[center]§"الفصل الثاني "§
" حسافة على الزمن القاسي .... حسافة على الصبر والأماني .. حسافة على دمعة من إحساسي "
" نور وضياء "
في الصباح نهضت فاطمة بكسل للمدرسة وهي تتأفف من الضيق . سبحت وصلت وراحت تلبس زي المدرسة وعدلت هندامها وحطت خواتم ولبست السلاسل وحطت لها مرطب شفايف ..
وراحت تفطر مع أمها وأبوها ..
فاطمة : صباح الخير ..
الأم & الأب : صباح النور ..
فاطمة : مامي ؟؟
الأم : نعم ؟
فاطمة : اليوم أبغي ملاك تجي تذاكر معاي في البيت لأني ماأبغي أروح بيتهم وأشوف أخوها ويضربني زي أمس ..
الأم : خليها تجي حياها ..
فاطمة : خلاص باقوليها تجي يلا باي ..
الأم & الأب : مع السلامة ..
~أما فبيت عمها عبد الله ~
علي كان لابس الزي الرسمي السعودي وجاهز للجامعة ..
وحسام تجهز لشغل ..
وملاك وعلياء جهزوا حالهم لروحة المدرسة ...
علي طبعا دوره اليوم هو اللي يوصل خواته المدرسة فلما خلصوا وفطوروا طلعوا ..
عند المدرسة فاطمة وصلت في نفس الوقت اللي وصلوا في ملاك وعلياء
وأول ما نزلت انتبهت لملاك وهي تنزل فراحت عندها على بالها أن حسام هو اللي جايبنهم ..
فاطمة : هاي ملاكوا ..
ملاك : هلا ..
فاطمة : هلا علياء ..
علياء بدون نفس : هلا ..
فاطمة : شخبارك حسوم ..
علي وهو يضحك : أنا مانا حسوم دققي النظر هههههه ..
فاطمة وهي متضايقة : تصدق ما انتبهت طالع كشخه ما تلوق عليك هالكشخه لأنك زباله لا أكثر هههههههه ..
علي : ضحكتيني إلا قولي لايقه عليا . " ورفع راسه بتكبر وغرور ..
ومحرك السيارة .. وقبل مايمشي ..
علي : سوري تأخرت .. بباي ههههههههههه ..
فاطمة اغتاضت من غروره وتعجرفه بس ما حبت تكمل وياه الجدال خصوصاً عند باب المدرسة فسكتت ..ومشت
في المدرسة الساعة 9:15..
ليالي وفاطمة بالصف ..
كانت المعلمة تشرح الدرس وليالي تكلم فاطمة ..
ليالي : أف ماليي خلق المدرسة ..
فاطمة : اللي يقول ذابحه حالي عليها ..
ليالي : أشوفج فيج جروح ..
فاطمة : ههه ..
المعلمة " بصريخ " : فاطمة في شيء يضحك ..
فاطمة انحرجت واستحت لان المعلمة سمعتها وهي تضحك فما ردت ..
المعلمة " بصريخ أقوى من قبل : فاطمة اكلمج في شيء يضحك ..
فاطمة ومنزله راسها للأرض وقريب تصيح : لا .
المعلمة بعصبية : وتقوليها بعد . أخر شيء توقعت أن وحده ممتازة ومؤدبة تسوي ها لحركات ..
طبعاً لأن فاطمة حساسة بالدرجة الأولى فقامت تصيح .. وخلت راسها ع الطاولة.. إلى حزت ما انتهت الحصة ..
ولما انتهت الحصة نادتها المعلمة تجي وراها وكان وقت الفسحة فكانت ملاك تنتظرها عند باب الفصل ويوم شافتها طالعة وراء المعلمة وصايره حمراء من لصياح راحت سألت ليالي ...
ملاك : ليالي وش فيها طمطوم ..
ليالي وهي متفشله لأنها تحس أنها هي السبب : كنا نتكلم وضحكت فطوم وصادتها المعلمة وهزأتها ..
ملاك : مسكينة فطوم أن زين ألحين وش تبي منها ..
ليالي ما أدري ..
وراحوا ليالي وملاك يتمشوا
أما المعلمة وفاطمة
المعلمة هزأت فاطمة وقالت ..
