iAhmad عضو فعال
رد: ...: احكي لنا حكايه :....
السلام عليكم ورحمة الله وبركاته قصة عشان سلسبيل...بس ما فيها كمبيوتر :قليل حيا ------------------------------------------------------------------------ تعشينا والحمد لله وحان وقت القصة قصتي اسمها "الفانوص و الاسنان" طبعا هالقصة حدثت على 3 مراحل يعني 3 في 1 <<شامبو مو قصة.....المهم....اولها لما كنت انا في الصف الاول الأبتدائي...كنت ولد شيطون...وفي يوم من الايام كنت في الفصل وجاني احد الطلاب المحترمين وصار "يتعيلف" يعني يحاول مضايقتي...وكنت احاول اتجنبه بس "عمك اصمخ" ما في فايدة....ولما طفح الكيل..انا تهورت وما شاف الطالب الا و أيدي في الهوى وجاية في بوزه "طااااااااخخخخخ" بكس و مع هذا البكس طاح احد اسنان الولد الامامية وما شفت الا الدم في ايدي والطالب يصيح وباقي طلاب الفصل يطالعوني بنظرات قوية (كـأنهم يقولو وش مسوي هذا) وطبعا ما لبث الخبر إلا ان وصل للسلطات العليى "المدير " وطلبت انا للمدير وطبعا حصلت على تهزيئة محترمة خلتني اصيح لنهاية دوام المدرسة....(1) الجزئ الثاني...كان بعد سنتين..يعني انا في الصف الرابع الابتدائي...ويومها كنت طالع للفسحة...وكنت يومها جوعان...ورحت للمقصف وكان زحمة...بس عشان الفطيرة ام جبن كل شئ يهون...المهم...بعد عناء طويل في طابور المقصف...حصلت على فطيرة الجبن ومعها عصير برتقال "يا سلام" ولما جيت افتح الفطيرة...جاني احد اصحابي الحلوين...وكان في ايده رمل... ورماه عليي وصار نصه في الفطيرة...وقتها ما شفتوني تلون وجهي...عصبت وصاحبنا يضحك ولا على باله...عاد انا ما تمالكت اعصبي....ومثل المرة الاولى...طخيته بكس في بوزه....وكالعادة...طاح احد اسنانه...وبطبيعة الحال الخبر ما لبث نص دقيقة حتى وصل للمدير...وطلبت للمدير وانا ارتجف...وانا في بالي ان هالمرة ما راح تعدي على خير...لما وصلت للمدير ونظرات الخوف بادية على وجهي...استغل المدير هذا الموقف...وصرخ فيني..."يعني انت ترضى الحين اجيب زرادية واشيل ضرسك"...المدير زاد الطين بلة..انفجرت انا بالبكاء...وهو بعده معصب ويصورخ...والطلاب يطالعوني من النافذة والخوف على وجوههم....المهم...بعد نصف ساعة من البكاء المتواصل وتخويف من المدير...انصرفت إلى فصلي...ونمت بقية الدوام...ومن يومها احسست بحاجة غريبة داخلي...واصبحت إنسان ما يدوس نملة... "مسالم" (2) الجزئ الثالث بعد فترة من الزمن...."روح يا يوم تعال يا يوم روحي يا سنة تعالي يا سنة" اقتباس من الحكواتيه سلسبيل وصلت للمرحة الثانوية...بالتحديد في الصف الثاني الثانوي...كان احد الايام المشمسة...وكانت الحصة حصة رياضيات...وكنت انا لابس ملابس رياضة...بعد انتهاء الدرس المقرف وبعده3 تمارين....انتهينا...وحزم الاستاذ اغراضه في انتظار نهاية الحصة...وراح وقف عند باب الفصل، وصار يتكلم مع احد الاساتذة وطلع من الفصل من ودن شعور...وطبعا بعد خروج الاستاذ قام كل الطلاب من اماكنهم...والكل يتكلم ويسولف...المهم...جاني احد الطلاب عند طاولتي وجلس عليها...طلبت منه يقوم عن الطالولة...رفض...وقفت وانا امزح معاه واقوله قوم...وبدون قصد..دفعني هذا الطالب..وسقطت على وجهي واحسست بألم في اوسط رأسي وحنكي....طبعا سقوطي كان مدوي.."مع اني مو متين" لدرجة ان طلاب الفصل سكتو وصارو يطالعوني..يفكرو حصل خير...بعد قيامي من على الارض بصعوبة...رأيت قطعة بيضاء صغيرة على الارض ولون احمر حواليها والطلاب يقولو لي "ضرسك طاح" وانا مذهول وش صاير....وطبعا الجاني ما تحمل الموقف...وجلس على كرسيي..."مرة ثانية" وطلعت بسرعة ومعاي 3 طلاب وانا في نصف صدمة ما ادري وش صاير حولي..وصلت غرفة الوكيل وطلبت الخروج..طبعا بعد تحقيق عن الحادث سمحو لي بالخروج...وكان احد اقربائي من الطلاب في المدرسة...مسكين طلعوه من فصله....واخذني للمستوصف...بعد ما وصلت للمستوصف وبعد الفحص الي صار...اكتشفت ان احد اسناني الامامية انكسر نصفه...واحد شفاي انشقت...وانا اسأل الدكتور في المستوصف وش هو الحل الحين...رد عليي بكل برود...يا انك تخلي الضرس كذا وهو مكسور...او انك تشيله وتصير "بدون"...في هذي اللحظة وقف قلبي...وطلعت من المستوصف وهموم الدنيا فوق رأسي...اخذت تحويل لمستشفى الجش...وذهب اسعاف وتم اسعافي وانتهى الموضوع...وضليت تقريبا سنة وشهر بضرس مكسور...لانهم اخبروني في المستشفى انه يمكني تركيب تلبيسة للضرس ويرجع كما كان...ولما وصلت ثالث ثانوي في الاجازة بين النصف الاول والثاني...عملت التلبيسة والي يشوفني الحين ما يعرف ان عندي ضرس مكسور وملبس(3) .. جل التحية