الجزء الخامس عشر :-
...
الخدامه : ماما في وحده تبي أنت ألى التلفون
أم علي : من ؟؟؟
الخدامه : تقول أنها أم ردا ...
أم علي : خلاص زين يبيه ..
وراحت أم علي تكلم أم رضا..
أم علي : هلا أم رضا شلونج شخبارج شخبار اليهال ..
أم رضا : الحمد الله زينه أنتي شخبارج وشنو أخبار اليهال...
أم علي :الحمد لله زينين ...
أم رضا : أنا بكلمج بموضوع يخص بنتج نور ...
ام علي : تفضلي شنو فيها نور
ام رضا: انا وبالصراحة وبدون مقدمات أبي أخطب بنتج نويره لولدي مهند ...
ام علي : والله ياام رضا ما من لاقي احسن من مهند وانا ما عندي أي مانع ..
بس انتي تدري لازم اقول إلى أبوها وأشوف رايه وراي بنته
ام رضا: خلاص عيل على خير ان شاء الله اساليها وشوفي رايها حق وواجب
ام علي : على خير
ام رضا : يلا مع السلامة سلمي على بوعلي والعيال
ام علي : الله يسلمج مع السلامه ..
ام علي بعد ماسكرت السماعة من عند ام رضا راحت الى بوعلي اللي كان في الميلس ..
ام علي : ها بو علي والله ابيك في سالفة
ابو علي : ها خير شنو عندك ؟
ام علي : ام رضا ألحين متصلة تبي تخطب ولدها مهند الى بنتنا نور ها شنو رايك ؟
ابو علي : الساعة المباركة انا والله ماعندي مانع بس لازم نسال البنت بالأول والا احنا وين منلقى احسن من مهند
ام علي : اكيد انا باروح اسالها
راحت ام علي فوق الى غرفة نور اللي كانت قاعدة تتصفح مجلة
دقت ام علي الباب قبل ماتدخل عليها
نور : تفضلي
ام علي دخلت وقفلت الباب وراءها
ام علي والابتسامة واضحة على ويهها : ها نوري شنو تسوين ؟
نور وهي تبادل امها نفس الابتسامة : ماكو بس أقراء
ام علي : نوري يابنتي بالصراحة بدون لف ودوران ومقدمات انتي داريه انج كبرتي وصار الوقت اللي اشوفج عروسة واشوف عيالج قبل مااودع هذي الدنيا ومثل ماانتي عارفة البنية في النهاية ماليها الا بيت ريلها
المهم اليوم ام رضا " نور هنا اول ما سمعت ام رضا دق قلبها "
خطبتج الى ولدها مهند " البنية هنا أنقلبت وصار ويهها قوس قزح قلبها طبول "
ام علي : ها شنو قلتي شنو اقول الها مواقفة والا لا ؟
نور بخجل وحيا واضح : كيفج يمه اللي تشوفيه
أم علي : ما فيه اللي أشوفه تبيه ولا .. لا ..
نور : ............
أم علي : أعتبر سكوتج رضا ..
نور: ..............
أم علي : يعني أقول إلى أبوج أنج موافقه ..
نور : اللي تشوفيه ..
....
طبعاً أم رضا بعد ماكلمت أم علي راحت قالت إلى أولادها رد أم علي ...
مهند كان في غرفته فكر يدق على علي ..
راح دق عليه ..
علي : ألو هلا
مهند : ألو أهلين ..
علي : شنو فيك كل حين أتصل فيك قافل جوالك ..
مهند : أيوه عليو أمي كلمت أمك ..
علي بحماس : بشنو ؟؟؟
مهند : خطبت أختك نور ..
علي : صحيح ..!
مهند : أيوه
علي : مبروك ..
مهند : خليها توافق بالأول ...
علي : أكيد بتوافق وين بتلقى أحسن من مهند زين الشباب ...
مهند : احم ..احم مشكور يالحبيب
علي : اش عليك ياشيخ
مهند : بكرا امي واختي وزوجات أخواني رايحين يتقدموا رسمي الها
علي : يشرفنا والله ، حياكم
مهند : خلاص بكرا موعدنا في الليل
وفي بيت بوعلي وبتحديد في الصالة
ام علي : ابشرك يا بو علي نور وافقت
ابو علي : زين على خير ان شاء الله
محمود يبيها من الله وراح يبلغ ندى وعلي
راح غرفة ندى
هجوم
محمود : نديوا الحقي خبر عاجل ...طازج ...حار ....نار في الفرن ندى بفضول : شنو هو ؟؟؟
محمود بحيرها شوي : نوروا اختي ..........