المعلمة : صحيح أنج شاطرة ومميزة بس هذا ما يشفع الوقاحة والضحك اللي سويته ..
فاطمة منزلة راسها وما ترد تركت دموعها ترد ..
المعلمة : ليش ما تردي ..
فاطمة : ...... " دموع "
المعلمة : ما في عندج جواب لأنج عارفة أنج غلطانة ..
فاطمة على صوت صياحها
المعلمة : خلاص روحي الفصل ولو تكرر الموضوع مره ثانية بتشوفي معاملة ثانية ما تتوقعيها فاهمة ...
وراحت فاطمة الفصل وهي تصيح ...
مرت عليها ليالي وملاك
ملاك : فطوم حبيبتي وش فيح ..
فاطمة ما ترد تصيح ..
ليالي : فطوم أني آسفة أني السبب ...
فاطمة بعد ما ترد تصيح ..
ملاك : فاطمة . حياتي خلاص ..
طبعا فهادي الأثناء دخلت المعلمة .فطلعت ملاك من الفصل
انتهى الدوام وطلعت فاطمة من دون ما تشوف ملاك ومن دون ما تكلم ليالي ..
دخلت فاطمة بيتهم ومن دون ما تسلم على أمها دخلت غرفتها وقامت تصيح
الأم حست لبنتها أنها متضايقة فراحت تشوفها ..
الأم : فاطمة وش فيج ..
فاطمة : ما فيني شيء...
الأم : ما فيج شيء وأنتين تصيحي
فاطمة زاد صياحها
الأم : أحد مضايقنج فالمدرسة ..
فاطمة : المعلمة هزأتني وخلتني ما أسوى قدام البنات ..
الأم : أي معلمة ..
فاطمة : معلمة التاريخ ..
الأم : ما عليج منها لا تضيقي خلقج عليها .يلا قومي ..
قامت فاطمة مع أمها وهي تقول في بالها صحيح ليش أضايق نفسي عليها أصلا هي ما تسوى ..
في بيت ملاك على الغذاء
ملاك كانت متضايقة على فاطمة وايد
الأم : ملاك وش فيج سرحانة ...
علياء : في من سرحانة ..
ملاك : مافيني شيء ..
حسام : بس شكلج سرحانة ..
ملاك "بضيق " : ماني سرحانة ..
علي : العصبية تدل ..
علياء : أصلا من وأنتين بالمدرسة ملانه وسرحانة وش السالفة ..
ملاك : مافي شيء ..
علياء : شكلج متزاعلة ويفطيم لان ما جت لج نهاية الدوام وما مشيت وياها بالفسحة ...
ملاك : لا ما ني متزاعله ويا فطوم بس متضايق علشانها ...
علي : أستر تضايقي على حساب هادي وليش وش صاير فيها ..
علياء : أكيد مسويه بلوه فالمدرسة ..
ملاك : لا بس ليالي الله يهديها كلمتها والمعلمة تشرح وخلتها تضحك وهزأتها المعلمة ...
علي مات من الضحك : كما تدين تدان ههه ....
ملاك : حرام تضحك أصلاً ما أدري وش قالت ليها لان رجعت من عندها وهي تصيح ولا كلمت ليالي طول الحصص ..
علياء : تستاهل أحد قال ليها تضحك فالحصة ..
ملاك : باروح أدق عليها باشوف ترد عليي وإلا لا ..
علياء : إلا يقول أختج تسألي عنها ...
ملاك تغايض علياء : وأكثر ..
ومسكت ملاك جوالها ودقت عليها وفتحت مكبر الصوت تغايض علياء ..
ورن عدة رنات بعدين ردت فاطمة ..
فاطمة : الو
ملاك : هلا فطوم ..
فاطمة : هلا ملاك ..
ملاك : بعدج متضايقة ..
فاطمة : لا كنت متضايقة بس ألحين لا ...
ملاك وهي تضحك : زين أحسن بس من اللي خلاج ما تضايقي " بخباثة " ..
فاطمة : ما حد في غير أمي وياي فالبيت ..
ملاك : الله ساعة فالمدرسة نراضيج ولا ترضي ..
فاطمة : حبيبتي أمي غير .. وبعدين في سبب ثاني خلاني ما أتضايق ..
ملاك : وش هو؟
فاطمة : ما ني قايلة؟؟
ملاك بشوق وحماس : فطوم قولي ..
