السلام عليكم ورحمة الله و بركاته
أنقل لكم التالي:
الابوذية شعر شعبي رائع
الأبوذية ضرب من ضروب الشعر الشعبي المنبثق من منطقة الريف العراقي و مؤلف من بيتين بأربعة أشطر ثلاثة منها في جناس واحد يتحد باللفظ و يختلف بالمعني وينتهي الشطر الرابع منه بحرفي الياء و الهاء أما الحان الأبوذية فتسمي أطوار و لكل طور النغم الخاص به و القواعد المتفقة علية و قد انتشرت الأبوذية ووصلت إلى المدينة فإختلفت بالمعنى لما للحضر من إختلاف بالحياة و الإهتمامات عن الإنسان الريفي البسيط ولكن يظل الإتفاق قائم بينهم على قواعد الأبوذية من غناء و الأوزان شعرية .و الأبوذية هي من بحر الوافر
واليكم نماذج من ابيات شعر الابوذية . وهو عدة اطوار اي انواع منها .
______________________________
[align=center]طور المجراوي
دنيف متيمك مايوم بسم
مغذيني ياساهي العين بسم
من وجدك غديت أنلظم بسم
بدسم الخياط إيضيج بيه
[align=center]طور الصنداقي * من الأطوار القديمة [/align]
يناهي لاتشد بالراس وبره
تظن منك دليلي يسل وبره
أنا جم دوب أكد للظعن وبره
الظعن و أهل الظعن شحوا عليه
طور السرحاني
وحق الي تعبده الناس منشاف
الدمع من يومكم لليوم منشاف
الف ياحيف شفي إنقطع منشاف
بعد هيهات جمعتنا سوية
طور الصبي
سروا و أنووا ظعنهم وين يردون
ظمايه ومن دموع العين يردون
لون أهلك حبيبي عبد يردون
رضيت إن جان يرضون بية
طور الطويرجاوي
بجيت وزادن جروحي ولاماي
علي الماطال الي وياهم ولاماي
لاهو دم دمع عيني ولاماي
لكن روحي تذوب وتسح هية
طور الدشت
طيب وماي دهن الورد منهل
عرقه و خجل من البدر منهل
أحبك يانديمي أنا منهل
الله ولاتظن ظنة ردية
طور المشموم
لوعني زماني انحلت كليت
وعلى روحي غضى ضويت و كليت
بجيت و دم دموع العين كليت
على خلي السكن بالناصرية
طور المحبوب
وحق عقد الولاية ون باه
جمع أعضاي صارت ون باه
ياحادي ضعون ولفي ون باه
نريد وياه نترافق سوية [/align]