واللعب بالحبلين يخسـون يخسـون
وجرح الكرامه والجفاء والتفاهـات
مانـي بقابلهـا عساهـم يهينـون
والحب ل(اصبح) بين شك ومزاجات
احسن يموت وفي ثرى القاع مدفون
ياعلـةٍ زادت عـلـي التنـهـات
إن قالهـا الله ياجروحـي تطيبـون
وياطرفي اللي يقضي الليل مابـات
لابد مـن بعـد السهـر ماتغطـون
تكفيني الذكرى علـى كـل مافـات
والحلم طيفه يكفي عيـون محـزون
وانت أبتعد يكفيك ماضي الحماقـات
الله يهنيكـم علـى مـن تحـبـون
لو التمس لعـذار فـرض اتهامـات
حتـى مداخيـل العـذر ماينقـون
تدرون ماتسوون شعـر وروايـات
يازرع ظلٍ انحنى ازهار وغصـون
لو الشعرعالـج جميـع الخيانـات
يكفي شعر راكان ولا ابـن لعبـون
لكن مشاعر ناس في جملـة ابيـات
أللي صدر واللي على البحر يردون
تحياتي .. البرهي