فاطمة : لا ..
ملاك : فطوم هذا جزاتي أتصل فيج وأقول فطوم ما أقدر على زعلها ..
فاطمة : خلاص بقول بس ما تقولي لأحد .
ملاك : زين ..
ملاك من الحماس نست أنها حاطه مكبر الصوت ..
فاطمة : لأني حسيتى نفسي أكبر من أن وحدة ماتسوى تضايقني فهمتي وبعدين لان اليوم يوم مميز بالنسبة ليي ..
ملاك وبحيره : وش المميز ؟؟..
فاطمة : اليوم بتشوفي ...
ملاك : لا وكيف بشوف .
فاطمة : مابتجي البيت ؟
ملاك : لا . أنتين مابتجي البيت .
فاطمة : لا دام أخوج فيه ..
علي ابتسم لم سمع أن فاطمة تخاف منه يعني يقدر يخطط خطه أدمرها وتخليها تندم على الساعة اللي انولدت فيها ..
ملاك لازالت مصره تعرف السبب ألحين ألحين ..
ملاك : فطيموا قولي " بحماس وصراخ "
فاطمة " مستانسة ع حماس ملاك وتبي تقهرها زيادة " : ماني أتيي وتعرفي .
ملاك : ألحين أبي أعرف ..
فاطمة : لالا لالالا مايصير ..
ملاك : قلت لج ما بقول لأحد ..
فاطمة : مصره ..
ملاك : يا لله حلقي راح صوته وأنتين تقولي مصره ..
فاطمة : الصراحة اليوم مره حلو وممتع لأني بتيي خالتي ماجدة البيت
ملاك : والمعنى ؟
فاطمة : غبية أنتين بشوف الحب آآآآآآه...آه ياملوكة ماأقدر أوصف لج
علياء صفعت ع راسها حسام فتح فمه أم حسام فتحت عيونها وعلي عيونه طفرت من مكانها من قوة الصدمة .
ملاك : من ؟؟ " تتكلم بالإشارات تفكر ما حد يسمعها خخخخخ" ..
فاطمة : من يعني .. أكيد حيدور ولد خالتي .. "قالتها برقة "
" حيدر شاب حنطاوي وسيم يدرس بجامعة الملك فهد للبترول والمعادن مع علي في نفس التخصص " هندسة حاسب وبرمجة نظم " هادي طموح جاد شخصيته قويه لهذا السبب فاطمة أعجبت فيه "
ملاك : أحم .. أحم ما نقدر ..
فاطمة : فبعدين يا عمري ابيج تيين ليا البيت علشان نذاكر لنا كم كلمة قبل لا أنسى فهمتي عمري ..
ملاك : أوكي اسأل أمي واتصل في أبوي وأرد عليج يلا باي ..
فاطمة : بايات ..
وقفلت مـــلاك من عند فاطمة إلا الأنظار كلها عليها وبدت علياء بالكلام
علياء : أوه الأخت مره جريئة وبكل جراءه تقول حيدور ولد خالتي " وهي تقلد على فاطمة "
ملاك بخوف أن احد سمعها : ومن وين سمعتي؟
علياء : الكل سمع مو بس أني ههههههه ..
ملاك : كيف سـ سمعتي..
علياء : هههه أنتين حاطه مكبر الصوت.
ملاك : أوه صح .صح
علي : ههه طلعت بنت العم رومانسية ، لا وتحب من حيدر هههههه حيدر
ملاك صارت حمراء
الأم : يمكن تتطلع محجوزة لولد خالتها لانها رابيه وياهم ..
ملاك: أماه بروح بيت عمي عادي ؟...
الأم : عادي ...
ملاك: عاد ألحين ابي واحد من هالشباب الحلوين يوصلوني بيت عمي ...
حسام : أنا متواعد ويا الربع سوري ما أقدر...
ملاك :علاوي ...
علي: أممم "يفكر" أوصلج ليش لا دام من شوف حيدور" يقلد ع فاطمة ..
ملاك :خلاص بعد ساعة تقريباً .
علي: ومتى بييي حيدور >> يقلد ؟
ملاك : ما أدري ..
علي : أها ...
ومر الوقت وعلى الساعة 3ونص ...
