[ينبوع المعرفة]

عموماا..



مافيه علاج شافي بشكل نهائي الى مرض فقر الدم المنجلي الا بعملية زراعة نخاع عظم الى المريض المصاب ..


بس هالعملية مايوصفوها الا الى حالات قليله جداا جدا من المرضى.. وماسمعنا الى الحين ان مريض سواها ولان غالبية المرضى في غنى عنها .. لأن العملية ماهي سهلة وفيها خطورة ونتائجها مو دايما تكون مرضية وغير الادوية اللي بيستخدمها الى انقاص المناعة عنده وراح يستمر عليها ولها اعراضها الخطيرة ..وهذا اذا لقى متبرع يكون نخاع العظم حقه مناسب الى المريض .. وغير ان العملية وتكلفتها وتكلفة العلاج الازم ان يستمر عليه بعد العملية غالية واااجد .. فانا ليش ادخل مريض يعاني من مرض مزمن قادر يتعايش معاه في عملية ممكن تسبب له انتكاسة صحيه فادحة وماهي مضمونة النتائج وتكلفتها باهضة .. فمن الانسب انه مايعملها .. يعني بعض مرضى الثلاسيميا الاخطر من السكلسل او اللي عندهم لوكيميا يسوها اليهم اذا حصلوا ليهم متبرع مناسب .. لان اساسا حياتهم تكون في خطر وهي فرصتهم النهائية ..



بينما مريض السكلسل اللي هو اساسي جيني وطبعا هو انواع من حيث حدة المرض في المريض ..

لكن بشكل عام هم عايشين طبيعي الا انهم تحصل عندهم ازمات مرضيه او ازمات السكلسل الصحية skill cell crisis .. اللي هي اربع انواع .. اما انسداد في الاوعية الدموية بسبب تكون الخثرة ((الاكثر حدوثا )) وهي اللي يجي فيها المريض يشتكي من الالم في مواقع معينه من الجسم .. او بسبب انحباس وتجمع الدم في الطحال .. او بسبب نقص وتوقف مفاجئ في تصنيع خلايا الدم وهذا يحفزها حدوث عدوى فيروسيه قبلها .. او تكسر مفاجئ لكريات الدم الحمراء بكمية كبيرة ..


وطبعا فيه تعقيدات ومشاكل المرض .. اللي من ضمنها حدوث عدوى بكتيرية و فيروسية متكرره او خثرة دموية خصوصا في اوعية الدم اللي تغذي الرئة << فيجي المريض كانه يشتكي من ذبحة صدرية ..

عمى مفاجئ في احد العينين .. بسبب انسداد في الاوعية الدموية اللي تغذي العين ..

او مشاكل في انتصاب العضو الذكري او حدوث تصلب مفاجئ فيه ..بسبب انحباس الدم فيه فيحتاج الى تبديل دم


او حدوث حصوات في المراره .. وغيرها من تعقيدات المرض اللي مو شرط انها تحدث في المريض الا في الحالات الخطيرة منه ..


المهم ..

ان المرض ماله علاج جدري و اللي يصير من تدخل علاجي في كل مستشفيات العالم وعند كل دكاترة العالم ماهو الا علاج الى الاعراض او الازمات وتعقيدات المرض .. يعني يجي المريض على حسب نوع الازمه اللي يشتكي منها يتم علاجه ..

يعني جا المريض بنوبة الم حاد بسبب انسداد في الاوعية الدموية تعطيه ادوية مخدره تخفف عنه الالم مثل المورفين والبثدين والكودين وغيرها ..

جاا بنوبة تكسر مفاجئه او توقف تصنيع خلايا الدم .. نعمل له نقل دم

وهكذا كل حالة على حسب ماتحتاج نعالجها ..


...

اقتباس: فأرشدوهم إلى هذا الطبيب الماهر الذي بستطاعته بفضل اللهعليه أن يعالج هذا المرض بحيث تختفي جميع أعراض هذا المرض

اقتباس: ثم يكتب لك الوصفهكل على حسب حدة المرض لديه وهي عباره عن نوع من الحبوب يقوم المريض بصرفه منالصيدليه

نجي الى الاعلان المكتوب اللي من خلاله بنتطرق الى دواء يعتبر جديد بس صار له سنيين يستخدم (( استخدم في امريكا من 1998 )) .. وهو دواء الهيدروكسي يوريا اللي ماهو من اختراع الدكتور البحريني اللي اسمه عبدالله العجمي ولا هو الوحييييييد اللي يستخدمه عشان نسوي اله هالدعاية >> يعني الاعلان مضحك حقيقة و هو اقرب الى النصب والخداع ..

وترى في مستشفى القطيف المركزي يستخدموه :)


يعني اللي يبغى يجي الي انا وبعدين سنه سادسه طب واوصف له الدواء بعد ما نتأكد انه يحتاج له ومناسب له ههههه


هالدواء يستخدم في انواع من السرطانات .. ومع الابحاث شافوا انه يزود نسبة هيموجلوبين الاجنه في الدم .. اللي يبدا يقل الى ان يختفي عندنا بعد 6 شهور من الولادة .. فعشان كذا هو ينفع الى صغار السن .. عشان يزود نسبة هيموجلوبين الاجنة .. بينما اذا اختفى ماينفع معاهم .. لان هيموجلوبين الاجنه مايتأثر بالسكلسل ولا تترسب او تتكسر كريات الدم الحمراء اللي تحتويه على هيموجلوبين الاجنة لانه مايحتوي على البيتا هيموجلوبين اللي صار فيها خطأ جيني في مرضى السكلسل ..





وهو هذا فائدته انه يقلل من حدوث الاعراض ,, بس مو معناته انه يمنعها بشكل نهائي ويقلل الاحتياج الى نقل الدم و حدوث الازمات المرضية بشكل عام ..


Hydroxyurea (Hydrea) was found to help some patients by reducing the frequency of painful crises and episodes of acute chest syndrome (which includes chest pain and difficulty breathing). It also decreases the need for blood transfusions. There has been some concern about the possibility of this drug causing leukemia, but as yet there are no definitive data that Hydrea causes leukemia in sickle cell patients.



,,,,


تحياتي

د. ينبوع :)