بسم الله الرحمن الرحيم
"شيعي ورافضي ومغرم بالحسين"
كلمات قالها طفل عراقي في حفل التوقيع على قانون إدارة الدولة المؤقت.
علاوي ابني كبر وبصف الأول صار
وش ماخذ أول درس؟ منطينه كلمة دار
رد وسألني الطفل .. شتعني بابا الدار؟
جاوبته تعني الوطن .. عائله وتسكن بيت
والدور؟ الدور .. يعني الجار
وغربتنه بابا وطن؟ إي بابا هذا وطن
بس وطن بالإيجار
وحياتك يا وطن .. ما بقت من باقوك * ولا أنا العراقي النزّلت صيته
معروف الحرامي يبوق غير بيوت * بس عدنا الحرامي يبوق من بيته
لامونا قبل ما ثرنا عالطاغوت * ويطعنون على راعي ومشاعر
واحنا بكل فرع مزروع حقل ألغام * وبين الباب والشارع سواتر
أثور بايش اثور بيا شعب تعبان؟ * باليجدّون ؟ بالباعوا جقاير؟
أثور بايش اثور وإنته بيّه تلوم؟ * باليصفقون ؟ بالباعوا ضماير؟
مو بس بالأرض تلقون بيها قبور * احفروا بكل قلب توجد مقابر
انطيني وقت قد الرصاصات * لحظة ما إجن يردن اعدامي
أشهد لا جريمه غير الأسلاف * واشهد بالرئيس أول حرامي
واشهد يا سعر مشتري التاريخ * و واستعرف سقوط شقد أسامي
واشهد يا خليفه بعد الحسين * جان يصيح أشياخي وعمامي
انطيني وقت قد لمعة السيف * أسلّم عالحسين يرد سلامي
وانطاني وقت في شدّ العيون * وقبل اعدامي سمّعني اتهامي
شيعي ورافضي ومُغرم بالحسين * صنف دمّي طلع حيدر إمامي
هنـــا
تحياتي..
