر ثـــاره إلا الـجـبـان بــــن الـجـبــان
عيطموس ٍ دونها دثرتني عيطموس
قبتين قاب قوسين قوس ٍ جنب قوس
نجد بنت المجد ونسة مونسة الونيس
لان مايفهم بمكر الهيوس الا الهيوس
قسقسة لاحرارهم.قيس.قيس.قيس.قيس
ويش لاقوا من قناة السويس اهل السويس
ناقتي ياناقتي لارباع ولاسديس
9- المباشرة والسطحية في كثير من أبياته, خاصة في قصيدة:دثريني يامنير..وقصيدة :مطر زايد,اللي تحولت إلى جمل دعائية..ولافيها خيال ولاصور ولا رمز,مثل: الله يحفظه الله يخليه خوش ريال والله بلخيرطبعا ماقاله في قصايده لكنه قال مثلها:
سحـاب جعـل ربـي لا ومربـه=يعـم ابـه اليمانـي والنـزاري
ويسقى كل اهل شبـه الجزيـرة=تهامـة والحجـاز ونجـد داري
وأبو ظبـي ووادي العيـن منـه=تغـار لحسنـه جـزر الكنـاري
عساه فـوق قبـر الشيـخ زايـد=مئة ليـل وهـو سكـاب جـاري
قبر زائد ومـن هـو مثـل زايـد=و أفعالـه تغنيـهـا القـمـاري
ملك بالطيب كـل قلـوب شعبـه=بحب وخير واسلـوب حضـاري
والامثلة كثيرة.
10- الغموض التفسيري لبعض ابياته,وعشان كذي نجد اختلاف المفسرين حولها مما يشير الى انه يرصف كلمات بجوار بعض.لتكتسب الغموض ,ولايهمه فهموها الناس او لا؟بالعكس يتمنى ان لا يفهموها.لأنه هو لايفهمها ايضا.وعشان كذي قاله حمد السعيد انت اذا افصحت عن شعرك ظهرت عيوبه وتعرضت للنقد,واذا اغربت مااحد فهمك.عشان كذي تحب شعرك يكون غامض.
بالله اذا كان كل الشعار والنقاد وفلاسفة الشعر مجمعين على ان الشعر:لفظ ومعنى وصوره وخيال وعاطفة وموسيقى وقافية وانسجام تام بينها. وشعر ناصر فيه عيوب في كل هالعناصر.بالله يستحق لقب شاعرالمليون
.صح ممكن نقول ناصر شاعر حاله حال هالشعار المغنين المهايطين.لكن مستحيل نقول عنه شاعربيرق.
- ومن وجهة نظرنا كنقاد احرار نشوف اللجنة جاملته كثير,لكن في الأخير مايصح إلا الصحيح,ناصر مكانه مع الثمانية والأربعين,إنجاز له, أما صعوده للمرحلة النهائية, فهو مجاملات اللجنة.والحمدلله إن الجمهور العربي والخليجي جمهور واعي لم تخدعه ألحان ناصر وموالاته, ولا مجاملات الحكام ,فقال أخيرا كلمته , وأعطى البيرق لمن يستحق.
وجاء ناصر في ذيل القائمة بنقطتين فقط, وفي الحلقة قبل الأخيرة تأهل بضربة حظ,لأن تصويته كان آخر واحد.
لاتقولون:إن القائمين على البرنامج ظلموه؟لا والله, لو كانوا بالفعل ظلموه ماجاملوه وخلوه يستمر حتى آخر حلقة,بالعكس الزعل كان واضح عليهم ,لأن ناصر ما أخذ البيرق؟ بالله كيف يظلمون أكثر واحد مدحهم, وتوسل لهم: مدح الشيخ زايد والشيخ خليفة والشيخ محمد حتى أم محمد بن زايد مدحها, وتعهد قدامهم يكتب عن مسيرة الشيخ زايد.يعني بصراحة توسل واضح ومكشوف للحصول على البيرق,لكن هيهات مايصح الا الصحيح.