زمان ياجماعة كنا لما نشوف ولد صغير يسوق سيارة نستغرب ! ليش أبوه يعطيه سيارة ؟ ... إيه أبوه ما يبغي يحرمه من شي ! .. إيه الولد صار كبير في نظر أبوه ! ... إيه أمه صارت تصر على أبوه عشان يعطيه السيارة ( يعني الولد مدلع ) ! .... وراح اللي راح .. ونسينا !
ها اليوم حكايتنا جديدة .. إيه اليوم سالفة هالجوال إذا ما تملك واحد يعني أنت متخلف ! .. يعني أنك ما تواكب المجتمع .. منت متطور بمعنى أصح ! .... إنسان عايش في عصور الجاهلية الغبرة ..
كل هذا وما تبغي شبابنا وصغارنا ما يشيلوا جوالات ..
صار الجوال قيمة من قيم المجتمع .. ما تدري ؟!
صار الجوال من أساسيات الواجهة الشخصية للواحد ..
إذا نسيته في مكان يا ويلك .. كأنك نسيت نصف عمرك .. لا ولازم تغير جوالك كل 3 - 6 شهور على الأقل ، وإلا ترى انك ما تواكب الموضة .. يعني أنت واحد قديم !
تعال وخد من جهة ثانية ..
وين بعد ... فيه جهة ثانية وثالثة ؟
يا عمي الجوال موبس مكالمات في ( الهوا ) وبس .. فيه رسايل حب وغرام .. رسايل نكات .. رسايل رسوم .. ( أوه أنا غلطان ما أسمها رسايل أنا آسف يا جماعة اسمها " مسج " علشان لا أحد يكتشف أني واحد قديم ومتخلف ) اعذروني .
وخد بعد كل هذا .. فواتير ما تتسدد .. جوالات مقطوعة .. هموم على القلب .
السؤال : هل نحن نعيش نفاق اجتماعي ؟ 