السلام عليكم ورحمة الله وبركاته
كيف حالكم إخواني وأخواتي العزيزات :بالحضن:
ابغى اطرح عليكم مشكله من مشاكل الزمن ولكثرة المشاكل التي اقرأها في منتداكم حبيت
اكتب هالبلوى اللي حاصله هالأيام في مجتمعنا
*المشكله الأولى :
وش رايكم في اللي البنت اللي تتواعد مع حبيبها انهم يطلعوا ، وإذا جا ياخذها ماتوقف عند باب
بيتهم توقف على ابواب الناس ( استغفر الله ) وهذا الحدث أكثر من مره وهذا مو في بنت وحده
أكثر من بنت والله مو حرام اللي يصير
والمشكله إنهم يجوا من بيتهم بأكياسهم وعطوراتهم بعبايه على الراس ، بس تبتعد شوي عن
بيتهم تبدل العباه وتلبس الكتافي ، وشي يعني هالكتافي اللي فرحانه بها ، تعطي معنى ؟
وإذا جا ينزلها وشافت الشباب بره جالسين خلاص مافي مفر إنها تهرب وش تسوي ؟ تضطر
تنزل في بيوت الناس اي واحد قريب ليها عشان يتهموا بنات الأجاويد ( اعوذ بالله )
*المشكله الثانيه :
عندما يتقدم شاب لخطبة فتاه ، طبعا اول شي يروحوا يسألوا عن البنت ( شرفها ، أخلاقها ... إلخ )
يروحوا الناس وش يقولوا ( يقطعوا رزقها ) يقولوا لا تاخذها العروس عندي اعطيك أختي أو عمتي
أو أخت زوجتي وهكذا ، ويقولوا هذي كبيره عليك لاتاخذها أو يخربوا على بنات الناس في
شرفهم ( وهم من أحسن العوائل ) وكل هذا قهر وحقد وغيره
أو يعلقوا بالهم على الناس يقولوا اخلف الله علينا بناتنا قاعدين وبناتهم يعرسوا ،،
مو حرام له ؟
الله لايوفقهم ولايبري ليهم ذمه إن شاء الله
الله يراوينا فيهم :ملاكمه:
الله يطلعها في بناهم إن شاء الله وحبايبهم واللي يتكلموا معاهم إن شاء الله تطلع في عواقبهم وعواقب عواقبهم
الله يشغلهم بشغل شاغل لافراغ له حسبي الله ونعم الوكيل