ملاك تجهزت ولبست بلوزة فوشيه وبنطلون أسود واسع من تحت
وعلي لبس بنطلون جينز وبلوزة برتقالية ولبس نظاره وجزمه سوداء وبرتقالية... وطلع جنان أحلى من الحلى ...
وطلع هو وملاك وراحوا بيت عمهم ...
ولما وصلوا بيت عمهم كانوا بيت خالة فاطمة هناك ...
نزلت ملاك وعلي من السيارة ودخلت ملا ك بيت عمها ..
ملاك دخلت قبل علي لان علي دق عليه واحد من ربعه فلما شافت فاطمة ملاك نطت عليها تحضنها
فاطمة: هلا ملاكوا .
ملاك قربت منها و غمزت ليها : ها جاء الحبيب " بصوت منخفض "
فاطمة بخجل : أيه قاعد هناك..
" طبعاً فاطمة ما تغطي ويها عن أولاد خالتها ولا أولاد عمها لانها رابية وياهم بس تتحجب "
علي دخل بيت عمه بعد ما خلص المكالمة
ملاك كانت واقفه ويا فاطمة وفاطمة ما انتبهت لعلي وهو داخل
علي راح يم زوجة عمه : شخبارج مرت عمي ؟
أم فاطمة : تمام أنت شخبارك .
علي: تمام ..
فاطمة سمعت صوت علي انصدمت.
فاطمة بصوت منخفض : ملاكوا أخوج وش جابه ..
ملاك: موصلني.
فاطمة : أني مابي أروح بيتكم لانه هناك ألحين تخليه ييي البيت، كان خليتي حسام ييـبج.
ملاك: حسام طلع مع أصحابه ما في غير علي..
وفهالأثناء وصل علي جنبهم بعد ما سلم ع الجماعة الثانيين .
علي وهو يبتسم : أوه سمعت أسمي من اللي قاعد يحش عليا ..
فاطمة سكتت."ما تبي حيدر يسمعها تهاوش علي "
ملاك : لا بس فاطمة مستغربة أنت ياي بعد هوشتك وياها اليوم الصبح ..
علي: ههههه الظاهر صرت شبح ..
أم فاطمة : أه واني اليوم أقول وش فيها فاطمة تصيح وهي يايه من المدرسة وتكذب عليا تقول المعلمة معصبة عليها طلع علي متهاوش وياها..
فاطمة استحت و لا ردت
علي : اليوم فاطمة صايره مسالمة ، ما بدت الهوشه وياي
أم فاطمة : تخاف تضربها اليوم الصباح أول ما قعدت من النوم تقول ماني رايحه بيت عمي أخاف علي يضربني " ضحكت " خوفتها . .
علي : شدعوه لهدرجة أنا أخوف ...
فاطمة بصوت واطي : وايد ...
علي : وش قلتي ما سمعت ..
فاطمة : سمعت أتوقع ..
ملاك : ألحين بيبدوا هواش ..
فاطمة : أخوج هو اللي بدأ أصلا ً أني ساكتة ولاني متكلمة وباخليه يهاوش نفسه ..
علي : حشى شايفتني مينون ..
فاطمة بصوت خفيض : من زمان ...
علي : نعم كرري وش قلتي ؟؟
فاطمة : سلامتك ما قلت شي ..
علي : صدقتج ..
فاطمة : أقول علي أنت عندك أصحاب ..
علي : أيه عندي بس ما عندهم خدمات توصيل ..
فاطمة : وش قصدك ..
علي : ما قصدي شيء سلامتج ..
فاطمة بعصبية : أقول يعني ما عندك أصحاب تطلع وياهم ألحين ولا لا..
علي ببرود : عندي بس ماليي خلقهم ..
فاطمة بعصبية : أقول كأنك لزقت فالبيت أطلع ياولد الناس ..
" الكل طلع فاطمة وهو مستغرب من موقفها الغريب اللي سوته "
علي : طريده يعني ..
فاطمة : أيه ..
علي بتكبر وتعجرف : أوكي باي أن طالع ملاك دقي على حسوم " قالها وهو يقلد على فاطمة " خليه ييـج ..
ملاك : علي أنت تدري أن حسام طالع ويا أصحابه يعني ما بييي ليا .
علي مارد وراح عند الباب .. وقبل مايطلع طلع فاطمة بنظرة خلتها تنزل عيونها وبعدها طلع ...