ندى والفضول ذبحنها : شنو فيها " العيون واسعة تبي تعرف شنو صاير "
محمود يبي يزيد حيرتها : أنخطبت على واحد ...
ندى وهي بتموت إلا تعرف : مين مين اللي خطبها ؟؟؟
محمود : مهند صديق عليوي ...
ندى وملامح الدهشه تغيرت إلى ملامح حزينه : مين مين قلت ؟؟
محمود : "مهند "
ندى تضايقت وايد وحست أنها بتموت " معقوله مهند يخطب نور ليش .. معقوله ... مستحيل ..
محمود لاحظ تغير ملامح أخته المفاجئة : ندى شنو فيج ؟؟؟
ندى : مافيني شيء أنقلع ...
محمود : شنو فيج ؟؟؟
ندى : قلت لك مافيني شيء أنقلع ..
محمود : ترى أهله بكره يايين ونور أختي وافقت ..
ندى : شنو أسوي فيهم روح ..
محمود : زين ..
***
طلع محمود وراح إلى تحت وقام يكلم نديم ...
محمود قام يحاول في نديم : نديموا ييب محمد ولد أختك ..
نديم : مانا ..
محمود : ييبه الله يخليك نديموا ..
نديم : لحظة بسأل أمه وبشوف ..
محمود : زين سرع أنتظر حمودي حبيبي ..
نديم: زين فريخان ..
وبعد فترة جاء نديم ومعاه ولد أخته ..
محمد : لو .. لو
محمود : ألو هلا حمودي ..
محمد : مودي
محمود : حبيبي
محمد : بيبي
محمود : حمادي قول فريحان ..
محمد : فريخان
محمود : فريخان حياتي ..
محمد : فريخان أيأتي
محمود : حمود وين خالك نديم لفريخان ..
محمد : أديم فريخان ..
نديم : هههههههههههههههههههههه
محمود : شنو فيك هههههههههه فريخان
نديم : فريخان , فريخان ههههههههههه
.....
كان مهند في غرفته وجالس يفكر بنور وبشنو رح ترد ...
فجأة دخل مؤيد عليه ...
مؤيد : شنو هالحاله الولد حالته حاله شنو لها أمه تقول بتخطب له ...
مهند : روح عني ...
مؤيد : ويلي أمي المفروض تخطب لك من دون ماتدري تدري ليش ...
مهند وهو يبتسم بغضب : ليش ؟؟؟
مؤيد : على حساب ما تتخفى مثل الحرامي هههههههههههه ...
مهند : روح عني زين ..
مؤيد : روح عني زين ..
مهند : هوو هوو
مؤيد : هوو هوو
مهند : فكني مؤيدوا
مؤيد : فكني مؤيدوا
مهند : مؤيد والأخير ...
مؤيد : مؤيد والأخير ...
مهند بغضب شديد : ياربي
مؤيد : ياربي ...
مهند : خـــــــــــــــــــــــــــــــــــــــــــــــــ ـــــــلاص ...
مؤيد : خلاص أسف خيو ...
مهند : مشكور حبيبي ..
مؤيد : طيب شنو فيك كذا ...
مهند : مافيني شيء ..
مؤيد : فيك كانك بنت يايين يخطبوها ..
مهند : أنا .......
مؤيد : أيوه أنت ...
مهند :مانا بنت ولاشيء ..
مؤيد: زين فكر لبكره وايـــــــــــــــــــــــــــــد باي ,..
مهند : روح زين باي ...
****
اليوم الثاني موعد التقدم الرسمي الى نور
في بيت ام علي
ام علي في الصالة ويا جارتهم أم صادق
وندى ما طلعت من غرفتها من امس طبعا بعد ما سمعت انا مهند بيخطب اختها
ومحمود نايم في غرفته
علي كان بره في الحديقة يفكر بصفاء ..
ونور في الغرفة قلبتها فوق تحت طلعت كل الثياب اللي في الدولاب على حساب تتطلع قمر قدام أم مهند ...
وفي بيت ام رضا ...
