ابو نور عضو فعال
رد: للمتزوجين من الأعضاء
اقتباس: المشاركة الأصلية كتبت بواسطة ابتسامةأمل الموضوع عجيب أخواني أحنا موفي بلد غربي البنت تشوف الشاب أوالشاب يشوف البنت أحنا في بلدعربي محافظ البنت ماتشوف الشاب وتتكلم معاه بعدين هذا فيلم هندي إذا صار إللي تتكلمواعنه واقع .... أنا أعتقدمافي بنت واعية وعاقلة تسوي كذا والموضوع بصراحة كلش غريب لأني ولا مرة سمعت إن هالسالفة صارت في مجتمعنا عاد إذاكانت البنت بايعة نفسها فهذاشيء ثاني اعذريني اختي بس الواقع يقول حالات الاغتصاب في البلد سببها ان البنات صاروا يقلدو الغرب والاصح صارو يقلدو الاقربون وهم العرب اللي عايشين بحرية مثل الكويت وسوريا وغيرها من الدول العربية طبعا مو الكل انا اتكلم عن شريحة بسيطة موجودة في مجتمعنا ولا نكذب على نفسنا بمثاليات زائفة الشر والفساد موجود في كل مكان واحنا واجبنا نوقف ضده ونواجهه مو نتهرب منه واذا وحدة طلبت من شخص يقدر يتحمل المسؤلية انه يتزوجها ويستر عليها فهذي مو بايعة نفسها بالعكس -------- شاب متخرج من الثانوية بتقدير مقبول تزوج اثنتين مدرسات وساكنين في شقة واحدة والزوجتين اكبر من الشاب والزوجتين يصرفو على البيت والزوج ايش السبب اللي يخلي البنت توصل الى هالمستوى؟ لو ما كانو خايفين يفوتهم قطار الزواج او الناس تألف قصص عليهم والعياذ بالله مافكرو يتزوجو لانهم مو بحاجة لزوج يصرف عليهم بحاجة للستر وهذا شي كبير كبير كبير تحياتي لك