فاطمة في ها الاثناء حست أن الدنيا تدور فيها من نظرت علي اللي ما عرفت اليها تفسير هي احتقارو إلا شنو ؟؟
ما حبت تشغل رأسها بعلي وسوالفه( البنت مو ناقصة خخ)
ملاك : فاطمة ...فاطمة .وين رحتي ؟؟
فاطمة بعد استدارك:وياج حبيبتي
ملاك بغمزة حلوة : أي وياي بالج مع الحبيب اللي قاعد بالمجلس
فاطمة " تغير الموضوع "
: ملوكة شرايج بملابسي؟
فاطمة كانت لابسة بنطلون جينز حلو وبلوزة سوده وحاطه شوية مكياج خفيف يعني عبارة عن روج وخط كحلة بسيط طالعة ناعمة ولابسه حجاب أسود ..
ملاك: طالعة قمر ياعمري ..
فاطمة بأبتسامة ناعمة : تسلمين حبيبتي
في هالوقت دخلت أم فاطمة علشان تضيف ملاك ( بعد مايصير عيب ..ياية بيت غرب مو بيت عمها خخ ) ..
وبعد كذا قعدوا يذاكروا ...
الساعة 5 و ثلث فاطمة وملاك بعدهم في الغرفة سمعوا صوت حيدر بيطلع
فاطمة من سمعت صوت حيدر يستأذن طلعت من غرفتها علشان تروح تسلم عليه ...
وهي تركض على الدرج زين أنها لحقت عليه قبل مايطلع في الحديقة ( الله ع الرومانس خخ)
ملاك وهي بالغرفة مستغربة من فاطمة وتقول داخلها ( لهدرجة تحبه )
أم فاطمة اللي كانت قاعده على الكنبة في الصالة وقفت يوم شافت بنتها تركض ماتدري شصاير شفيها فاطمة ..
اما في حديقة العشاق ( فاطمة &حيدر )
فاطمة منزلة رأسها : تو الناس أقعد
حيدر بجدية : لاتسلمي بس متواعد ويا واحد من الربع يلا مع السلامة ..
ومشى حيدر تارك فاطمة بقلب يدق أقوى ما عنده وحست كأن الجيران كلهم يسموعها فستحت ومسكت قلبها على بالها بخف الصوت ...
دخلت فاطمة وراحت إلى غرفتها وهي متضايقة لان حيدر مارضى يبقى زيادة ..
ملاك : سلامات ..
فاطمة : ملاكوا شفتي حيدر أقوله أقعد فالبيت تو الناس يقول متواعد ويالربع .. " كانت قريب تصيح "
ملاك في قلبها " ناس وناس تبيهم مسكين علاوي أخويي طردتيه قدام الكل وتضحكي عليه وهذا تزعلي لانه ما بيقعد ..
ملاك : ما عليه يا حبيبتي يمكن مشغول وايد .
وفجاه دق جوال ملاك وكان المتصل علي ..
ملاك فتحت مكبر الصوت لانها منقهرة من تصرف فاطمة كانت تبي تقهر فاطمة بصوت علــــــــــــــــــــــــــــــــي ...
علي : ألو ..
ملاك : ألو هلا علي ..
علي : هلا فيج ملاك كلمتي حسام ييج ..
ملاك : لا ..
علي : كلميه تراني ماباييج ..
ملاك : علي تعال أنت تدري حساموا طالع ويا ربعه وما بييني ..
علي : أنت تدري هادي بنت عمج مينونه لا وطاردتني ما أذل كرامتي وأقرب جنب بيتهم فاهمة وإلا أقول خليها تييبج هي وحيدور " وهو يقلد على فاطمة " .
فاطمة من سمعت اسم حيدر انقهرت وحست ان ملاك قالت له ..
ملاك وهي قريب تصيح يعني من إلا بيي ليا ..
علي : ما عندي حل ثاني ..
ملاك : علي الله يخليك تعال ..
علي وهو معاند : ما بايي لج خلي حيدور وفطوم ييبونج ..
فاطمة حست بأن ملاك قالت وها شي ضايقها فراحت بعيد عن ملاك بس أذونها قريبه تسمع الكلام اللي بين ملاك وعلي ...