ام رضا تغسل الثياب
وبو رضا يسقي الزرع والورد اللي في حديقتهم
اما مؤيد وبقية اخوانه في الميلس يشاهدوا فلم وطبعا معهم ليالي اختهم
مهند حاله مثل نواره في غرفته طبعا بعد ما طلع كل لثياب اللي عنده قرار يلبس احسن ثوب فيهم عنده ومعه شماغ احمر على حساب يطلع قدام نور واهلها رزة وتكانة
في بيت بو علي
نواره قررت بعد ما نثرت الثياب تلبس بلوزة حمره "كت "وتنورة جنز قصيرة واكسورارت ونعال كعب احمر ناعم
ندى قرارت تروح تسال نور عن رايها
ندى وهي الطق الباب : نوير
نور : ها ندى تفضلي
ندى : نور حبيت اعرف رايج في خطوبة مهند لج
نور والحيا غطها والابتسامة واضحة : بالصراحة مهند ما ينعاب
ندى طلعت من الغرفة بسرعة تسبقها دموعها وهي تقول في داخلها نور اختي وموافقة على الانسان اللي حبه قلبي ليش نور موافقة ليش ...
علي رجع من الغرفة وراح إلى نور وأول ما دخل شاف حالة الغرفة حالة ...
علي : هلا نور ...
نور : هلا علي ..
علي : شنو هالحاله ...
نور : بس أشوف شنو رح ألبس اليوم ...
علي وهو يتبسم إلى أخته بخبث : أيوه أيوه شنو هذا كل هذا على حساب أم رضا تموت من جمالك ...
نور : أوه علي ..
علي : أنتي موافقه على مهند ...
نور أستحت وايد : ...............
علي : الظاهر أنج موافقه ماتكلمتي ...
نور: ..............
علي : طيب شنو رايج فيه ...
نور : هو ... هو .... بالصراحة ... ما ينعاب ..
علي : نور كلمتي صاحبتج عن رايها فيني ...
نور : لا ....
علي : طيب كلميها ..
نور : لا روح ما أفشل نفسي مع البنت وأنت عطيتها مهله أسبوع يكفيها تفكر ...
علي : طيب سحبي منها الكلام من دون ما تحس ...
نور : لا لا لالالالالالا خليها تفكر على مهلها ما أعكر عليها تفكيرها ...
علي : عنيده راسج يابس ...
نور : كيفي ..
علي : أطلع أحسن من أمطالع هالوجه الله يعين مهند أن وافقتي ...
نور : ههههههههههههه سخفتها ...
علي : ههههههههههههههه سخفتيها ...
وطلع علي من غرفته صادف ندى مع محمود وهم يتهاوشون كا لعادة
محمود: كلمي صديقتج وقولي لها أحبها ...
علي : محمود عيب خلاص ماتنتهي أنت ..
محمود : شنو هالعصبيه ..
علي : أنت وهي عورتوا راسنا الله لايخليكم ...
محمود : حرام ..
علي : حلال .. أنقلعوا ..
راحت ندى إلى غرفتها ومحمود راح إلى غرفته ...
وفي الليل وصل موكب أهل الخاطب مهند إلى بيت بوعلي ...
طبعاً كانوا اللي يايين معاه أمه وأبوه وأخوانه وأخته وزوجات أخوانه ...
في ميلس الحريم كانت ليلى جالسه يم نور وندى جالسه في زاويه معزوله ..
كانت أم رضا يم أم علي وزوجات أخوة مهند وبناتهم ...
طبعاً ليلى أستلمت نور أسأله ...
ليلى بصوت قريب إلى الهمس : نويره طالعه اليوم مثل القمر ...احم ...احم كل هذا الحلا الي انا
نور بخجل : لا
ليلى بخبث وهي عارفه لمين هالحلا كله قالت بصوت عالي : لمين عيل هالحله إذا مش لي؟؟؟
ضربت نور ليلى ضربه تسكتها بعد ما راحت الأنظار إلها حست نور بالأحراج...
منى زوجة رضا توجه سؤالها الى نور : ما شاء عليج يانور جمال الكون كله فيج بس قولي لقمر قوم وانا اقعد مكانك محظوظ مهند فيج اذا وافقتي عليه طبعا ’الله يهنيكم
نور بحيا وابتسامة ساحرة : مشكورة هذا من ذوقج
ليلى :شنو وراك الكل يمدح فيج بس ماقلتي هالحله لمين؟
نور وصار لونها احمرمن الحيا : ليالي يوزي عني
ليلى وهي تضحك على نور :
: هههههه كل هذا حيا
وقطع الكلام الخدامه وهي يايبه العصير ...
في الميـــــــــــــــــــــــــــــــــــــلس الريايل