على بالي تمر ذكرى
تألمني وتبجيني ..
وانا جالس مع نفسي ..
اناغيها وتناغيني ..
يذكرى شالذي جابج ..
وشاللي ذكرج فيني ..
اسمعت صرخة تهز القلب ..
عجيبة ياللي ناسيني ..
صرت ابجي واسايلها ..
انا اعرفج !! تعرفيني ؟؟
اظنج بالخطا جيتي ..
مهو انا التقصديني ..
وقفت وخاطري مشغول
وقلت الها تذكريني ؟؟
انا منهو اذا اتقولي
انا اعرفج وتعرفيني ...
تفجر بعيونها بركان ..
دمعها غرق عيوني ..
تقول الله يادنيا ..
يتيمة ماتذكروني !!!
يتيمة ولا ابو عندي
وكل اخواني عافوني
وصرت وحدي في هالدنيا
اصارع بالاسى سنيني ..
يتيمة والزمن قاسي
وجيتك انت تحميني
اريدن منك الرحمة
وتعوضني جفا سنيني ..
قلت الله ... يادنيا
بعد هالمدة جيتيني
انا اهلج انا ناسج
تعالي بحضني يعيوني ...
بداية اشكر الاخت الشموع على هذه المبادرة الطيبة والنبيلة ..
وحبيت اشارك بهذه الكلمات الارتجالية ( لكنها تعبر عن قصة واقعية حدثت ) ...
ارجو ان تنال الاستحسان ..