ملاك : علي الله يخليك تعال ...
علي وهو معصب : ملاكوا خلاص أنهيت الكلام وياج دبري نفسج ..
ملاك قامت تصيح : علي يعني من اللي بيبني ..
علي : خليها تيبج ..
وقفل الخط بويهها وراحت ملاك جنب فاطمة وهي تصيح : ألحين من اللي بيوصلني البيت ...
فاطمة : ما عليج أني بأوصلج بس قولي ليا أنت قايله لأخوج عن حيدر ؟...
ملاك ارتبكت وبتردد قررت تكذب عليها و قالت : كنت قاعدة في الصالة وكنت فاتحة مكبر الصوت وفجأة ما انتبهت إله موجود وسمع الكلام .." ما قالت أن الكل سمع "
فاطمة : ياربي ملاك يعني لازم تفتحي مكبر الصوت ........
ملاك : سامحيني مو قصدي المهم أبغي أروح البيت بكره مدرسة ..
فاطمة : أوكي خلاص بأروح أقول إلى أبوي إذا فاضي ....
ملاك : زين ...
وراحوا إلى أبو فطوم ....
فاطمة : أبوي تقدر توصل ملاك بيتهم ..
أبو فاطمة: أ ن شاء الله .....
ملاك فرحت ألحين بتروح بيتهم .....
طبعاً راحت فاطمة مع أبوها علشان يوصلوا ملاك ....
في بيت ملاك أول ما وصلوا نزلوا ...
دخلوا..
كانت الصالة فاضية مافيها إلا صوت التلفزيون وشخص جالس عنده طبعاً ما في غيره الحجي علي ..
أول ماشاف عمه راح إله...
علي : هلا عمي أخبارك ..
العم : تمام أنت أخبارك وأخبار الدراسة ..
علي : تمام ..
فاطمة ما قدرت تطلع علي يمكن لأنها غلطة عليه بس ليش هي مو أول مرة تغلط عليه عيل ليش مو قادرة تطلعه هي نفسها ما تدري يمكن.. يمكن من نظراته اللي اليوم شافتها يجوز ....
علي يبي يقهرها : فاطمة شخبارج ؟؟؟
فاطمة : .............. " لا رد "
علي بصوت أعلى : فاطمة شخبارج ؟؟؟؟
فاطمة قربت شوي من أبوها كأن ألحين اللي يقول علي بياكلها وبصوت واهن : زينه ..
علي رفع رأسه بتكبر : زين ..
أبو فاطمة : علي وين أبوك ...
علي : فغرفته أناديه ؟؟
أبو فاطمة : يا ليت ...
علي : أن شاء الله ...
وراح علي ومشيته كلها تكبر وغرور وتعجرف وهو يمشي لف لوراء إلا يشوف فاطمة تطلعه طالعها بنظرة على أثرها نزلت فاطمة عيونها للأرض ..
ملاك قربت من فاطمة شوي : فطموا وش فيج ساكتة وهادية ...
فاطمة بتلعثم : ها .. ها .. ما فيني شيء ..
ملاك بضحكة : واضح واضح ...
...
بعد دقايق نزل علي وأبوه اللي مأخذ علي منه الطول بس صايره ملامحه طاغية جنب أبوه اللي ملامحه أكثر خشونة ورجولية بعكس علي اللي مأخذ من أمه ملامحه الطفولية والجمال ...
أبو حسام وأبو فاطمة سلموا على بعض وراحوا يتكلموا بالشغل والسياسة وأخذهم الوقت وعلي كان معاهم مستمع بس بمشاركة في بعض الأوقات ...
فاطمة تطلع الساعة وتقرب من أبوها أكثر : أبوي تأخر الوقت بكره عندي مدرسة وإلا نسيت ...
أبو فاطمة : لا ما نسيت يلا ألحين بأروح .....
أبو حسام : أقعدوا ..
أبو فاطمة : لا فاطمة ورأها مدرسة يلا مع السلامة ..
أبو حسام : الله يسلمكم .
وطلعوا وقبل ما يركبوا السيارة ..
أبو فاطمة لحظة بروح لجدج وجدتج ..
" كان بيت الجد والجدة قريب وايد من بيت العم يعني جنبه "
راحوا زاروهم زيارة سريعة وطلعوا ....... [/center]